جوائز اختيارات المحررين لعام 2014 لأفضل المطابخ المتخصصة فى القاهرة - مطاعم Feature - كايرو 360
 







جوائز اختيارات المحررين لعام 2014 لأفضل المطابخ المتخصصة فى القاهرة
جوائز اختيارات المحررين لعام 2014 لأفضل المطابخ المتخصصة فى القاهرة
اصدرت في: 16/06/2014

إحنا بـ نحب جدًا لما يفتح مكان جديد، وبـ نحب المكان ده أكثر لو كان مرتبط بالأكل، علشان تفتح سوق جديد وتقدم أطباق من مطبخ غير شائع فى القاهرة محتاج شجاعة كبيرة، لكن اللى بـ يحبوا الأكل والمطبخ أكيد هـ يروحوا يجربوا أى حاجة جديدة، فى حين أن غير المغامرين فى الأكل هـ يقفوا بعيد خايفين يقربوا خطوة، ودي حاجة مش مشجعة خالص للناس دي، إمتى كانت آخر مرة تجرب فيها أكلة جديدة؟ لو هـ تفكر فى الموضوع يبقى إحنا بـ نرشح لك بقوة زيارة الأماكن الفائزة فى فئة "أفضل المطاعم المتخصصة":


تابلا لونا - Tabla Luna

شيء رائع أنك تلاقي في مصر مطعم متخصص في الأكلات اللاتينية، والأروع أنك تلاقي المطعم بـ يقدمها لك على أصولها ومن غير ما "يحطوا التاتش بتاعهم"، أو حتى يجذبوا الزبائن بتقديم الأطباق بصورة تجارية تفقدها أصالتها... إليكم المتخصص "تابلا لونا"، مافيش طبق واحد ما عجبناش، وخصوصًا طبق "ذا كونفيوزد أرجنتينيان"، لو طلبت معاك لاتيني... جهز البانشو والسومبريرو وتوجه لتابلا لونا!


ذا فوندو بوت - The Fondue Pot

بما أن الجواب بـ يبان من عنوانه، واضح جدًا من اسم المطعم أنه متخصص في الفوندو بأنواعه... حلو أو حادق، أنت وذوقك، ده أنت كمان عندك الفرصة أنك تطبخ الأكل على مزاجك وبنفسك. تجربتنا هناك كانت لذيذة وممتعة، صحيح التجربة ثمنها كان غالي، بس فوندو الفواكة مع الشوكولاتة البيضاء أغلى عندنا من أي شىء ثاني في العالم.

 

سويس كوتاج - Swiss Cottage

أكل سويسري من الألف للياء... زي ما الكتاب بـ يقول، أحلى راكليت ممكن تأكله في حياتك: بطاطس وجبن طازج مع أعشاب سويسرية عجيبة مؤكد مش هـ تأكلها في مكان ثاني بالروعة دي. طبعًا كان نفسنا ما نجيبش سيرة الأسعار، إلا أننا كلنا عارفين أن مافيش حاجة بالحلاوة دي بـ تيجي ببلاش.


شيفز ماركت - Chef's Market

أول ما بـ نسمع الاسم ده، أول شيء بـ نقوله "ده أحسن أكل أكلناه في حياتنا."، لأن ده كل اللي فاكرينه من تجربتنا هناك... الموضوع مش موضوع أكل بس، ده كان أحسن خدمة وأحسن ديكور. الشيف الشهير وسام مسعود هو صاحب المطعم، وبالتالي كل الأطباق مقدمة بحرفية كأنه داخل مسابقة طبخ. طبق تيرين البط بالفريك هـ يغيّر لك فكرتك عن أي بط ذقته في أي مكان ثاني مهما كانت حلاوته.


ذا جريك - The Greek

آخر مطعم عندنا في أفضل المطاعم المتخصصة هو المطعم اليوناني ذا جريك؛ أصحاب المطعم بعشقهم للاهتمام بالتفاصيل وإن كانت بسيطة، أثبتوا نفسهم بجدارة، واستطاعوا أنهم يقدموا أكلات جديدة على السوق المصري بشكل راقي.

 

ألف مبروك للفائزين!

مزيد من الصور
  • جوائز اختيارات المحررين لعام 2014 لأفضل المطابخ المتخصصة فى القاهرة
التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
كايرو 360
حرر بواسطة:
كايرو 360
تاريخ النشر:
16/06/2014
-