الكريسماس في القاهرة: آخر دقيقة تسوق في المدينة - تسوق Feature - كايرو 360
 







الكريسماس في القاهرة: آخر دقيقة تسوق في المدينة
الكريسماس في القاهرة: آخر دقيقة تسوق في المدينة
اصدرت في: 24/12/2013

مع آخر 24 ساعة على الكريسماس، صعب نكون لقينا كل حاجات الكريسماس اللي عاوزين نشتريها كل شوية بـ يطلع لنا حاجة ناسيينها، وهـ يبقى صعب علينا نعرف هـ نشتري الحاجات دي منين، علشان كده إحنا كتبنا لكم قائمة من المحلات اللي ممكن تروحوها علشان ما تضيعوش وقت.

لما نكون بـ ندوَر على هدايا كثير ومختلفة أول حاجة بـ تيجي في بالنا علشان نبدأ ندور فيها هي المولات الكبيرة المعروفة زي سيتي ستارز، مول العرب، صن سيتي، خذوا بالكم الأماكن هـ تبقى زحمة وهـ يبقى فيه صراع علشان تعرفوا تلاقوا اللي بـ تدوروا عليه.

ودلوقت: هـ نشتري إيه؟

بالنسبة للسيدات: عاوزين نقترح عليكم أماكن رائعة علشان تلاقوا الحاجة اللي تبهركم، زي شنط مايكل كروس هـ تفرح أي حد كهدية قيمة، أو أي هدية من إيجو وكمان لا نيز فراجرانس بار بـ يقدم مجموعة من العطور الفرنسية الرائعة، وطبعًا فيكتوريا سيكريت وعطورها المعروفة، لو عاوزين حاجات بأسعار معقولة وحاجات لها علاقة بالبشرة والجسم فإحنا بـ نرشح لكم باث أند بودي وورك وذا بودي شوب، أما الإكسسوارات فأكيد بـ نوصي بـ أكسسورايز، لو عاوزين تجيبوا ملابس روحوا زارا وإتش أند إم دائمًا هـ تلاقوا اللي يعجبكم.

بالنسبة للرجال: ليه ما تجيبيش له حاجات مسلية زي إلكترونيات من  بلاي أند ترايد أو لعب من فيرجين ميجاستور، ولو هو بـ يحب المزيكا فصالة ياماها بـ تقدم مجموعة من الأدوات والإلكترونيات الموسيقية العالية جدًا، كريبتونايت هـ يرجعهم لطفولتهم اللي بـ يقدم مجموعة من العرائس الكوميكس والكتب المسلية، وطبعًا أغلب الرجال بـ يحبوا الملابس كهدايا فجربوا سوبردراي وجاك أند جونز للحاجات البسيطة.

بالنسبة للرجال والسيدات: أكيد أي حاجة من إكسسوارات البيت هـ تبقى لطيفة كهدية لأي اثنين لسه متزوجين أو حتى جيرانكم، زارا هوم عندهم مجموعة من إكسسوارات البيت الأنيقة، وطبعًا إيكيا عندهم كل حاجة تتعلق بالبيت من الصغيرة للكبيرة، وفيه في الزمالك محل اسمه هاوس & جاردن عنده حاجات مختلفة وبسيطة للبيت، وكمان ممكن نشتري لهم حاجات عصرية من 50A كونسبت ستور، لو عاوزين هدايا غير عادية جربوا جزازي في المعادي عنده وحدات إضاءة جميلة وحاجات ثانية كثير.

في مدينة زي القاهرة لو قدمنا عضوية في أي جيم أو علاجات من أي سبا كهدية هـ تكون حاجة جميلة ومختلفة، ممكن نقدم عضوية في جيم جديد زي فايبرز‎، ولو جيم للسيدات فقط يبقى هيرز وبليس سبا مكان حلو للتجميل والراحة للسيدات، أما علاجات السبا فممكن نشوف المنتجعات الفندقية في القاهرة زي سو سبا في فندق سوفيتيل، ويلو ستريم سبا في نايل سيتي فيرمونت، ذا سبا في نايل كمبينسكي للاسترخاء والتدليك.

بالنسبة للأطفال: أي حاجة وحاجات كثير عمرها ما هـ تبقى كفاية للأطفال في الكريسماس، طبعًا تويز أر أس أو توب تويز فيه أحلى مجموعة من ألعاب الأطفال، إنما لو حبيتم تشتروا ملابس للأطفال فممكن بيربيري تشيلدرن، وفي رأينا لو كل ده فشل فأكثر حاجة هـ تبهر الأطفال هي الحلويات من كاندي شوب وشوجر سبل علشان تخلي الأطفال أحلى وأحلى في الكريسماس.

مهما كان هـ تشتروا إيه، أو هـ تعملوا إيه فكل سنة وأنتم طيبين وعيد ميلاد سعيد. 

التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
كايرو 360
حرر بواسطة:
كايرو 360
تاريخ النشر:
24/12/2013
-