دليل أحداث نهاية الأسبوع: حفل مشروع ليلى، وعرض ديزنى الحي، ومهرجان الشوكولاتة، وحفلات توقيع كتب - الحياة في كايرو Feature - كايرو 360
 







دليل أحداث نهاية الأسبوع: حفل مشروع ليلى، وعرض ديزنى الحي، ومهرجان الشوكولاتة، وحفلات توقيع كتب
دليل أحداث نهاية الأسبوع: حفل مشروع ليلى، وعرض ديزنى الحي، ومهرجان الشوكولاتة، وحفلات توقيع كتب
اصدرت في: 20/11/2014

الأسبوع اللى فات اللى كان مسيطر على الأحداث الثقافية والفنية مهرجان القاهرة السينمائى الدولى، بعد ما انتهيت فعالياته بدأ بعده على طول بانوراما الفيلم الأوربي اللى هـ تلاقى معلومات وتغطية شاملة لأفلامه من خلال أجندة كايرو 360 بشكل يومي، وتعالوا معانا نشوف إيه الجديد كمان الأسبوع ده:

اليوم الخميس -وكل يوم- فيه عرض لأفلام بانوراما الفيلم الأوربي، الخميس فيه 9 أفلام متاح تعرفها من خلال الأجندة، وفى الأحداث الخاصة بالأفلام كمان فيه أسبوع الأفلام الكلاسيكية بآرت رووم سبيس، اللى هـ يعرض النهارده فيلم "Singing in the Rain"، من بطولة جين كيلي، وديبي رينولدز ودونالد أوكونور، المشاهدة مجانية مع حد أدنى للطلبات.

أما عن الحفلات ففيه حفل موسيقى فى كايرو جاز كلوب لـ Jazz Cabaret ft. The Riff Band، بـ نفكركم أنه يرجى الحجز مسبقًا، والدخول هناك للـ Couples فقط، وغير مسموح بالدخول لأقل من 25 سنة، وتغلق الأبواب باكتمال العدد.

ولمحبى عالم ديزنى لكم الفرصة أنكم تحضروا عرض حي هنا فى مصر بعنوان "Disney Live! Mickey's Magic Show" فى مركز المؤتمرات، وده مستمر لحد يوم السبت 22 نوفمبر، بـ يتضمن العرض رقصات ومشاهد مختلفة من أشهر قصص ديزني.

أما فى ساقية الصاوي بالزمالك ممكن تحضر مهرجان الشوكولاتة اللى بـ يقام للسنة الـ 12 على التوالى، يتضمن المهرجان العديد من الأنشطة والمسابقات اللي بـ تناسب جميع أفراد العائلة إلى جانب مسرحية يقدمها مسرح الساقية للعرائس، وعروض حية لعمل كيك شوكولاتة تقدمها الشيف دينا أبو كرم، يوجد فترة صباحية للمدارس ومسائية للعائلات، سعر التذكرة 25 جنيه، المهرجان مستمر لحد يوم الأربعاء 26 نوفمبر.

أو فى الساقية برضه فى قاعة النهر حفلة للفنان علي الهلباوي، وهو مطرب ومنشد ومبتهل، وعضو بمجلس إدارة نقابة الإنشاد الدينى. وهو ابن المنشد الدينى محمد الهلباوي، واستكمالاً للحالة الإيمانية والرغبة فى سماع المزيد من الإنشاد الصوفى ممكن فى الزمالك برضه حفل المنشد الصوفي زين محمود في مكتبة صوفي، الشيخ زين نشأ بمحافظة المنيا، وكان بالأصل مداحًا أبًا عن جد، واعتاد قراءة القرآن، وعندما توفى أخوه الأكبر -الاي كان مداح برضه- ترك الدراسة وعمره 13 سنة وأخذ مكانه، أو ممكن تقضى ليلة صوفية مع دراويش أبو الغيط في مسرح الضمة للفنون، سعر تذكرة حضور الحفل 30 جنيه عند الباب، أما عند الحجز المسبق 20 جنيه.

نروح ليوم الجمعة على مسرح الجمهورية فيه حفل لفرقة "أوتار"، ويقودها الفنان عمرو عبد المنعم، التذاكر متاحة بشباك الحجز، وفى مكتبة صوفى هـ يعرض الفيلم الدرامي "باب عزيز" للمخرج ناصر خمير، ويحكي عن رجل عجوز يحكي لحفيدته عن قصة أمير شاب. العرض مجاني ولكن يوجد حد أدنى للطلبات.

فيه حفلة كبيرة بقى ما تتفوتش اليوم ده فى الجامعة الأمريكية بالقاهرة الجديدة واللى هـ تحييه فرقة "مشروع ليلى" اللبنانية بمناسبة استقبال الطلبة الجدد للعام الدراسي الحالي، يقدمه برنامج Peer Advising Leader، سعر التذكرة 150 جنيه.

وفى الساقية فيه حفل لفرقة "علي الألفي... والشلّة" على مسرح قاعة النهر، سعر التذكرة 25 جنيه، وهناك كمان هـ يقام فى قاعتي الأرض والكلمة المعرض السنوي لنادي "إن فوكس" للفوتوغرافيا، الدعوة عامة.

وأخيرًا وليس آخرًا فيه على مسرح الفلكي ليلة رقص معاصر مقدمة من ستوديو "عزت عزت" للرقص المعاصر. سعر التذكرة 10 جنيه، ومستمرة لحد يوم 26 نوفمبر.

آخر أيام الويك إند السبت اللى بـ يحب الأوبرات العالمية ميعادكم مع بث حي لأوبرا "حلاق إشبيلية" بدار الأوبرا المصرية على المسرح الصغير مباشرة من أوبرا المتروبوليتان، سعر التذكرة 100 جنيه، كمان فى الأوبرا ممكن تحضر حفل "شرقيات" للفنان فتحي سلامة مع الفنانة الإيطالية إلينورا إيانوتا على المسرح المكشوف، سعر التذكرة 30 جنيه.

وفى كايرو جاز كلوب فيه حفل موسيقى مصرية معاصرة تقدمها فرقة "عشرة غربي"، نسيب الحفلات الموسيقية شوية ونروح لحفلات التوقيع، في مكتبة "أ" بالمهندسين فيه حفل توقيع ومناقشة رواية "1919" للكاتب المتميز أحمد مراد. الدعوة عامة، ولو عاوز تقرأ المقال النقدي لرواية 1919 من هنا.

الويك إند ده دسم جدًا بأحداثه وحفلاته وعروضه الشيقة، أهم حاجة جمعوا أصدقائكم وحبايبكم وقضوا وقت سعيد، ونشوفكم الأسبوع الجاى!

التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
كايرو 360
حرر بواسطة:
كايرو 360
تاريخ النشر:
20/11/2014
-