ريم المرشدي: أول بنت تفتح عربية كبدة وسجق في مصر - الحياة في كايرو Feature - كايرو 360
 







ريم المرشدي: أول بنت تفتح عربية كبدة وسجق في مصر
ريم المرشدي: أول بنت تفتح عربية كبدة وسجق في مصر
اصدرت في: 08/04/2016

مصر فيها قصص ملهمة كتير جدًا، وقصة ريم المرشدي واحدة من القصص دي، ريم ببساطة بنت بسيطة، اتخرجت من كلية الآداب قسم اللغة الفرنسية، وهي في الجامعة لما كانت بتقول للناس أنها نفسها تفتح عربية كبدة وسجق كانوا بيضحكوا ويستغربوا، وبعد التخرج اشتغلت شغل تقليدي ما بين سكرتارية وتدريس لكن ما كانتش لاقية نفسها. دماغها كان فيها حاجة مختلفة.

أنا بحب الأكل وحاسة أنه مستقبلي، دي الجملة اللي خلت ريم تعيد تفكير في كل حاجة، قررت بعدها تسيب الشغل التقليدي، وتفتح عربية كبدة وسجق، بس بفكر مختلف تمامًا عن العربيات العادية، أطلقت على مشروعها اسم عربية "Reemosha".

ريم بتحكي: "المعادلة بتاعتي كانت صعبة في البداية، كان هدفي أقدم للناس أكل نضيف يفكر الناس بأكل البيت، طعمه شهي وفي نفس الوقت سعره معقول ومناسب لجيوب المصريين خصوصًا البسطاء منهم، في الأول الناس كانت بتستغرب جدًا وكأن البنت مش من حقها يكون لها مشروع خاص بيها تحقق من خلاله ذاتها.

ريم قررت أن مشروعها يكون في شارع طرابلس بمدينة نصر، مشروع ريم نجح جدًا، والدليل تعليقات الناس على صفحة المشروع على الفيسبوك في واحدة كاتبة لها: "كنا موجودين امبارح عندك أنا وصاحبتي، الأكل فعلًا وهم بمعني الكلمة"، وواحدة تانية كاتبة: "مشروع هايل وتحفة وخصوصًا أنه كان حلمك استمري في الحاجة اللي بتحبيها واتمسكي بيها اتمنى أن كل بنت تفكر زيك كده".

ريم أصبح عندها زبائن كتير بيحبوا أكلها، وإعجاب الناس بأكلها وفكرتها بيزيد يوم وراء يوم. وشعار ريم في الحياة بيظهر من بوست كتبته على الفيسبوك: "أصل الموضوع والله مش بيزنس، الحكاية كلها أن أهم حاجة إن اللي ييجي ينبسط، أنت مش جاي مطعم، أنت جاي ضيف عندي، ويا رب كل اللي ييجي عندي يمشي مبسوط!".

مزيد من الصور
  • ريم المرشدي: أول بنت تفتح عربية كبدة وسجق في مصر
  • ريم المرشدي: أول بنت تفتح عربية كبدة وسجق في مصر
  • ريم المرشدي: أول بنت تفتح عربية كبدة وسجق في مصر
التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
مصطفى فتحى
حرر بواسطة:
مصطفى فتحى
تاريخ النشر:
08/04/2016
صحفي مهووس بالسينما والكتب، بيحب التصوير الفوتوغرافي وبيعشق وشوش المصريين وشايفها أجمل وشوش في الكون، بيحب شوارع، حواري، قهاوي، وناس البلد دي.