رمضان 2015 في القاهرة: حافظ على صحتك طوال الشهر الكريم - صحة ولياقة Feature - كايرو 360
 







رمضان 2015 في القاهرة: حافظ على صحتك طوال الشهر الكريم
رمضان 2015 في القاهرة: حافظ على صحتك طوال الشهر الكريم
اصدرت في: 01/07/2015

 احتفالات رمضان في كل أنحاء القاهرة، من أهم العلامات المميزة للشهر الأعمال الخيرية والتقرب لله وطبعًا طبعًا الأكل، وهي الحاجات اللي بـ تدور في رأس كل أهل القاهرة، بس واضح أن لسه فيه مشكلة بالنسبة للاستمرار على نمط الحياة الصحية وقت الصيام، الموضوع ده زادت أهميته السنة دي بسبب درجات الحرارة العالية؛ عمومًا بلاش تخافوا، مافيش مشكلة مالهاش حل.

 

عطشان؟

أكبر مشكلة بـ تواجه الصائمين في مدينة زي القاهرة هي العطش، لازم تبعد عن أسباب الجفاف طوال اليوم، الحل أنك تشرب مياه كثير بين الفطار والسحور وحاول تتجنب القهوة، الشاي والمشروبات الغازية، الكافيين بـ يسرع من جفاف الجسم، ونفس الكلام بالنسبة للسجائر.

 

مافيش طاقة؟

جسمك ينقصه الأكل، فمن الطبيعي تحس بالتعب والإرهاق، أنت محتاج لأكلات غنية بالألياف ونشويات بطيئة الامتصاص خصوصًا وقت السحور، حاجات زي الحبوب الكاملة، والفاكهة، والزبادي والمكسرات هـ تساعدك تصحصح وتمدك بالطاقة اللازمة لليوم الجديد.

 

وزنك بـ يزيد؟

مشكلة ثانية بـ تحصل بسبب الأسلوب الغذائي الغلط في رمضان هي زيادة الوزن، أولاً، بلاش تأكل كمية أكلك اليومية المعتادة في الوقت بين الفطار والسحور، مش هـ ينفع صدقني. إحنا معاك أن إغراء الأكل الكثير صعب مقاومته، بس الأحسن أنك تقسّم وجبة الفطار على مراحل، بكده جسمك يكون أمامه فرصة يستوعب صدمة الانتقال من الصيام الطويل للأكل فجأة ويساعد في عملية الهضم.

 

التمرين؟

من أصعب الحاجات في رمضان هي الرياضة لأنها بـ تسبب جفاف الجسم خصوصًا قبل الفطار، أول حاجة بلاش الوقوف فترة طويلة في الشمس وقت التمرين أو ممارسة الرياضة، كثير من الرياضيين بـ ياكلوا وجبة خفيفة جدًا يكسروا بها صيامهم، وبعدها يتمرنوا تمرينة خفيفة مش أكثر من نصف ساعة حتى ولو كانت تمشية خفيفة، الموضوع ده بـ يضبط عملية الهضم ويزود طاقتك علشان لو حبيت تتمرن تمرينة أقوى بعدها بشوية.

أهم حاجة أنك تلتزم بالقاعدة الذهبية: "خير الأمور الوسط".. عمومًا، الموضوع كله محتاج أنك تفكر بشكل منطقي، فيه أبحاث أثبتت أن الصوم له فوائد صحية، بس المهم أنك تعمله صح، وسط مدينة زحمة ومتعبة زي القاهرة، لازم تحافظ على جسمك بكل الطرق، لأنه أهم حاجة عندك.

 

يا رب كلامنا يكون خفيف عليكم؛ رمضان كريم!

التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
كايرو 360
حرر بواسطة:
كايرو 360
تاريخ النشر:
01/07/2015
-