دليل كايرو 360 للقاهرة، مصر

الأجندة

الأحد 11
عرض فيلم "في يوم" في سينما زاوية
Dec 07 7:00 pm to Dec 13 9:00 pm -

تستضيف سينما زاوية بوسط البلد إطلاق عرض الفيلم الروائي "في يوم" للمخرج كريم شعبان، العرض الأول يوم الأربعاء 7 ديسمبر، ويستمر العرض يوميًا في تمام السابعة مساءً إلى يوم الثلاثاء 13 ديسمبر، وفي يوم العرض الأول يدار نقاش مفتوح مع مخرج الفيلم، سعر تذكرة الحضور 35 جنيهًا، التفاصيل من هنا.

السبت 10
  • عرض فيلم "في يوم" في سينما زاوية
    عرض فيلم "في يوم" في سينما زاوية
    Dec 07 7:00 pm to Dec 13 9:00 pm - سينما زاوية
    تستضيف سينما زاوية بوسط البلد إطلاق عرض الفيلم الروائي "في يوم" للمخرج كريم شعبان، العرض الأول يوم الأربعاء 7 ديسمبر، ويستمر العرض...
  • حفل التنورة بوكالة الغوري
    حفل التنورة بوكالة الغوري
    Dec 10 7:00 pm to Dec 10 9:00 pm - وكالة الغوري
    يقام بوكالة الغوري حفل لفرقة التنورة التراثية، والتي تقدم الرقصة الشهيرة المستوحاة من تراثنا الصوفي، والتي تنبع من فلسفة وجود نقطة...
الجمعة 09
عرض فيلم "في يوم" في سينما زاوية
Dec 07 7:00 pm to Dec 13 9:00 pm -

تستضيف سينما زاوية بوسط البلد إطلاق عرض الفيلم الروائي "في يوم" للمخرج كريم شعبان، العرض الأول يوم الأربعاء 7 ديسمبر، ويستمر العرض يوميًا في تمام السابعة مساءً إلى يوم الثلاثاء 13 ديسمبر، وفي يوم العرض الأول يدار نقاش مفتوح مع مخرج الفيلم، سعر تذكرة الحضور 35 جنيهًا، التفاصيل من هنا.

الخميس 08
الأربعاء 07
  • فرقة مزاهر في مكان
    فرقة مزاهر في مكان
    Dec 07 8:00 pm to Dec 07 10:00 pm - مكان
    يستضيف المركز المصري للثقافة والفنون "مكان" فرقة مزاهر. تقدم الفرقة عرض الزار الذي تحتل فيه المرأة دورًا أساسيًا. سعر التذكرة: 30...
  • العرض المسرحي "حل الضفاير" على مسرح المعهد العالي للفنون المسرحية
    العرض المسرحي "حل الضفاير" على مسرح المعهد العالي للفنون المسرحية
    Dec 07 7:00 pm to Dec 08 9:00 pm - مسرح المعهد العالي للفنون المسرحية
    يستضيف مسرح المعهد العالي للفنون المسرحية بالهرم العرض المسرحي "حل الضفاير"، يقام العرض يومي 7 و 8 ديسمبر في تمام السابعة...
  • عرض فيلم "في يوم" في سينما زاوية
    عرض فيلم "في يوم" في سينما زاوية
    Dec 07 7:00 pm to Dec 13 9:00 pm - سينما زاوية
    تستضيف سينما زاوية بوسط البلد إطلاق عرض الفيلم الروائي "في يوم" للمخرج كريم شعبان، العرض الأول يوم الأربعاء 7 ديسمبر، ويستمر العرض...
  • حفل التنورة بوكالة الغوري
    حفل التنورة بوكالة الغوري
    Dec 07 7:00 pm to Dec 07 9:00 pm - وكالة الغوري
    يقام بوكالة الغوري حفل لفرقة التنورة التراثية، والتي تقدم الرقصة الشهيرة المستوحاة من تراثنا الصوفي، والتي تنبع من فلسفة وجود نقطة...
الثلاثاء 06
  • عرض فيلم "Under the Skin" في دكة أضف
    عرض فيلم "Under the Skin" في دكة أضف
    Dec 06 7:00 pm to Dec 06 9:00 pm - مؤسسة التعبير الرقمى (أضف)
    تعرض سيما دكة التابعة لمؤسسة التعبير الرقمي "أضف" فيلم الخيال العلمي "Under the Skin". الفيلم للكبار فقط والدخول مجانًا....
  • مواويل جمالات ورضا شيحة في مكان
    مواويل جمالات ورضا شيحة في مكان
    Dec 06 8:00 pm to Dec 06 10:00 pm - مكان
    يستضيف المركز المصري للثقافة والفنون "مكان" حفلًا للمواويل والغناء الشعبي. تقدم الحفل جمالات ورضا شيحة. سعر التذكرة: 30 جنيهًا. التفاصيل...
  • حفل إطلاق ألبوم "لم لا" للفنان نصير شمة
    حفل إطلاق ألبوم "لم لا" للفنان نصير شمة
    Dec 06 8:00 pm to Dec 06 10:00 pm - دار الأوبرا المصرية
    يستضيف المسرح الكبير بدار الأوبرا المصرية حفلًا موسيقيًا لعازف العود الفنان العراقي الكبير نصير شمة، الحفل يأتي بمناسبة إطلاق "ضمة"...
  • حفل فرقة الفن الصادق في ساقية الصاوي
    حفل فرقة الفن الصادق في ساقية الصاوي
    Dec 06 7:00 pm to Dec 06 9:30 pm - ساقية الصاوي
    تستضيف ساقية الصاوي بالزمالك حفلًا لفرقة الفن الصادق للموسيقى العربية، يقود الفرقة الموسيقار إسماعيل صادق والمايسترو إيمان سليمان، سعر تذكرة...
  • عرض فيلم "20 سبتمبر" في سينما زاوية
    عرض فيلم "20 سبتمبر" في سينما زاوية
    Nov 30 7:00 pm to Dec 06 10:00 pm - سينما زاوية
    تطلق سينما زاوية في وسط البلد عرضًا للفيلم الوثائقي "20 سبتمبر" المعروف باسم "هدية من الماضي" للمخرجة الشابة كوثر يونس، العرض...
الإثنين 05
  • عرض فيلم "Perfect Strangers" في بلكون لاونج
    عرض فيلم "Perfect Strangers" في بلكون لاونج
    Dec 05 7:30 pm to Dec 05 10:00 pm - بلكون لاونج - Balcon Lounge
    يعرض بلكون لاونج بمصر الجديدة الفيلم الإيطالي "Perfect Strangers". الذي يدور حول مجموعة من الأصدقاء القدامي يلتقون حول مائدة عشاء،...
  • العرض المسرحي "حل الضفاير" على مسرح الهوسابير
    العرض المسرحي "حل الضفاير" على مسرح الهوسابير
    Dec 04 7:00 pm to Dec 05 9:00 pm - مسرح الهوسابير
    يستضيف مسرح الهوسابير العرض المسرحي "حل الضفاير"، يقام العرض يومي 4 و 5 ديسمبر في تمام السابعة مساءً، الدعوة عامة، التفاصيل من هنا.
  • عرض فيلم "20 سبتمبر" في سينما زاوية
    عرض فيلم "20 سبتمبر" في سينما زاوية
    Nov 30 7:00 pm to Dec 06 10:00 pm - سينما زاوية
    تطلق سينما زاوية في وسط البلد عرضًا للفيلم الوثائقي "20 سبتمبر" المعروف باسم "هدية من الماضي" للمخرجة الشابة كوثر يونس، العرض...
  • حفل التنورة بوكالة الغوري
    حفل التنورة بوكالة الغوري
    Dec 05 7:00 pm to Dec 05 9:00 pm - وكالة الغوري
    يقام بوكالة الغوري حفل لفرقة التنورة التراثية، والتي تقدم الرقصة الشهيرة المستوحاة من تراثنا الصوفي، والتي تنبع من فلسفة وجود نقطة...

الأبرز

مطاعم

دسوقي آند صودا: مطعم مش قد كدة في المعادي

دسوقي آند صودا: مطعم مش قد كدة في المعادي

زي ما قلنا قبل كده أننا نقدر نختصر القاهرة في وسط البلد، فإحنا بنقول أننا نقدر نختصر المعادي في شارع "9"، مش بس علشان الشارع كبير ومحوري ورابط مناطق كتير ببعض، كمان علشان أي نشاط هتحب تعمله في المعادي، سواء تجاري أو ترفيهي أو غيرهم، هتلاقي له سكة ومكان هناك. "دسوقي آند صودا"، واحد من المطاعم اللي فتحت من كام شهر كده في شارع 9 في المعادي، وفي وقت قليل جدًا بقى اسمه على كل لسان، وواضح أنه بقى عزومة الذوق في أرض المعادي الشقيقة، ولأن كل حاجة لازم لها سبب فإحنا قررنا نزور المكان بهدف أننا نختبر حقيقة السمعة دي ونفهم إيه الدنيا ونحط إيدينا على أسباب الانتشار السريع والقوي ده، لكن تقريبًا كده والله أعلم يعني.. إحنا مافهمناش حاجة! أول ما تعدي من قدام المطعم هتتاخد بمنظر الزحمة الشديدة والمكان اللي مافيهوش مكان لرجل واحدة زيادة والناس الكتير اللي واقفين برة مستنيين دورهم علشان يقعدوا، المنظر ده وإن كان مش محبب لناس كتير لكنه ممكن جدًا يعتبر دليل قوة وتميز، عمومًا ترددنا شوية في الدخول بسبب الزحام ده لكن في الآخر غلبنا فضولنا للتجربة وقلنا لازم ندخل. الحجز والانتظار برضه مش عمليات محببة يعني لكن الموضوع عدى، قعدنا أخيرًا وده المهم، لفت نظرنا جدًا التعامل الودي –الزايد جدًا عن حده الحقيقة- من المسؤولين عن الخدمة في المطعم، يعني حسينا أنه آه لطيف أننا نتعامل بخفة وبشكل مافيهوش تكلف أو افتعال لكن مش هنقلب أصحاب يعني ونهزر هزار اتنين مقضيين ليلهم ونهارهم سوا، ده ممكن يقفل ناس كتير ويعتبروه تجاوز، وإن كان هيعجب ناس تانية وهيعتبروه نوع من اللطف وحسن الضيافة. واضح أن كل عملية في المطعم ده لازم لها شوية انتظار، بعد ما انتظرنا علشان نلاقي مكان نقعد فيه انتظرنا تاني لما قعدنا علشان حد ييجي ياخد مننا طلبنا، خلال فترة الانتظار التانية دي عرفنا -من اللوحة الكهربائية اللي محطوطة على شمال واجهة الطوب الحراري للمكان- سبب تسمية المطعم بالاسم اللي ممكن يكون غريب ومش مفهوم للبعض، اللوحة كانت عبارة عن جملة واحدة بتقول: "أكل شارع.. شرب أفرنجي"! بعد ما أخيرًا تم أخد الطلب بتاعنا اللي كان عبارة عن: كباب حلة بالبصل وش جبنة (48 جنيه)، وطاجن مكرونة بالفراخ المشوية (38 جنيه)، معاهم سلطة دسوقي (20 جنيه)، كان في فقرة انتظار تالتة عقبال ما الأكل يوصل، وإن كانت دي أخفهم يعني، المهم، وصل الأكل، وبدأت تجربة التقييم اللي حاولنا ننعزل فيها عن الدوشة قدر الإمكان علشان نقيم تقييم موضوعي ومش متأثر بأي عوامل تانية. السلطة كانت أول الأطباق وصولًا، الماشروم كائن جميل وسهل توظيفه في أي طبق أكل علشان يديله شكل وطعم، مع الخضار المشكل اللي يفتح النفس ويبسط العين الموضوع كان أكثر جمالًا، لكن كان يعيب السلطة بس أن زيت الزيتون فيها كان خفيف جدًا جدًا لدرجة أن قوامه كان عامل زي المية، وده خلانا مانقدرش نميز طعمه بسهولة وإن كنا حاسين بوجوده، لكن في العموم الطبق كان حجمه مناسب، ومتحضر كويس. بعدين، وصل طبق كباب الحلة بوش الجبنة، شكل الطبق الصغير يخليك تستقل بيه كده، لكن المثل بيقول: "يوضع سره في أضعف خلقه"، الطبق كان عظيم حرفيًا، لو كان بس يبقى أخف وأقل دسامة من كده علشان يبقى طِعِم وصحي في نفس الوقت كان يبقى حاجة أعظم وأعظم، لكن عامةً طعم اللحمة بالبصل والخلطة ودرجة سواها ووش الموتزاريللا المتماسك من أثر دخلته الفرن كانوا عاملين ميكس لطيف جدًا في الطعم. آخر الأطباق وصولًا كان طاجن المكرونة بالفراخ المشوية، والحقيقة أننا قعدنا فترة نحاول نفهم فين الطاجن في الموضوع بس ماوصلناش لإجابة، الموضوع كان عبارة عن طبق مكرونة أقلام عادية بالريد صوص مع أربع قطع صدور فراخ طويلة فوقيها وعلى الوش رشة ورق خضار، الفراخ كانت بارده للأسف وغالبًا مش طازة كمان واستنتجنا ده لما لاقيناها مش متماسكة وبتتفتت بسهولة، وده قفلنا من الطبق كله، المكرونة كانت دِلعة سِنَّة كمان وحسيناها ناقصة نكهة، التساؤلات اللي عندنا بخصوص تسمية طبق مكرونة عادي بأنه طاجن شاركناها مع أحد المسؤولين عن الخدمة في المطعم وسألناه إذا كان الطبق ده دخل الفرن فقال لنا أنه لأ، مش بيدخل الفرن غير الأطباق اللي عليها وش جبنة، لكن عامةً إحنا استنتجنا أنه جايز الطبق الفخاري اللي متقدم فيه كان هو سبب التسمية! في النهاية حابين نقول أنه تجربتنا مع الأكل كانت جيدة نسبيًا، لكن أيًا كان فالانتظار الطويل والتعامل المتجاوز، والقعدة اللي أشبه بقعدة القهوة البلدي مع الشِّيَش الكتير والدخان اللي في كل حتة وارد جدًا يخلوا الموضوع مش مستاهل!

صحة ولياقة

اتخلص من كرشك في أسبوع واحد بس

اتخلص من كرشك في أسبوع واحد بس

مشكلة كل المصريين. الظاهرة اللي حيرت أجيال وأجيال. المصيبة اللي كل واحد أو واحدة بتحاول تداريها عن المجتمع. إنه الكرش يا سادة. طبعًا أي حد عنده كرش بيحاول باستماتة إنه يتخلص منه، وفي نفس الوقت مش قادر يمنع نفسه عن الأكل. إحنا في كايرو 360 هنقول لك على شوية نصايح تتخلص بيهم من كرشك في أسبوع. بس في الأول تعالى نعرف إيه الأسباب اللي بتخلي الكرش يظهر. عادات بتخلي الكرش يظهر: كمية الأكل: لما بتاكل كمية كبيرة من الأكل، ده بيخلي السعرات الحرارية أكتر من احتياج الجسم. فبالتالي بيخزنها وبتظهر في مناطق زي البطن. سوء التغذية: بعض أنواع الوجبات بتكون مضرة جدًا، زي الوجبات السريعة أو المشروبات الغازية. دي كلها حاجات عالية في السكريات والدهون وفوائدها قليلة جدًا. وكمان زيادة أكل الأرز والعيش والحلويات بدل الخضار والفاكهة. قلة النشاط: طبيعة حياتنا العصرية خلت النشاط تقريبا منعدم. بسبب الشغل اللي أغلبه بيتم من خلال القعدة في المكتب. وحتى الألعاب اتحولت من ممارسة الرياضة زي كرة القدم أو السلة، للألعاب الإلكترونية ومتابعة السوشيال ميديا. نيجي بقى للجزء التاني، وهو إزاي نتخلص من الكرش: ممارسة التمارين: التمارين بكل أنواعها مهمة جدًا للكرش. ومن أهمها تمارين الأيروبيك. والتمارين دي مثبت علميًا أن ممارسة الدرجات متوسطة الشدة والشديدة منها فعالة جدًا في التخلص من الكرش. وبتساعد كمان في تقليل الدهون الداخلية، اللي بتتجمع على الأعضاء المهمة حول البطن. وكمان بجانب الأيروبيك ممكن نهتم برياضات تانية زي المشي، الركض، الهرولة، الدراجة الثابتة. حمية غذائية: دي طبعًا مش محتاجين نتكلم فيها كتير. لأنها بتعتمد على دكتور تغذية بيحدد لكل واحد الحمية الغذائية السليمة اللي تناسبه. وبيتابع معاه باستمرار. العلاج السلوكي: وده بيتم فيه إدخال تغييرات تدريجية على نمط حياة الفرد، عن طريق: وضع خطة تدريجية تناسب قدرة الشخص على التغيير. تدوين ملاحظات عن عادات الأكل والأنشطة علشان يقدر يحدد المشاكل فيها. بعد تحديد المشكلة يبدأ يختار الحلول المناسبة لها. في حالة الفشل في حل مشكلة، يبدأ يستعرض الحلول البديلة. بس كده، بالكام سطر اللي فوق دول قولنا لكم على أهم أسباب ظهور الكرش وطرق علاجه. تقدروا بقى من خلالهم وبمتابعة الدكتور تهزموا الكابوس اللي منغص عليكم حياتكم. وترجعوا للفرفشة من تاني. المراجع: أخصائية التغذية: نور حمدان. موقع "موضوع". مقال: Ohkawarna K. et al. كتاب: "Essentials of Nutritions" للكُتاب Schlenker and Long S.

كافيهات

جوز شوكليت بار: منيو صغيرة وطعم مميز من أخصائي الشوكولاتة في الزمالك

جوز شوكليت بار: منيو صغيرة وطعم مميز من أخصائي الشوكولاتة في الزمالك

أهل الزمالك كانوا بيشتكوا إن ملوك الحلويات مش فاكرينهم، يعني سكان المعادي عندهم برو أند تشو يمتعهم بحلوياته، وعائلات القاهرة الجديدة ومدينة نصر و6 أكتوبر عايشين حياتهم مع ديب أند ديب، بس الكلام ده اتغير خالص. جوزشوكليت بار وصل يا زمالكاوية في شارع طه حسين وهيحقق كل أحلام عشاق الشوكولاتة. مطعم جوزمقسوم دورين، الدور الأول مش هتلاحظ فيه حاجة مميزة إلا إن التدخين مسموح، أما الدور الأرضي فهو مسقط رأس الشوكولاتة. أول حاجة هتلاحظها هي رسومات شيكولاتة على الحيطة – اللي متركبة مقلوبة بحيث تعمل شكل موجات شوكولاتة – مع الإضاءة الهادية والأجواء المريحة للأعصاب. المنيو محدودة ومافيش فيها حاجة مُلفتة للانتباه، بس عمومًا إحنا طلبنا مولتن شوكلت كيك (47 جنيه) وكريب تريبل شوكليت (41 جنيه) وصنف جديد الجرسون كان مُصر إننا نجربه وهو أوريو وافل (49 جنيه). طعم الشوكولاتة في المولتن شوكلت كيك كان قوي والكيكة طرية جدًا وكمان قلبها كان عامل زي قوام البودينج، ونقدر نقول أنه طبق حلو هايل وسكره مضبوط ومستوي في الفرن كويس جدًا. الفكرة هنا أن الآيس كريم كان أحسن يتقدم لوحده علشان سخونية الكيكة سيحته بسرعة. التريبل شوكليت كريب كان على نفس المستوى، ثلاث قطع كريب مثلثة خفيفة، وكل واحدة منهم محشية كمية محترمة من شوكولاتة باللبن ومرشوش فوقهم شوكولاتة بيضاء ولبن وداكنة. طلبنا منهم كمان يضيفوا فواكه (10 جنيه) عبارة عن مكعبات كيوي وموز وفراولة، والجميل أنهم كانوا طازة رغم إننا مادخلناش على موسم الفراولة. لما طلبنا أوريو وافل توقعناه يكون وافل عليه شوية قطع أوريو على الوش وشكرًا، بس المفاجئة أن عجينة الوافل كانت محشية طبقة أوريو. صحيح الوافل كانت محتاجة شوكولاتة باللبن ومش بتتمضغ بسهولة لحد ما، بس العجينة كانت طرية ومقرمشة، وطعم الأوريو كان واضح في كل قطمة. أكيد چوزشوكليت بار أبهرونا بحلوياتهم الرائعة، بس أكيد المنيو محتاجة تنوع أكبر. مافيش شك إننا هنرجع علشان نخبط واحدة مولتن شوكليت كيك.

فن وثقافة

مركز الإبداع المصري: عندهم كل حاجة

مركز الإبداع المصري: عندهم كل حاجة

مجموعة قررت تعمل شغل جديد، بفكر جديد، وتجمع كل اللي نفسك فيه، علشان تلاقيه في مكان واحد، سموا نفسهم مركز الإبداع المصري. هناك مكان مفتوح لكل الناس، واسع مفروش حلو، وفيه تجهيزات لكل أنواع الورش والمحاضرات، علشان الناس تبقى مبسوطة، تعالوا نعيش مع اللي بيقدموه. بيقدموا إيه؟ كورسات التنمية البشرية واللي فيها هتتعلم، إزاي تطور من مهاراتك، وتجدد حياتك، علشان تبقى الشخص اللي أنت عايزه، وكمان هتتعلم تتخطى المقابلة الصعبة اللي كلنا بنخاف منها، المقابلة الشخصية لعمل جديد. ورش العمل Communication Skills Time Management Basic Leadership وكمان فيه كورسات في إدارة الموارد البشرية، خدمة العملاء، أما بقى HR package، فدي دبلومة بتأهل حديثي التخرج لسوق العمل، والناس اللي عايزة تغير مسار عملها. وفيه حاجة اسمها Business Administration، دي بقى منحة سنه أولى شغل والهدف منها، متابعة الناس اللي اشتغلوا علشان يزودوا من مهاراتهم، ويتحملوا ضغوط العمل، ويسوقوا لنفسهم صح، بمعنى أصح علشان يشتغل بأسلوب علمي مدروس. أما لو كنت بتفكر في المبيعات والتسويق، يبقى أنت هناك هتروح علشان تحضر محاضرات وندوات وورش عمل حوالين مفهوم التسويق وطرقه المختلفة، وتتعرف على أهميته. حاجات منسية مانسيوش المحاسبة ووضعوها في الحسبان فعملوا كورسات المحاسبة، وكمان كورسات القانون، اللي فيها بتدرس الاستشارات القانونية، وتأمين قانون العمل المصري والتأمينات الاجتماعية، وكشف التزيف والتزوير للعملات وعندهم كورس التحليل المالي المتقدم باستخدام برنامج الإكسل، وكورسات في التصوير الفوتوغرافي والفوتوشوب للكبار الأطفال، وكتابة السيناريو، والصحافة والتلفزيون، استشارات زوجيه وتنمية أسرية، ومهارات البحث العلمي، والتفوق الدراسي لطلاب المدارس والجامعات، واللغات المختلفة. الجديد أما بقى الجديد جدًا هناك فهو الكورسات الخاصة بالسيدات، كورس ميك أب، ورش عمل صناعة الإكسسوارات، رياضه وصحة. زوروهم واستمتعوا بالندوات والورش والمحاضرات والكورسات اللي بيعملوها في مدينة نصر.

تسوق

جاليري فنون: الابتكار والإبداع في مكان واحد في المقطم

جاليري فنون: الابتكار والإبداع في مكان واحد في المقطم

الواحد مننا وهو راجع في آخر يومه غالبًا بيكون مش شايف قدامه طول ماهو في الطريق ومش بيفكر غير في السرير اللي هيتقلب فيه أول ما يروّح، لكن الغريبة إننا وإحنا مروحين كل يوم كان بيلفت نظرنا ألوان جاليري "فنون" خصوصًا أنه في شارع جانبي في المقطم مش الشارع الرئيسي فنوره وشياكته تاخد عينك على طول. قررت أدخل وأشوفه وكان قرار موّفق الحقيقة لأنه أعاد ليّ نشاطي تاني في أخر اليوم بسبب الألوان والفن والإبداع اللي جوه المكان ده. كتير من الحاجات اللي في المكان عبارة عن مزيج بين موارد بسيطة وشغل يدوي مُتقَن فيطلع منتج جميل أوي تقدر تحطه في البيت أو في أي مكان فيدّي للمكان شياكة حقيقية. عاجبنا أوي من المنتجات اللي بالشكل ده أبجورة معمولة بعلبة الفيريون ومرسوم عليها بوب مارلي، وكمان أبجورة تانية عرفنا من صاحب المكان أنها اسمها "عبقرينو" لأنها على شكل واحد قاعد حاطط رجل على رجل وماسك كتاب في إيده واللمبة منورة من عند راسه كل ده معمول من مواسير حديد. فيه شكل تاني من المنتجات وهو عبارة عن قطع أثاث من خشب قيم جدًا عليه رسومات فنية مبهجة وبديعة جدًا، المختلف في الشكل ده من المنتجات أنه مش بيشتغل على قطع أثاث عادية لكن حاجات مبتكرة مفيدة قوي للبيت. عاجبْنا من المنتجات دي وِحدة أدراج عبارة عن 6 دورج ألوانها صيفية؛ أصفر في فوشيا في لبني وأخضر وفيها من فوق مراية بتتفتح، وكمان عاجبنا أوي طبلية مرسوم عليها رسم أفريقي بتصميم جميل أوي وألوان تخطف العين. مش بس هي دي أشكال المنتجات في الجاليري بالعكس خير ربنا كتير في المكان ده، فاللي عايز أطباق وكوبيات مرسوم عليها هيلاقي واللي عايزة تحط في مطبخها وحدة توابل موجود، وكمان صواني السرير من الحاجات المميزة أوي عندهم والجميلة جدًا. الناس اللي بتركز في التفاصيل لما تدخل الجاليري هتاخد بالها من حِكَم مُلهمة مكتوبة قُرب السقف بالخط العربي ودي من الحاجات اللي بتدي المكان طابع خاص. الأسعار بشكل عام مناسبة للمجهود اللي بيبذل علشان المنتج يطلع بالشكل ده ووأنت بتدفع هتحس أن الحاجة تستاهل ومش هتندم. وبالمناسبة الجاليري هيشارك في "المعرض الدولي للصناعات اليدوية" اللي هيكون في أرض المعارض من 18 نوفمبر حتى 25 نوفمبر بشعار (صنع بفخر في مصر) تقدروا تتابعوا صفحتهم على الفيسبوك من هنا وتطلبوا من عليها الأوردرز لكن وإنتم عارفين إن الاستلام بيكون من الجاليري في المقطم علشان تتأكد من جودة طلبك قبل ما تاخده.

معالم وسياحة

محمية وادي سنور.. جمال عالمي على أرض مصر

محمية وادي سنور.. جمال عالمي على أرض مصر

على بعد 200 كيلومتر من القاهرة، و70 كيلومتر شرق مدينة بني سويف، تقع واحدة من أجمل المحميات الطبيعية على الإطلاق في الصحراء الشرقية، محمية كهف وادي سنور. كهف وادي سنور هو واحد من الكهوف النادرة جدًا، وده بسبب التكوينات الصخرية اللي اتشكلت فيه بمرور ملايين السنين. واتحط على خريطة مصر السياحية على أساس أنه كهف طبيعي تكون نتيجة عوامل الإذابة للحجر الجيري الأيوسيني، المتواجد في منطقة جبل سنور شرق النيل ببني سويف. تم إعلان المحمية رسميًا كمحمية طبيعية سنة 1992، بالقرار رقم 1204 الصادر من مجلس الوزراء. بعد سنة من اكتشافها عن طريق عمال المحاجر، وده كان خلال تنقيبهم عن خام المرمر "الرخام المصري". وفي مصادر تاريخية بتقول إن الرئيس الراحل أنور السادات استخبى فترة طويلة في منطقة كهف وادي سنور، هربًا من الإنجليز. وده بعد مقتل "أمين عثمان" اللي كان بينادي بضرورة بقاء الاحتلال. الوصول للمحمية بيكون من خلال طريق بني سويف المنيا الصحراوي، وعند قرية سنور شرق نهر النيل، في الكيلو 18، بيتم الاتجاه إلى الكهف على الطريق الصحراوي الممهد. المعروف باسم "درب الرخام القبلي". أو ممكن من خلال الرحلات اللي بتتنظم للمحمية. وتقدر تتعرف على واحدة منهم من هنا.

كتب

نور: اللغة الجيدة لا تكفي لكتابة رواية!

نور: اللغة الجيدة لا تكفي لكتابة رواية!

والرواية هي الجزء الأخير من ثلاثية بدأت برواية محال ثم جوانتانامو. بتحكي عن امرأة شابة وقعت في غرام شاب نوبي، ومن خلال علاقة غير شرعية حملت بـ(نور)، وبعدين بتتجوز ثري ليبي والبنت بتتكتب باسمه. الرواية كلها هي نظرة نور للعالم من حواليها. ومن خلالها هنتعرف على نظرة المجتمع للأنثى. نور متمردة على كل التقاليد والقيود وبتحاول تفهم العالم والناس. بتشك في وجود الإله وفي حكمته وفي وجودها نفسه. وهنشوف كل ده من خلال مونولوجات أو حوارات داخلية طويلة. حرص يوسف زيدان أنه يخلي العالم كله يكون بيدور حوالين بطلة الرواية. اللي طول الوقت بتتأمل في حالها وبتحلم بوضع أفضل. كالعادة نقطة القوة عند يوسف زيدان هي لغته، لكن اللغة الجيدة لا تكفي لكتابة رواية. عامة الأحداث هي اللي بتحرك الرواية. والأحداث تصنعها الشخصيات. فلو الشخصيات مش مكتوبة كويس الأحداث مش هتبقى سلسة، وبكده نقدر نقول -بكل ثقة- إن الرواية باظت! والشخصيات الجيدة هي اللي نقدر نصدق أنهم موجودين حوالينا. نقدر نتخيل تفاصيلهم. ونقول إننا شفناهم قبل كده وتعاملنا معاهم. شخصيات حقيقية. وعلى العكس بقى هي الشخصيات الأحادية. يعني الشخصيات اللي ليها جانب واحد بس. أفكار ثابتة. طبع ثابت. مركزة على فكرة واحدة بس طول الرواية. وهو ده اللي حصل هنا. نور مثلًا كل اللي شاغلها قضية الحجاب والحيض وقضايا المرأة المهزومة في المجتمع المصري معاصر. صحيح المجتمع المصري نظرته للمرأة سيئة وبالتالي التعامل معاها سيء. وفي أفكار وقضايا كتير في الرواية حقيقية فعلًا. ومش عيب أبدًا كتابة رواية للدفاع عن قضية معينة، وخاصة قضايا المقهورين فعلًا. لكن السؤال المهم.. هتتعمل إزاي؟ كل الشخصيات في الرواية مُفتعلة. وبما إن مافيش أحداث مهمة فكان لازم يوسف زيدان يعبر عن اللي عايز يقوله من خلال الحوارات، وخاصة الحوارات الداخلية -بين نور وبين نفسها- اللي كانت من أسوأ أجزاء الرواية. لأن القارئ أكيد مش محتاج يسمع حوار طويل بين شخص وبين نفسه. الرواية غير ناضجة فنيًا للأسف. لأنها من البداية موجهة لشريحة معينة، ولهدف معين، علشان الكاتب يجمع حواليه مزيد من القارئات ومزيد من المدافعات والمدافعين عن حقوق المرأة. وبكده -وبعد تجارب روائية كثيرة- نقدر نقول أن يوسف زيدان فعلًا روائي بالصدفة. لأنه من بعد رواية (عزازيل) ماكتبش أي حاجة قيّمة. كل الإنتاج الروائي السيئ ده هيرجح زعم اللي شككوا في عزازيل، وقالوا إنها مش بتاعته! لأن اللي كتب رواية بالجمال ده صعب أنه يكتب روايات سيئة للدرجة دي!

مزيكا

ألبوم الحقيقة لـ إيساف: قيراط حظّ!

ألبوم الحقيقة لـ إيساف: قيراط حظّ!

"قيراط حظ ولا فدان شطارة"! المثل ده غالبًا بنسمعه لما الحظ بيلعب لعبته مع أشخاص حظهم من الموهبة قليل، وده اللي حصل مع "إيساف" في برنامج ستار ميكر، ورغم وجود ملحنين كبار في اللجنة (حسن أبو السعود وحلمي بكر) إلا إنهم حولوا إيساف لنجم البرنامج المتواضع فنيًا وانتاجيًا، والغريب فعلًا أنه لسه لحد دلوقتي وبعد أكثر من 10 سنين مستمر ومن غير أي تجديد إلا في شكله وتسريحة شعره! أغنية "جامد بس" غير عنوانها السيء إلا أنها مثال ممتاز للأغنية الاستهلاكية، اللي بتتعمل عشان تعمل جو في الأفراح وبعدين تتنسي. استخدام المؤثرات كان زيادة عن اللزوم في أغنية "ما تصبح" وعامة الموزع أحمد عبد السلام –اللي له نصيب الأسد في الألبوم- أثبت إنه موزع أفضل منه ملحن، كل ألحانه مفيهاش أي محاولة لتقديم جديد، وعلى عكس توزيعاته -اللي حتى لو مش حلوة أوي- لكن واضح فيها مجهوده. بداية أغنية "مالنا" جيدة ومهدت لجو الأغنية، في بداية الغنا إيساف كان كويس، لكنه سيء جدًا في الأماكن العالية وخرج عن التون أكثر من مرة. الشاعر "محمد البوغه" جسد حالة مختلفة عن جو الأغاني بشكل عام، كأنه بعد الفراق واقف يتأمل حاله وحالهم. لحن محمد خلف عادي وتوزيع أحمد عبد السلام بعيد عن الأغنية. أغنية "الحقيقة" حلقة من حلقات مسلسل الهجر والفراق. الشاعر أحمد المالكي حاول يقدم جديد فغيّر نهايات الكلام، وهنسمع حاجات زي "مشكلة" و "مقفلة" كنوع من كسر الملل. لحن محمد الوزيري اعتمد على الجُمل الطويلة، وطلع للطبقات العالية كأنه بيزعق أو بيصرخ عشان يعبر عن الحالة السيئة بعد الفراق والهجر، ويمكن اللحن نجح إنه يعبر عن حالة الكلام، لكن المناطق العالية كشفت تواضع صوت إيساف رغم كل مجهودات مهندس الصوت. المقدمة الموسيقية لأغنية "ياريتها سهلة" عادية جدًا، الموزع عمرو عبد الفتاح استخدم الجيتارات بشكل عادي جدًا عشان يملى الفراغات اللي في الأغنية. وعند "قالولي الوقت" طلع اللحن نغمتين بس ورغم كده كشف إيساف في خروجه عن التون، والملحن "مدين" حاول يقدم لحن متماسك وجملة الفاصل بالأكورديون تُحسب له. دخول جيد للناي في أغنية "بايعني" ولحن أحمد عبد السلام جيد جدًا، نجح في التعبير عن الدراما وحالة الشماتة، ولكنه أصرّ يروح ناحية المناطق العالية، ودي مش نقطة قوة لإيساف نهائيًا. وبذكاء اختفت الوتريات كلها وحل الناي مكانها، عشان يعبر عن الحزن وفعلًا عازف الناي –للأسف منعرفش إسمه- لازم نوجه له تحية على تأديته للجملة الرائعة بتكنيك وإحساس عالي، لكن للأسف الموال اللي في الآخر ضيّع جمال باقي الأغنية. أغنية "ناسي نفسي" تعتبر من أفضل أغاني الألبوم، الموزع أحمد عبد السلام راح ناحية موسيقى الـ Latin Pop ولحن "مدين" قريب جدًا من أغنية "ولا ليلة" لعمرو دياب وخاصة في البداية. للأسف مفهمناش قصد الشاعر هاني صارو في أغنية "حب جديد"! يعني إيه الجديد في الحب ده طيب؟ وكالعادة الموزع أحمد عبد السلام اقتبس نفس النمط الغربي لأغاني البوب من غير أي إضافة أو تغيير. في أغنية "عِند فيكِ" الشاعر طارق فيصل لعب على فكرة الحبيبة اللي مفهمتش حبه ليها، واتمنى ليها أسوء مصير ممكن، وطبعًا –زي ما إحنا عارفين- دي فكرة جديدة مسمعنهاش قبل كده! وخاصة اللعب على قافية زي الناس والإحساس والناس. اختيار أغنية "منك لله" بكلمات خليجي اختيار غير موفق، إيساف غير متقن للهجة ومخارج الحروف مش مظبوطة خالص، حِمل الأغنية كله كان على الكمنجات وآلة الأُبوا وجمل الحوار بينهم مكتوبة كويس جدًا.
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري