جوائز اختيارات محرري كايرو 360 لأفضل أماكن الصحة واللياقة لعام 2016 - صحة ولياقة Feature - كايرو 360
 







جوائز اختيارات محرري كايرو 360 لأفضل أماكن الصحة واللياقة لعام 2016
 جوائز اختيارات محرري كايرو 360 لأفضل أماكن الصحة واللياقة لعام 2016
اصدرت في: 19/05/2016

القاهرة مليانة أماكن صحة ولياقة، لكن مش كلها محترفة وبتقدم لك اللي بتدور عليه، علشان كده قررنا نوفر عليك مجهود اللف والدوران ونقولك إيه هي أفضل أماكن ممكن تروحها لو كنت مهتم بصحتك ولياقتك من خلال جوائز محرري كايرو 360 لأفضل أماكن الصحة واللياقة في القاهرة.

جوائز اختيارات محرري كايرو 360 لأفضل أماكن الصحة واللياقة لعام 2016:

 

جولدز جيم - Gold's Gym

اسم كبير ومش محتاج نتكلم عنه كتير، سبب شهرته أنه بيقدم أفضل أجهزة تمرين كمان له أكتر من فرع، وتجربة الرياضة فيه مختلفة جدًا.

 

هيرز - Hers

 هيرز جيم برعاية Reebok، مش مجرد مكان للرياضة وبس، ده كيان ضخم فيه كل اللي المرأة ممكن تحتاج له سواء كان صالون تجميل، عناية بالأظافر، أو مجرد اهتمام باللياقة والجمال.

 

فيبرز - Fibers

سكان المعادي دائمًا محظوظين! المكان ده فعلًا بيوفر أفضل معدات ومدربين محترفين والهدف أنك تلاقي كل اللي بتدور عليه وتخرج منه في أحسن شكل وصحة.

 

كيرفز - Curves

جيم مش تقليدي خالص، بيطبق حاجة اسمها النظام الدائري، وبيحاول يحقق لك كل اللي محتاجه علشان جسمك يبقى في أحسن حالة.

 

سامية علوبة – Samia Allouba

اسم مميز ومعروف لناس كتير، ممكن نوصفه بأنه جيم معاصر بيهتم بشدة باللياقة وبيقدم تدريبات مختلفة ومتنوعة تحت إشراف مدربين متخصصين.

 

أكسجين - Oxygen

كيان مميز، ومحترف، بيوفر لك أفضل معدات تتجمع لك مع أحسن فريق ودود في معاملته وتعاونه، غير الدلع من المكان في العروض، يبقى أكيد المكان ده يستحق يكون في جوائزنا.

 

بودي شيبرز - Body Shapers

نقدر نقول أنه فعلًا تجربة متميزة جدًا، المكان بيوفر لك كل اللي أنت محتاجه علشان تقدر تضبط شكل جسمك وتخليه زي ما بتحلم.

 

بول فيت إيجيبت – Pole Fit Egypt

بتحب الرقص؟ طب إيه رأيك تخوض التحدي؟ المكان ده بيقدم لك تجربة أكتر من من مجرد الرياضة، من خلال الرقص على عمود! الفكرة دي مبهجة.

 

 

Fight & Fitness Factoryفايت أند فيتنيس فاكتوري –

المركز بيقدم كل أنواع الرياضة من ملاكمة وكيك بوكسينج لغاية رياضة جو جيتسو البرازيلية والماي تاي، تجربة مهمة لازم يكون عندك الجرأة تخوضها في القاهرة.

 

 

 

مودرا يوجا ستديوز - Mudra Yoga Studio

إحنا في كارو 360 بنشجع الناس تجرب أي حاجة فيها سلام نفسي، ومكان زي ده قدر يثبت نفسه في الزمالك ومينفعش ما يكونش في قائمة جوائزنا، جربوه وهتنبسطوا.

 

 

 

نون سنتر - Nūn Center

واضح أن الزمالك قررت تكون منطقة أماكن الصحة واللياقة العظيمة، نون سنتر بيقدم لك تجربة رياضية مميزة جدًا هتخليك تخرج وكأنك إنسان جديد.

 

 

 

شانتي يوجا سنتر - Shanti Yoga Cairo

 

في مصر الجديد اليوجا لها طعم مختلف، شانتي يوجا سنتر مركز متكامل هيرضيك وهتلاقي فيه كل اللي يخليك تخرج منه جسمك مضبوط وحالتك النفسية عالية جدًا.

 

مبروك لكل الفائزين!

 

مزيد من الصور
  •  جوائز اختيارات محرري كايرو 360 لأفضل أماكن الصحة واللياقة لعام 2016
التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
كايرو 360
حرر بواسطة:
كايرو 360
تاريخ النشر:
19/05/2016
-