دليل كايرو 360 لمولات التسوق فى القاهرة - تسوق Feature - كايرو 360
 







دليل كايرو 360 لمولات التسوق فى القاهرة
دليل كايرو 360 لمولات التسوق فى القاهرة
اصدرت في: 29/11/2012

على مدار السنين كنا بـ نأخذ حاجات كثيرة من الأمريكان منها الحلو ومنها الوحش زى موسيقى الجاز، والملابس المطاطة، وتقليد بنات عائلة كارديشيان، والديموقراطية؛ والقائمة تطول. أهل القاهرة أخذوا فكرة معينة وارتاحوا لها، وهى مولات التسوق وبقت من الحاجات الطبيعية. المولات الموجودة فى المدينة أصبحت هى وجهة أى حد سواء كان موعد غرامى، فسحة عائلية، خروجة لمجموعة من البنات أو حتى مكان يتجمع فيه الشباب. أما لو ركزت بعيد عن الأعداد الرهيبة من الناس جوه، هـ تكتشف أن المولات دى فيها أحسن المحلات العالمية والمحلية الموجودة فى المدينة.

أركان مول (الشيخ زايد)

يعتبر أركان مول واحد من أجدد المولات، وقدر أنه يشد مجموعة من الأسماء الكبير فى عالم الأكل أكثر من محلات التسوق. يعتبر شيروودز  واحد من أشهر محلات الستيك، وعلشان كده فتح فرعه الثانى فى المجمع العصرى الموجود فى الشيخ زايد. كمان فتح هناك أماكن ثانية مميزة منها متخصصين فى المشروبات والمخبوزات الفرنسية زى لا جورمانديز ، وكمان المطعم العبقرى توباز . بـ يقدم أركان مول كمان واحد من أحدث أماكن خدمات الصحة واللياقة للسيدات وهو جازيرسايز .

سيتى ستارز (هليوبوليس)

على الرغم من نظامه المعقد والمراحل والأدوار المختلفة بالإضافة إلى العلامات التجارية العالية بشكل مستفز، لكن سيتى ستارز هو اللى بـ يحط القواعد لكل الباقيين. المتاهة العملاقة اللى ممكن تتوهك فيها أسماء عالمية كثيرة زى أشهر محلات الترفيه فيرجين ميجا ستور، وماركات الملابس المشهورة زى أمريكان إيجل وبول أند بير، وكمان مطعم المخبوزات بول المعروف من سنين طويلة، ومتخصص الزبادى المثلج الأمريكى الأصل بينك بيرى، مع محلات ثانية كثير. وبستايله الأقرب لنا بيسترو تمارا اللبنانى مستمر فى إمتاع رواد القاهرة من ساعة ما فتح فى أول السنة.

داندى ميجا مول (طريق مصر إسكندرية الصحراوى)

يمكن اسمه مش مشهور زى الأول، بس داندى ميجا مول لسه متمسك بمكانته فى المدينة، وبـ يقدم السوبر ماركت الضخم كارفور، ومحل اللبس المزدحم دائمًا إتش & إم، وكمان ماركس & سبينسر. أماكن الأكل برضه متنوعة؛ منها أكلات صحية لذيذة من إكسبريس باى مو، ونفس الكلام بالنسبة لمحل الآيس كريم الفاخر ماربل سلاب كريمرى. بعد ما لفينا في داندى مول شوية حسينا أنه بـ يتحسن ومستمر فى التوسع.

فيرست مول (الجيزة)

يعتبر فيرست مول من أكثر مولات القاهرة تحفظًا، وبـ يستفيد المول الموجود فى الجيزة من ملاصقته لفندق الفور سيزونز. محل المجوهرات التحفة تيفانى أند كو مالي مركزه فى المول، وهو واحد من فرعين بس فاتحين فى القاهرة؛ وده يعطيك فكرة عن فيرست مول عاوز يبقى إيه. محاولة من المحلات اللى بـ تبيع هدوم محلية أنها تقاوم المستورد فى صورة هيبز بوتيك، وده ما يمنعش أن فيه أماكن ثانية زى مون بلان وبولجارى، وبالتالى أنت محتاج تجيب من الفلوس اللى شايلها تحت البلاطة، وكمان من تحت بلاطة جيرانك، ده لو كنت بـ تفكر تمشى وأنت مشترى حاجة.

جنينة مول (مدينة نصر)

جنينة مول مجمع له وضعه فى مدينة نصر، يتميز بالبساطة وأن فيه عدد من المحلات التقليدية الصغيرة المحلية مش مشهورة. تقدر تفاصل فى الأسعار وأنت وشطارتك فى محلات زى ميس سارة، وأرجينتو، ولا بورصة. مطعم شيه إيدى بـ يقدم فرصة أنك تأكل فى مكان مفتوح خارج جدران المول المقفول، فى حين أن باستو وديل فينتو بـ يشتغلوا بكل جهدهم علشان يبتكروا أطباق إيطالية جديدة. بس اللى فعلاً يعتبر أشد حاجة فى المول هو إم جى بولينج.

سيتى سنتر المعادى (المعادى)

مول آخر من مولات القاهرة فيه نشاط كبير والفضل يرجع لوجود كارفور، وبـ يقدم سيتى سنتر المعادى ماركات ملابس إنجليزية حصرية فى محلات زى نيكست وتوب شوب، مع أخ إنجليزى ثالث هو مونسون. أما زارا فبـ يكشف عن خطوط أزياءه الفريدة والمختلفة خالص عن أى حد ثانى، ويعتبر إمتنان هيلث شوب واحد من أحسن الأماكن اللى بـ تقدم منتجات الطب البديل، والمكملات الغذائية والاحتياجات الضرورية العامة لجسمك. ضيف على كده أن الأطفال المشاكسين يقدروا يلعبوا فى المكان اللطيف ماجيك بلانيت بس يمكن الألعاب مشكوك فى أمانها شوية.

مول العرب (6 أكتوبر)

يعتبر مول العرب نسخة من سيتى ستارز، وبـ يميزه البوابات الكثيرة المحيرة اللى بـ تخلى رحلة استكشاف ممراته الواسعة تعتبر نوعًا ما مغامرة. يستضيف المجمع اللى بناه سعوديين ماركات مشهورة زى زارا، وبيرشكا، وماسيمو دوتى وبينك باودر رووم، بالإضافة للفرع الوحيد لـ جاب فى القاهرة وفرع من فروع فيرجن ميجا ستور. المول كمان فيه مجموعة من المطاعم المميزة، الأكيلة يقدروا يختاروا وجباتهم المفضلة من مورى سوشى، وبيستل & مورتار، وكاسبر & جامبينيز وديرى كوين، وكمان محل الزبادى المثلج العبقرى يوجيز وكمان تقدر تذوق آيس كريم من كولد ستون كريمرى. موجود برضه فرع من سلسلة السوبر ماركت اللطيفة سبينيس.

صن سيتى مول (هليوبوليس)

يعتبر صن سيتى إضافة جديدة لمولات القاهرة اللى فى زيادة يوم وراء الثانى، وقربه الشديد من مطار القاهرة الدولى بـ يخليك تتخض من الطيارات اللى بـ تطير على ارتفاع قليل قوى فوقك. فرع كارفور هناك مساحته صغيرة شوية -بس برضه فيه ناس كثير- مقارنة بالفروع الثانية، بـ يعوض ده محلات ثانية زى إتش & إم لملابس السيدات بس، المطعم الفرنسى الفاخر سولت، ونوادى ليلية زى كافاللينى وروف بار. لو فكرنا نعمل مسابقة عن مين أجمد مول فى القاهرة، أكيد صن سيتى مول يعتبر واحد من أهم المتنافسين على لقب البطولة.

مولات مهمة:

ديزاينوبوليس يعتبر من أكثر المولات المكشوفة أناقة فى القاهرة، وبـ يعرض على كل واحد عنده حس إبداعى عاوز يخرجه فى الأثاث والإكسسوارات المنزلية أنه يزوره فى مكانه الموجود على طريق مصر إسكندرية الصحراوى، أما السراج مول الموجود فى مدينة نصر دائمًا اختيار مناسب لو بـ تدور على ملابس وإكسسوارات بأسعار كويسة، بس ما تتوقعش أن جودتها تبقى عالية. ممكن كمان نتكلم عن كايرو مول فى شارع الهرم اللى يعتبر بازار كبير بـ يقدم كل حاجة غريبة ومش عملية. لو عاوز تجيب أى حاجة لها علاقة بالتكنولوجيا يبقى روح كومبيوتر مول فى المهندسين اللى يعتبر سوبر ماركت كبير بـ يبيع منتجات تكنولوجية، هايبر وان فى الشيخ زايد بـ يقدم تجربة تسوق مع مجموعة من المطاعم، وكمان عربة التسوق العملاقة روشة جدًا.

التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
هيثم عوض
حرر بواسطة:
هيثم عوض
تاريخ النشر:
29/11/2012
رئيس تحرير الموقع الإنجليزي، دائمًا مالوش نِفس للكتابة، وذوقه عجيب في المزيكا اللي بـ يسمعها، لو أنت حظك كويس هـ تلاقيه مبتسم وعنده لكنة بريطانية مصطنعة، ومدمن جيلي كولا.