The Definitive Guide to Living in the Capital , Cairo , Egypt

الحياة في كايرو

أفضل أماكن في القاهرة تشتري منها مجموعة تشجيع كاس العالم 2018

أدوات التشجيع تشجيع تي شيرت روسيا 2018 كاس العالم 2018 كرة القدم كورة لعب ماتش محمد صلاح مصر منتخب
أفضل أماكن في القاهرة تشتري منها مجموعة تشجيع كاس العالم 2018
    بواسطة
    Cairo 360

    كاس العالم على الأبواب. وأول يوم العيد هنتفرج على مصر بتلاعب الأوروجواي، في أول ماتش لنا في كاس العالم من 28 سنة. وطبعًا كلنا مستنيين نشوف أبو مكة.

    سواء أنت رايح روسيا تشجع من هناك، أو هتشجع وأنت هنا وسط أهلك وأصحابك، لازم تكون جاهز للتشجيع. يعني تي شيرت بلدك، علمك، زمارتك، وكل حاجة محتاجها علشان تدخل في المود. وإحنا في السطور اللي جاية، هنقولك تجيب الحاجات دي منين وبكام. يلا بينا:

    أديداس

    لو عايز تجيب مجموعة التشجيع الرسمية في مصر، مش هتلاقي أحسن من أديداس. بفروعهم الموجود في كل مكان. موفرين التي شيرت الأصلي بحوالي 1900 جنيه. وكمان هتلاقي عندهم كورة كاس العالم الأصلية.

    جو سبورت والنصر

    أدوات التشجيع كلها ممتعة، بس لو عايز تجدد، ممكن تجيب التي شيرت البولو الرسمي لكاس العالم، هتلاقيه في جو سبورت والنصر. هتلاقي التي شيرت مع علامة كاس العالم الأصلية بـ 220 جنيه.

    الناظر

    أكيد أديداس فيها اللبس الأصلي بأعلى جودة. بس لو عايز حاجة بتكلفة أقل شوية، وفي نفس الوقت بجودة كويسة.. الناظر فيه تي شيرت المنتخب بـ 300 جنيه.

    النمرسي

    النمرسي فيه كمية كبيرة جدًا من أدوات التشجيع، بأشكال وألوان وأحجام مختلفة. أنت كمان ممكن تلاقي حاجات ماكنتش تعرفها، أو فكرت فيها. هتلاقي فيه أعلام تشجيع كاس العالم. وهتلاقي كمان طواقي بأشكال مختلفة. رغم إنه بيقدم إكسسوارات ومنتجات خاصة بالبنات بس.

    كونكريت

    رغم إن كونكريت بيقدموا دايمًا لبس كلاسيك، إلا إنهم موفرين تي شيرت كاس العالم. وتقدر تشتريه منهم بسعر 250 جنيه. وكمان ممكن تاخده مجانًا مع خصم 50% على تي شيرت تاني، لو اشتريتوا حاجات بـ 3000 جنيه أو أكتر.

    سوكر ستريت

    لو عايز تي شيرت كاس العالم من غير ما تفلس، يبقى مكانك سوكر ستريت. وهناك تقدر تجيب التي شيرت وحاجات تانية زي: محفظة – مج – كاب وغيرهم، كل ده بـ 300 جنيه.

    يلا نشجع مصر.

    مقترح