The Definitive Guide to Living in the Capital , Cairo , Egypt

الزمالك مش منطقة عادية في القاهرة، لما بتتمشي في شوارعها بتشم رائحة التاريخ والماضي اللي كان مليان جمال. وأغلب مباني الزمالك بتحكي حكايات، ومنها قصر هوج، اللي للأسف مش متاح للزيارة، لأنه حاليًا سكن خاص لشخصية دبلوماسية. لكن تصميم المكان وتاريخه هيفضل شاهد على جمال القاهرة بشكل عام، والزمالك بشكل خاص.

تعالوا نتعرف أكثر على قصر هوج بالزمالك.

بيعتبر قصر هوج واحد من أقدم مباني حي الزمالك بالقاهرة، اتبنى بين عامي 1907 و1908. القصر مبني على الطراز القوطي، وهو من تصميم المعماري الفرنسي راؤول براندون (1878 – 1941)، وهو نفس الشخص اللي صمم مبنى عمر أفندي الشهير في شارع عبد العزيز بوسط القاهرة.

أصحاب القصر هما جان ومارسيل هوج. طيب مين هو جان هوج؟ ده مصرفي سويسري، وهو مؤسس بنك هوج وشركاه اللي كان موجود في شارع شريف بوسط القاهرة .

بعد وفاة “هوج”، تحول القصر إلى مدرسة الأميرة فوقية الجديدة للبنات، وهي مدرسة للصفوة من بنات العائلات الأرستقراطية.

وبعدها تم بيعه إلى محمد سامح موسى بك، وده أحد أقطاب الحزب السعدي في السبعينيات. وبعدها تم تأجيره لحكومة فنزويلا، ثم تم بيعه إلى نوال الدجوي اللي بتوصف بأنها رائدة التعليم الخاص في مصر.

القصر حاليًا بيستخدم كسكن خاص للسفير الجزائري.