خمس أكلات رخيصة فى القاهرة - مطاعم Feature - كايرو 360
 







خمس أكلات رخيصة فى القاهرة
خمس أكلات رخيصة فى القاهرة
اصدرت في: 26/10/2012

كلام مش صحيح أن خروجة عشاء فى القاهرة لازم تبقى مكلفة. سواء كنت بـ تشرب علبة صودا ثمنها 12 جنيه مع العشاء أو بـ تدفع حد أدنى للطلبات، الموضوع دائمًا بـ يزيد بسرعة، وفى الآخر غالبًا بـ نحس أننا اتسرقنا أكثر منا اتبسطنا. الجانب المضئ فى الموضوع أن القاهرة مافيهاش نقص فى المطاعم المناسبة للميزانية. ولحسن الحظ، شوية من الأماكن دى عجبت حتى أكثر عشاق الأكل المحترفين.

أريج

واحد من أحدث الأماكن على ساحة المطاعم فى القاهرة، أريج مطعم فى شارع الحجار فى الدقى وبـ يقدم مجموعة متنوعة من الأكلات السودانية والأثيوبية. خلى بالك من حاجة مهمة، توقع أن يديك هـ تتوسخ. هـ تحتاج شوية مناديل بعد ما تأكل "سلاد أسود" (باذنجان وسمسم) ورزلا (صوص السبانخ)، باستخدام ال إنجيرا (كريب عامل زى العيش) علشان التغميس. منيو أريج فى الأساس نباتي، بس فيه أيام معينة تقدر كمان تجرب أطباق اللحم ولحم الخروف كمان.

فول محروس

احتمال نكتب قصيدة حب للمكان ده علشان إحنا بـ نمدح فيه بقالنا فترة دلوقت. مطعم الفول الساحر موجود فى جاردن سيتى (قريب من السفارة الكندية)؛ بـ تأكل فى الخارج على شارع هادئ. بطعم مالوش مثيل الفول بـ يُقدم بالخلطة الإسكندرانى ومعاه خضروات طازجة مُقطعة، طحينة وبهارات، غير طبعًا الأطباق الجانبية الشهية زى البطاطس المقرمشة، والجبنة البيضاء، والباذنجان، والبطاطس وسلطة الطماطم المشطشطة.

بيت الشاورمة

كشك على جانب الطريق فى المعادى فى موقع خطير جنب كافيه كرامبز Crumbs ويعتبر واحد من أحدث الإضافات فى شارع 9. لو كنت عاوز فلافل سورى أو شاورمة على الطريقة المغربية، عيش الصاج الطازج بـ يقدم لك تجربة مختلفة تمامًا. المنيو البسيطة بتاعته لسه ناقصه تشكيلتهم من الوافلز. وافلز!، أيوه وافلز عند محل شاورمة، ليه لأ؟، نظرًا لأنهم بقوا أكلة لذيذة الأيام دى، ممكن كمان تضيف شوية صوص شوكولاتة وفاكهة على الوش وتعيش اللحظة!

الأزهر للأكلات الصينية

المطعم الصينى اللى بـ يديره طلبة ممكن يكون من الأماكن القليلة اللى بـ تقدم أكل صينى حقيقى بجد. مكانه فى العباسية، قريب من مبنى تاكى للمفروشات. الأزهر للأكلات الصينية مش خرافى، بس الشوربة الكبيرة هـ تعجب أى واحد، مكونة من مكرونة مخلوطة مع لحم وبهارات متنوعة، حاجة مخصوص يعنى. اختيارات اللحوم كثيرة، بس التوفو فى صوص الطماطم ومعاه الشاى الأخضر اللذيذ دائمًا هو الأجمد.

أبو طارق

أقدم مطعم معانا فى القائمة هو "كشرى أبو طارق" اللى بـ يعتبر واحد من أحلى المطاعم فى المدينة. دائمًا بـ يشبعنا على الآخر، علشان كده مش مفاجأة أن المطعم الموجود فى وسط البلد يبقى مشهور بالطريقة دى. أبو طارق له لمسة خاصة واضحة فى البصل المقرمش، الصلصة السميكة والزيوت اللذيذة وبـ يبعدوه عن كل منافسيه. رغم عدد الزبائن طلبك هـ يوصل فى غمضة عين. تفرج كمان على أحواض السمك الكبيرة فوق.

التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
هنا كوبر
حرر بواسطة:
هنا كوبر
تاريخ النشر:
26/10/2012