النهارده في القاهرة: حفلات زار وموسيقى عربية ومسرحية البروفة وعرض سينما - الحياة في كايرو Feature - كايرو 360
 







النهارده في القاهرة: حفلات زار وموسيقى عربية ومسرحية البروفة وعرض سينما
النهارده في القاهرة: حفلات زار وموسيقى عربية ومسرحية البروفة وعرض سينما
اصدرت في: 12/10/2016

لفة جديدة وسط فعاليات القاهرة المميزة اللي بتسندنا وسط زحمة التزاماتنا علشان نقدر نكمل بنشاط وفاعلية.

بداية اللف النهارده هتكون من المركز المصري للثقافة والفنون "مكان" اللي معودنا دايمًا على استضافة كل ما هو شعبي أو تراثي أو فولكولوري، هيستضيف النهارده في تمام الثامنة مساءً فرقة "مزاهر" لفنون الزار المصري القديم، بسعر تذكرة حضور 30 جنيه.

المحطة التانية هتكون من قاعة النهر بساقية الصاوي اللي هتستضيف حفل موسيقى عربية لفرقة الخان بقيادة الفنان فادي المغربي، البداية هتكون في تمام الثامنة مساءً، وسعر تذكرة الحضور 25 جنيه.

ومن ساقية الصاوي برضه لكن من مسرح قاعة الحكمة هنكون على معاد مع حفل موسيقي آخر، الثنائي "فؤاد" و "منيب" هيقدموا لنا وجبة موسيقية دسمة ومبهجة كالعادة، سعر تذكرة حضور الحفل 35 جنيه، والبداية هتكون في تمام الثامنة مساءً.

وعلى مسرح الهوسابير هيستمر عرض مسرحية البروفة للفرقة الشبابية صاحبة العرض الشهير "1980 وأنت طالع"، سعر تذكرة حضور المسرحية 25 جنيه، وبداية العرض هتكون في تمام الثامنة مساءً.

ونختم بالموعد الأسبوعي الثابت كل أربعاء من سينما دال التابعة لمركز دال للأبحاث بجاردن سيتي، اللي هتستضيف النهارده عرض فيلم "Taxi Driver"، الدعوة عامة والحضور مجاني، والبداية هتكون في تمام السابعة والنصف مساءً.

يجعل أيامكم سعيدة، ونفوسكم دايمًا مبسوطة.

التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
كايرو 360
حرر بواسطة:
كايرو 360
تاريخ النشر:
12/10/2016
-