دليلك لشراء خيم للرحلات من محلات القاهرة - تسوق Feature - كايرو 360
 







دليلك لشراء خيم للرحلات من محلات القاهرة
دليلك لشراء خيم للرحلات من محلات القاهرة
اصدرت في: 05/08/2016

كتير مننا بيعشق السفاري، فرصة كبيرة للهروب من زحام القاهرة وصخبها وكل مشاكلها، وسواء كنت بتبحث عن خيمة بسعر مناسب علشان سفاري أو حتى علشان تنصبها بنفسك على الشاطيء في المصيف الموضوع ده هيفيدك جدًا.

 

يعني إيه خيمة رحلات؟

خيم الرحلات تم تصميمها علشان تبقى سهلة الاستخدام، بمعنى أن أي حد يقدر ينصبها بنفسه وماتاخدش مساحة كبيرة أثناء السفر، يعني بيكون لها شنطة مخصوص تقدر تحطها فيها وتحط معاها كل مستلزماتها فيبقى حجمها صغير وتقدر حتى تمسكها بإيدك.

 

إيه أنسب خيمة رحلات ليا؟

قبل ما تشتري خيمة مهم تسأل نفسك سؤال مهم، عايز خيمة لك لوحدك ولا معاك حد تاني؟ في خيم لفرد واحد وخيمة لفردين وهكذا، بصفة عامة يفضل حتى لو مسافر مع عدة أشخاص يكون كل واحد معاه خيمته الخاصة.

مهم تختار خامة كويسة، تستحمل وتعيش معاك، ويفضل تشتري ماركة معروفة في خيم الرحلات. ولازم تكون خيمتك ضد المياه، وتقدر تستحمل الشمس الشديدة.

 

أشتري منين خيمة رحلات؟

فيه أماكن كتير في القاهرة بتوفر لك شراء خيمة رحلات بسعر مناسب، وتقدر كمان تشتريها وأنت في البيت وتوصلك لحد عندك، وأشهر وأهم موقع تقدر تشتري منه أونلاين هو موقع سوق، اللي بيوفر لك عدة أنواع وأسعار، وكمان هتلاقي عليه ماركات عالمية مختلفة، شوف اللينك ده علشان تفهم أكثر: اضغط هنا

هتلاقي في الموقع خيم بتبدأ من 300 جنيه وأنت طالع حسب الحجم والخامة.

طيب لو عاوز تروح بنفسك وتشوف الخيمة قبل ما تشتريها؟ في الحالة دي ننصحك بمجموعة محلات متخصصة في توفير مستلزمات التخييم ومنها على سبيل المثال:

محل "أبو ضيف" وعنوانه 186 شارع التحرير- من ميدان التحرير- باب اللوق، وتليفونه 23922634. ده موجود فيه أنواع كثيرة من الخيم وأسعارها معقولة.

 

وفيه كمان ألفا ماركت، في 7 شارع الطحاوي- ميدان الذهبي- من شارع الخليفة المأمون- منشية البكري- وتليفونه: 26903125. وهتلاقي هناك اسعار مناسبة جدًا وأكثر من نوع وخامة.

وممكن تشوف أنواع مختلفة للخيم في "سبورتس مول" في 10 شارع البطراوي- أمام جنينة مول- المنطقة الأولى- مدينة نصر- تليفون: 22633550.

ولو محتاج حاجة مستعملة ممكن تدخل على موقع أوليكس وتعمل بحث عن خيم ومستلزمات تخييم.

 

رحلة سعيدة!

مزيد من الصور
  • دليلك لشراء خيم للرحلات من محلات القاهرة
التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
كايرو 360
حرر بواسطة:
كايرو 360
تاريخ النشر:
05/08/2016
-