The Definitive Guide to Living in the Capital , Cairo , Egypt

صحة ولياقة -
مقترح

لتحسين حالتكم الجسدية والنفسية.. 5 قنوات مجانية لتعليم فنون الرقص

تحية كاريوكا تعليم تعليم الرقص مجانا رقص رياضة سامية جمال شرقي فن قنوات لتعليم الرقص
لتحسين حالتكم الجسدية والنفسية.. 5 قنوات مجانية لتعليم فنون الرقص
بواسطة
Mohamed Talaat

الرقص واحد من أرقى وأجمل الفنون، وثبت علميًا إنه مفيد للحالة الجسدية والنفسية للإنسان، وتاريخه بيرجع لعصر قدماء المصريين، وهو مش مجرد تمايل ولا هز للجسم وبس، لا ده فن وتعبير بيجمع بين الروح والإحساس والجسد، والرقص أصبح في عصرنا مش مجرد تعبير عن الفرح وخلاص، لا ده كمان أصبح رياضة مهمة، بتحسن الحالة الصحية والنفسية وكمان بيقوي العظام وبينصح بيه خبراء التخسيس.

وخلال السطور الجاية هنقول لكم على 5 قنوات مجانية موجودة على يوتيوب هتعلمكم أساسيات فن الرقص بمختلف أشكاله.

 

Pamela Koueik باميلا قويق

هي قناة بيتم بثها من الإمارات وصاحبتها بتعلمكم كل اللي محتاجين تعرفوه عن فن الرقص وأساسياته بشكل عام، وكمان بتقدم رقصات محددة لأغاني مشهورة، وتقدروا تزوروا القناة من هنا.

الرقص مع هالة

تقدروا مع المدربة هالة تتعلموا أساسيات الرقص، وهالة نفسها اتعلمت الرقص بداية من 2015 من خلال الإنترنت، وحاليًا هي اللي بتدرب جمهورها الرقص، وتقدروا تزوروا قناة اليوتيوب الخاصة بيها من هنا.

علي واحدة و نص

هي قناة هدفها الأساسي تعليم البنات الرقص الشرقي، وبتقدم عروض رقص على موسيقى وأغاني مختلفة طول الوقت، وتقدروا تشوفوا تفاصيل أكتر بزيارة قناة اليوتيوب من هنا.

Zara Dance

من سنة 2007 وزارا بتعلم الرقص على قناتها، وبتقدم دروس متخصصة في تحريك أعضاء الجسم بشكل علمي وفني، وتقدروا تشوفوا كل الفيديوهات من خلال قناة اليوتيوب من هنا.

PMG

قناة أسستها الكابتن هبه محمد، وهي بتستخدم كل أنواع الرقص سواء شرقي أو زومبا أو صلصة للرياضة، وبتدي دروس لتقوية عضلات الجسم من خلال الرقص الشرقي، وعلشان تعرفوا أكتر زوروا قناتها على اليوتيوب من هنا.

مقترح