دليل أحداث نهاية الأسبوع: حفل عمر خيرت وبساطة ومسرحية الحضيض وكرنفال المعز - الحياة في كايرو Feature - كايرو 360
 







دليل أحداث نهاية الأسبوع: حفل عمر خيرت وبساطة ومسرحية الحضيض وكرنفال المعز
دليل أحداث نهاية الأسبوع: حفل عمر خيرت وبساطة ومسرحية الحضيض وكرنفال المعز
اصدرت في: 12/05/2016

حياة كل إنسان مننا عبارة عن مجموعة أيام، مجموعة ساعات، اللي بيروح منها ما بيرجعش، والنعم اللي في عمرنا ما بتتكررش، علشان كده بنحاول نوفر لكم أحداث مختلفة تخلي كل يوم يعدي عليكم بشكل مختلف.

نبدأ بالنهارده يوم الخميس، وحفل فرقة المولوية المصرية للإنشاد والعرض الصوفي في مسرح قصر المانسترلي بمنيل الروضة، وسعر التذكرة 50 جنيهًا. برضه علبة ألوان" في الزمالك عاملة حفل للإنشاد الصوفي لفرقة "مولاي"، واللي انطلقت من سنة تقريبًا في مهرجان "روح" بالفيوم وما زالت مستمرة، وسعر التذكرة 35 جنيهًا.

كمان مشروع "دروشة" للموسيقى الروحية بيحتفل بعيد ميلاده الرابع في روم آرت سبيس في جاردن سيتي، وسعر التذكرة 50 جنيهًا. أما لو عاوزين تجربوا لون صوفي مختلف فهتلاقوا في ساقية الصاوي حفل للفنان "ياسر المغربي"، وسعر التذكرة 25 جنيه.

وننتقل ليوم الجمعة، والعرض المسرحي "الحضيض" لفريق مسرح كلية الهندسة بجامعة القاهرة في مسرح الهوسابير، والدعوة عامة. أما لو عاوزين تقضوا يوم مختلف روحوا كرنفال الفنون الشعبية بشارع المعز لدين الله الفاطمي، واللي هيكون فيه جولة سياحية في الشارع برفقة مرشدين سياحيين، ده غير استضافة فرق كثيرة من الفنون الشعبية، وسعر تذكرة الحضور 30 جنيه.

أما لعشاق الموسيقى ما تفوتوش حفل عمر خيرت في نادي الشمس، وأسعار التذاكر بتبدأ من 300 جنيه لغير الأعضاء و200 جنيه لأعضاء النادي. كمان فيه في ساقية الصاوي حفل غنائي لفرقة بساطة في عيد ميلادها الثامن، وسعر التذكرة 45 جنيه لأعضاء الساقية و50 جنيه لغير الأعضاء.

ونختم بيوم السبت، وحفل غنائي للفنان "خالد يوسف" بقاعة الحكمة في ساقية الصاوي. كمان في درب 1718 فيه معرض بعنوان "تسجيل دخول"، والمعرض بيناقش أهمية مواقع التواصل الاجتماعي. وهيشارك في المعرض مجموعة كبيرة من الشباب الفنانين، منهم هند سمير، حسام عاطف ورانيا عاطف، والدعوة عامة.

لو عاوزين تعرفوا أكثر عن أحداثنا اللي بننشرها كل يوم في الشهر، تابعوا أجندتنا.

ويك إند سعيد!

التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
كايرو 360
حرر بواسطة:
كايرو 360
تاريخ النشر:
12/05/2016
-