احمي ابنك من التحرش: ورشة للأهل والطفل في مصر الجديدة - الحياة في كايرو Feature - كايرو 360
 







احمي ابنك من التحرش: ورشة للأهل والطفل في مصر الجديدة
احمي ابنك من التحرش: ورشة للأهل والطفل في مصر الجديدة
اصدرت في: 03/10/2016

 أغلبنا عارفين طبعًا إن مصر متصنفة كثاني دولة في العالم في التحرش الجنسي بعد أفغانستان! ولكن في الغالب لما بنيجي نواجه المشكلة دي مجتمعيًا بنسلّط الضوء بشكل أساسي على التحرش الجنسي بالمرأة وبنسيب شِق مهم جدًا وهو (التحرش الجنسي بالأطفال).

الإحصاءات اللي اتعملت على مسألة التحرش الجنسي بالأطفال أشارت إلى أن الإعتداء الجنسي على الأطفال بيمثل حوالي 18% من إجمالي الحوادث المتعلقة بالطفل، وده رقم مش قليل، ده غير أن في إحصائية إتعملت من سنة 2001 بتقول إن نسبة كبيرة جدًا -تَقرُب من الـ 90%- من الإعتداءات الجنسية على الأطفال حصلت في أماكن من المفترض إنها آمنة للأطفال، بل إنها حصلت من ناس قريّبين من الطفل و بيطّمن لهم.

اللي فات ما بيقولش أنك كأب تقلق أو كأُم قد ما هو بيقول أن التوعية للطفل واجبة، والأهم من ده هو توعية الأهل اللي غالبًا ماعندهمش الخبرة الكافية في التوعية ضد ده أو حتى التعامل مع الموقف لو الطفل حكى لهم حاجة من دي.

طيب إزاي بتتم التوعية؟! ده سؤال مهم.

التوعية ضد ده والتدريب على التعامل معه سواء من الأهل أو الطفل بدأت تهتم به بعض المؤسسات المهتمة بالطفل ومنها الحضانات، علشان كده حضانة سيف " Safe Nursery " عملت events مهمة لتدريب الأهل والأطفال على التعامل مع كل ده، والإيفنتات هتكون يومي 7/10/2016 و 8/10/2016 حسب اليوم اللي يناسبك، هتبدأ في اليومين من الساعة 12:00 ظهراً وهتنتهي 1:30 م.

الطفل في الإيفنت ده بيتعلم إزاي يحمي نفسه لو أي حد حاول يكسر حدود جسمه، وهيتعلم إن مافيش حد من حقه يلمس جسمه أو يشوفه، لكن هيتعلم كل ده بأساليب تناسب سنه؛ باللعب والأغاني وهكذا، وكمان الأهل هيتعلموا إزاي يقدروا يحموا طفلهم، وإزاي يستخدموا الأسلوب المناسب علشان يتكلموا معاه في ده .

السن المسموح به لحضور الأطفال من أول 3 إلى 8 سنوات، وعلشان تحجز هتبعت اسم الأب والأم ورقم التليفون، وأسماء الأطفال وأعمارهم على ( contactus@safekidseg.org )، بس ماتنساش تحدد لهم التدريب المطلوب هيكون أطفال ولا أهالي ولا الإثنين.

العنوان في 14 شارع عبدالمنعم حافظ - متفرع من شارع النزهة - مصر الجديدة .

لو حابب تعرف تفاصيل أكتر تابع الإيفنتات من هنا

https://www.facebook.com/events/1006767489449094/

 

https://www.facebook.com/events/305916779800850/

 

Safe nursery مش أول ولا آخر مكان هيعمل توعية ضد التحرش الجنسي بالأطفال، لكن فريق #كايرو_360 هيتابع كل جديد وهيقول لكم على أي إيفينت جديد خاص بطفلك ويقدر يحميه من التحرش الجنسي!.

التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
مريم  العطار
حرر بواسطة:
مريم العطار
تاريخ النشر:
03/10/2016
محررة بالموقع العربي، ومشروع أڤوكاتو بعد الضهر، مجنونة تفاصيل، الكتابة بالنسبة لي أكسچين، بحب الحياة وبتغذى على المزيكا، يعني زي ما قالوا "المهنة إنسان أڤوكاتو، المحاماه والأوبرا حياته".