الكريسماس فى القاهرة: تسوق اللحظة الأخيرة فى أفضل البازارات والمحلات - تسوق Feature - كايرو 360
 







الكريسماس فى القاهرة: تسوق اللحظة الأخيرة فى أفضل البازارات والمحلات
الكريسماس فى القاهرة: تسوق اللحظة الأخيرة فى أفضل البازارات والمحلات
اصدرت في: 24/12/2012
هو المكان تحت شجرتك شكله فاضى شوية؟ أيوه؟ يبقى غالبًا هـ تحتاج زى السنة اللى فاتت أنك تلحق فى آخر لحظة تروح محل هدايا علشان ما تبقاش السبب فى زعل وإحباط القريبين لك يوم 25 ديسمبر.
طب نروح فين؟ بصراحة أنت ما عندكش وقت تلف على كل محل فى مولات القاهرة العملاقة. بس كالعادة كايرو 360 موجود فى خدمتك، علشان كده لخصنا بعض المحلات والبازارات بحيث تقدر تختار طلبك فى دقائق علشان زى ما كلنا عارفين، كل دقيقة لها ثمنها وسط زحمة الكريسماس.
لو كنت بـ تدور على حاجة معينة، البحث بسرعة وسط مجموعة كبيرة من المنتجات على قد ما هو يبان حاجة ظريفة، بس أكيد دى هـ تبقى تجربة مليئة بالضغط العصبى.
علشان كده، لو كنت بـ تدور على هدايا للأطفال بـ نقترح أنك تروح واحد من مئات محلات لعب الأطفال المنتشرة فى القاهرة. محلات زى توب تويز، وكريبتونايت تويز وواحد من فروع تويز أر أس الكثيرة تعتبر عادة رهان مضمون لما نتكلم عن إضافة جديدة لجبل من الألعاب اللى لها شهرة عالمية. ولكن، لو دماغك فى حاجة شخصية وذوقها أرقى، جرافيتى أرتيستويز فى المعادى معروف بألعابه الفريدة المصنوعة من مواد معاد تدويرها. من وجهة نظرنا، الأطفال وخاصة الصغيرين منهم، غالبًا مش بـ يهتموا بالملابس أو الموضة، وبكده ممكن تشترى لهم طقم صغير ومريح ويبقى اختيار عملى يفرح أبائهم. ماذر كير وليتل شوب بـ يبيعوا مجموعة من الملابس المخصصة للأطفال.
لو إحنا مكانك، أكيد هـ نتجنب شراء ملابس لزوجتنا، غالبًا هـ تطلب الفاتورة منك وترجعهم وعمرك ما هـ تشوفهم ثانى. رغم كده اوعى تقلق، سهل قوى أنك تتسوق للسيدات -ده وعد- أنت بس اشترى هدية جميلة وشكلها يؤكد أنها غالية وبعدين لفها، وهـ تبقى خاتم فى إيديك. الإكسسوارات دائمًا هى آمن حاجة.. هيبز بوتيك، وأكسسورايز، ومنايا وألتاى بـ يقدموا مجموعة من المجوهرات والشنط على أحدث طراز. لو بـ تدور بجد على حاجات لامعة الكريسماس ده، تيفانى & كو. فى فيرست مول أكيد يقدر يدهش حتى أكثر السيدات تركيزًا على التفاصيل.
الهدايا الخاصة بالتجميل أكيد طريقها طويل بس مرضى، ومع المحلات المنتشرة فى كل مكان، الموظفين فى وجوه أو مزايا يقدروا يرشدوك مباشرة لأنواع الماكياج والبرفانات اللى حققت أعلى مبيعات، الماركة الفرنسية للعناية بالبشرة L'Occitane En Provence، وذا بودى شوب عندهم أنواع من مجموعة صابون جميل الرائحة ومرطب للجسم برائحة الفواكة مناسب علشان الراحة والتدليل. أخيرًا تحذير بسيط، اوعى تحت أى ظرف من الظروف تشترى لأى واحدة حاجة تطبخ أو تنظف بها، إلا لو كنت عاوز تبدأ حرب عالمية جديدة.
دلوقت جاء وقت الرجال. معظم الرجال، إلا لو كان حظك حلو ومعاكى راجل يمشى معاكي ويساعدك فى شيل الشنط، بـ يبذلوا قصارى جهدهم علشان يتجنبوا رحلات التسوق الطويلة، حتى لو التسوق كان علشان تشتروا لنفسهم حاجة. وعلشان إحنا فى الكريسماس، من اللطيف أنك تخففى التعب ده عنه وتتسوقى بدلاً منه.
ملابس جديدة من إيجو أو بربيرى أكيد هـ تكسبك نقط كثيرة فى قلبه بس طبعًا السعر مش مثالى خالص. محلات أرخص شوية وفى نفس الوقت راقية، ممكن تجرب ماسيمو دوتى أو باص. للمهتمين أكثر بالموضة أسماء شهيرة زى جاك & جونز وبول & بير أكيد اختيارات مضمونة. طبعًا فى أى وقت تقدر تخليك فى القطن المصرى من موباكو، أو تصميمات روشة من زفير أو جلابية جديدة شيك من خان محفوظ.
لو عاوزة تبعدى عمومًا عن الملابس، كل الشباب بـ يحبوا التكنولوجيا، علشان كده روحى على أى شوب، فيرجين ميجا ستورز أو كومبيو مى وهناك هـ تلاقى ألعاب وأجهزة جامدة. فكرة ثانية خالص، ممكن تشتركى لهم فى الجيم اللى نفسهم يروحوه من ستة شهور. جولدز جيم عنده فروع كثيرة فى القاهرة وبلاتينيوم جيم مش هـ يخلى لك حجة غياب علشان فاتح طول الـ 24 ساعة.
اوعى تنسى نصيب حيواناتك الأليفة من الاحتفالات، الحيوانات برضه لها حق تدلل! إيجى بابى وبت بادى بـ يبيعوا ألعاب حيوانات متنوعة، وسراير، وأكل وحلويات علشان ما يشتركوش معاك فى العشاء.
حظ سعيد، ولو كل ده فشل، اشترى قسائم هدايا. وكريسماس سعيد.
التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
جيسيكا نوبل
حرر بواسطة:
جيسيكا نوبل
تاريخ النشر:
24/12/2012