TEDxCairo EQUILIBRIUM: مؤتمر أفضل العقول المصرية بالجامعة الأمريكية بالقاهرة - فن وثقافة Feature - كايرو 360
 







TEDxCairo EQUILIBRIUM: مؤتمر أفضل العقول المصرية بالجامعة الأمريكية بالقاهرة
TEDxCairo EQUILIBRIUM: مؤتمر أفضل العقول المصرية بالجامعة الأمريكية بالقاهرة
اصدرت في: 08/04/2014

"أفكار تستحق الانتشار" هو شعار منظمة TEDx غير الهادفة للربح. والأهم بالنسبة لهم هو مش بس الشعارات. التنفيذ والتفعيل الجدى في كل مكان هو شغلهم الشاغل.

البداية كانت سلسلة من المؤتمرات العالمية، واللي ضمت أحسن وأفضل العقول فى مختلف المجالات: سواء ثقافية، تكنولوجية، تصميمية أو حتى ترفيهية. الفكرة شقت طريقها لمصر في 2010 تحت مسمى TEDxCairo، وقامت باستضافة عدد كبير من الندوات والمؤتمرات لشخصيات معروفة ومؤثرة في مجتمعنا: من باسم يوسف، خالد أبو النجا، مرورًا بوائل غنيم، وحتى وائل الفخراني.

السبت 12 أبريل، هـ تشهد قاعة باسيلي بالجامعة الأمريكية بالقاهرة –واللى بـ تتسع حتى 1400 شخص- مؤتمر بـ يضم نخبة المفكرين والمبدعين المصريين فى مجالات زى الصحافة، الفن والعلوم. TEDxCairo بـ توعد أن الحدث ده مش هـ يبقي مجرد مجموعة من الندوات المملة اللى بـ تسيب فيها ودنك وتمشي: المرة دى المؤتمر قائم على فكرة التفاعل مع الجمهور، ده كمان هـ يبقي فيه عروض موسيقية، يعنى مش هـ تبقى قاعد زي الكرسي اللي أنت عليه.

المؤتمر المرة دى اسمه EQUILIBRIUM، يعني توازن. وهو بالضبط الدافع الحقيقي للمؤتمر، تحقيق جسر ما بين الشخص العادى وأصحاب العقول البراقة، لأن التواصل في الحالة دي هـ يعمل توازن فى المجتمع. ضيوف الحدث الصحفي الأمريكي المصري أشرف خليل، وهاني المصري، المصمم والفنان اللي رفع رأسنا في شركات عالمية للرسوم المتحركة زي والت ديزني ودريم ووركس.

وبالرغم من أن المنظمة بقى لها فترة طويلة نسبيًا في مصر، إلا أن شعبيتها زادت بشكل ملحوظ بعد ثورة 25 يناير، من خلال اهتمامها بتعزيز فكرة المشاركة والتضامن فى كل شىء بين أفراد المجتمع الواحد.

علشان تتعرف أكثر عن TEDxCairo وEQUILIBRIUM زوروا صفحة الفيسبوك أو الموقع الرسمي للمنظمة.

التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
كايرو 360
حرر بواسطة:
كايرو 360
تاريخ النشر:
08/04/2014
-