النهارده في القاهرة: حفلتين ومعرض فني وعروض مسرحية مميزة - الحياة في كايرو Feature - كايرو 360
 







النهارده في القاهرة: حفلتين ومعرض فني وعروض مسرحية مميزة
النهارده في القاهرة: حفلتين ومعرض فني وعروض مسرحية مميزة
اصدرت في: 26/07/2016

مش عارفين ليه يوم الثلاثاء واخد سمعة سيئة عندنا ودايمًا بنقعد ندعي أنه يعدي خفيف.. المشكلة فيه وللا احنا اللي حاطينه في دماغنا فبنكبر أي حدث سيء بيحصل فيه؟ ماعرفش.. أيًا كان يعني فيوم الثلاثاء النهارده بيقدم لنا أوراق اعتماده كيوم لطيف ومبهج.. حفل غنائي الساعة 8:00 مساءً لـ "ويف جاز باند" على المسرح المكشوف بدار الأوبرا المصرية لعشاق المزيكا الحركية المجنونة، سعر التذكرة 25 جنيه.. وحفل الكينج "محمد منير" من تقديم مسرح الساقية للعرائس، واللي بيكون عبارة عن عرض لأجمل أغاني "منير" من خلال عرائس ماريونيت ويكأنك عايش حفلة لايف.

وترجع تاني المعارض تفرض نفسها كفعالية مهمة وسط زحمة الحفلات والعروض الفنية، من خلال معرض "الوقت الماسي" اللي هيبدأ النهارده في مركز "مدرار" للفن المعاصر وهيستمر لمدة ثلاثة أيام، وفيه هيتم عرض منتجات لورشة فنية حملت نفس الاسم.. والمعروضات هتبقى متاحة للبيع بأسعار رمزية.

فوق الحفلتين والمعرض هيستمر النهارده كمان لليوم الثاني عرض مسرحية "هيبتا" في ساقية الصاوي و مسرحية "قواعد العشق" على مسرح العرائس بالعتبة.. يوم ثلاثاء سعيد عليكم جميعًا.

التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
كايرو 360
حرر بواسطة:
كايرو 360
تاريخ النشر:
26/07/2016
-