ألبان وآيس كريم كافيهات in القاهرة الجديدة Cairo, Egypt

كافيهات

هاجن داز: عالم الآيس كريم في كايرو فيستيفال سيتي
اصدرت في: 04/03/2015

صيف القاهرة أكيد لا يحتمل، ومافيش علاج ينقذنا من الحرارة الرهيبة غير الاختراع المنعش اللذيذ اللي اسمه "آيس كريم". في الشهور الباردة –وده وقت كتابة المقال– بـ يكون الإغراء زي الصيف بالضبط، إن لم يكن أكثر. واحد من الأماكن اللي بـ تقدم المثلجات اللذيذة هو "هاجن داز - Häagen-Dazs"، الاسم العالمي واجه حظ الغريب في القاهرة –بعد ما قفل عدد من فروعه– لكن فرع كايرو فيستيفال سيتي في القاهرة الجديدة دائمًا بـ يزوره عدد كبير من عشاق الآيس كريم. هاجن داز المصمم على طراز الكافيهات يحتل مكان صغير، بإضاءة معتمة باللون النبيتي الغامق المزين للحوائط وثلاجة كبيرة لعرض نكهات الآيس كريم المتنوعة والحلويات، أماكن القعدة تعتبر محدودة جدًا وكانت شبه مليانة وقت زيارتنا. رحب بنا موظف لطيف وأصر أننا نجرب عدد من النكهات قبل ما نأخذ أي قرار، من غير كسوف، وافقنا على طلبه، نكهة التوت الأحمر كانت مززة بشكل لذيذ، خفيفة وواضح أن التوت طازج رغم أنه مسكّر شوية زيادة، أما الشوكولاتة بالبندق والكراميل فكانت تحفة فنية، وإضافة الكراميل لنكهة الشوكولاتة بالبندق أضافت كثير للطعم بشكل عام. الشوكولاتة البلجيكي طعمها روعة زي اسمها، بـ تقدم الطعم القوي المميز للشوكولاتة البلجيكي الغامقة عالية الجودة. أخيرًا، استقرينا على بولة من بسكويت الكراميل والكريمة Caramel Biscuit and Cream وواحدة ثانية من ميدنايت كوكي والكريمة Midnight Cookie and Cream بـ (18 جنيه للبولة) في 2 كونو طازجين من بسكويت الوافل (4 جنيه للكونو)؛ المهم هنا أن الاثنين كانوا حلوين. الأول كان خفيف لكن غني بقطع بسكويت مقرمشة مستخبية وسط طبقات الكريمة اللذيذة والأخير كان طعم الشوكولاتة فيه لا يقاوم. هاجن داز بـ يقدم اختيارات ثانية من الحلويات تشمل مافنز، كوكيز، كيكات، تارت، فطائر، كريب ووافلز، وطبعًا كل ده مع ابتكاراتهم من نكهات الآيس كريم. لفت انتباهنا تشيز كيك بلوبيري شكلها لذيذ (22 جنيه) مع كوكيز كبيرة مزدوجة بشرائح الشوكولاتة (13 جنيه). مجمل الموضوع؛ هاجن داز يستحق العلامة الكاملة، والفضل يرجع لاستخدامه مكونات جودتها عالية بشكل ملحوظ، بجانب فريق العمل الهائل اللي بـ يحاول بكل قوته يقدم لك أحسن تجربة ممكنة طوال وقت زيارتك، إحنا معاك، الأسعار أغلى شوية من باقي محلات الآيس كريم، لكن فيه حاجات في الحياة تستحق تدفع قرش أو قرشين زيادة.

...

كولد ستون كريمرى: آيس كريم روعة فى كايرو فيستيفال سيتى
اصدرت في: 16/09/2014

أنت شايف أن القاهرة بـ تعانى من نقص فى عدد محلات الآيس كريم؟! أكيد بـ تهزر. المشكلة الحقيقة هى نقص نكهات الآيس كريم الخالصة، بعيدًا عن النكهات الصناعية.كولد ستونقدر يقدم اللى فى دماغنا بالضبط؛ مثلجات لذيذة غنية بالطعم الرائع. من آخر كايرو فيستيفال سيتى شدتنا رائحة الوافل، ولا إراديًا حاجة سحبتنا لمصدر الرائحة الرائعة؛ مهيب الركن وصاحب عدد الزبائن المهول "كولد ستون كريمرى -Cold Stone Creamery".مع أعداد الناس المنتظرة فى الصف علشان يحددوا اختيارهم من الآيس كريم، كنا خلاص على وشك نلف ونرجع ثانى، لكن شكل أوعية الآيس كريم الضخمة بألوانها الرائعةشدتنا من جديد. بكل صبر انتظرنا فى الطابور وبدأنا نتفرج على المنيو الرائعة المعلقة على الحائط. محاولتنا لحجز ترابيزة وفى نفس الوقت الانتظار فى طابور الطلبات فشلت بكل المقاييس نتيجة لحجم المكان الصغير واللى مستحيل يستوعب كل العدد الموجود وقت زيارتنا. الحل الوحيد قصادنا هو الاستمتاع بالآيس كريم فى أى مكان ثانى. كولد ستون بـ يقدم أحجام مختلفة من الآيس كريم 'Like it' من 12: 29 جنيه، 'Love It' من 24: 35 جنيه، 'Gotta Have It' من 36: 46 جنيه، 'Mine' من 48: 69 جنيه و'Ours' من 80: 110 جنيه، و"ابتكاراتهم" أغلى شوية من البولات العادية. أول ما وصلنا عند ثلاجة الآيس كريم رحب بنا المسئول وعرض علينا نجرب النكهات مجانًا. جربنا كل أنواع النكهات قبل ما نستقر على Cake Batter، شوكولاتة داكنة، فستق وMystic، أول اثنين فى بسكويت والاثنين الباقيين فى كوب عادى. اختيارنا من قسم "الابتكارات" كان تشيز كيك فانتازى. وإحنا فى مرحلة الدفع، كان صعب نقاوم الانقضاض على الآيس كريم، ومع أول تجربة وقعنا فى حب كل النكهات. لو كنت واحد من الناس اللى بـ تحب تضرب معلقة فى الكيك وقت تحضيره، يبقىهـ تشوف أن نكهة Cake Batter مالهاش حل. الشوكولاتة الداكنة كانت قوية، لكن سكرها مش زيادة كثير، يعنى من الآخر هايلة لكل مدمنى الشوكولاتة.نكهة الفستق كانت فستق بحق وحقيق، وواضح فيها طعم الفستق المحمص الطازج، أما نكهة Mystic، أو المستكة، كانت مسكرة وهشة بشكل لذيذ. نجم الشباك فى الواقع كان نكهة "تشيزكيك فانتازى"، الغنية بحشو فراولة وقطع بسكويت، طعمها فعلاً كان خرافى. إجمالاً، قدرنا نشبع اشتياقنا للآيس كريم من كل حاجة بـيقدمها كولد ستون.كل النكهات كانت ممتازة والموظفين هناك ودودين ويتميزوا بالسرعة. العيب الوحيد فى التجربة أن مافيش أى مكان فاضى بحيث نقدر نستمتع بالآيس كريم والسبب حجم المحل الصغير والزحام الشديد.

...

سالودبل: سلاطات طازجة وزبادي مجمد في دان تاون القطامية مول بالقاهرة الجديدة
اصدرت في: 10/03/2013

مختفي خلف الحوائط اللامعة في مول داون تاون القطامية بالقاهرة الجديدة، بار سلاطة بديكور يدل على مظاهر الأكل الصحي زي الحوائط الملونة والبين باج الكبار بألوانهم البيضاء وبار سلاطة نظيف، بشعار "اختصار إلى السعادة" توقعنا شئ يجنن.زي أماكن قليلة في القاهرة شعارهم الرئيس الأكل الصحي اللي بـ يعتمد على المكرونة بالسلاطة والسلاطة بشكل رئيسي، كان فيه عدد من الترابيزات العالية مع كراسي بار ملونة مع اختيار التيك أواي، المنيو شبه مبدأهم جايبة من الآخر وبسيطة بـ تقدم لكم اختيار بين السلاطات وسندويتشات السلاطة الريب (20: 32 جنيه)، الباستا الخفيفة (30: 40 جنيه) وللزبادي المثلج (20: 40 جنيه) للتحلية، وقريب هـ يكون فيه عصائر فريش.بالتجول في أقسام المكان انبهرنا بالمكونات الطازجة زي الخس والطماطم والخيار ومجموعة متنوعة من الإضافات زي الفاصوليا الحمراء والحمص والبيض المسلوق والمخلل (5: 7 جنيه) لإضافة أي مكون، اللحوم موجودة في قسم الدجاج المشوي والديك الرومي والتونة والسلمون اللي تقدروا تضيفوه على طبقكم، كل العاملين لابسين لبس موحد نظيف وجوانتيات بلاستيكية لما بـ يضعوا الأكل، الشيء اللي بـ يقلل من مخاوف النظافة.من غير لف ولا دوران اختارنا السلاطة بكل الإضافات، اختارنا الأساس خس وطماطم وخيار وفلفل أحمر وأصفر وزيتون أسود وجبنة فيتا وفراخ مشوية، ما بين عدد من الدريسنج زي السيزار ومستردة العسل والزيت والخل وخل البلسمك والصوص الحار الحلو اختارنا صوص الثاوساند آيلاند اللي خطف عيوننا، زي ما توقعنا كل مكون كان طازج وموجود على الخس المقرمش اللي أضاف قاعدة حلوة للفلفل الحلو وقطع الطماطم والخيار الجميل والزيتون المملح، الجبنة جاءت في شكل مربعات سميكة وزي الكريمة في الوقت اللي كان القطع الصغيرة من الفراخ المشوية كانت رطبة ومستوية كويس، بالرغم من المجموعة الخضراء الرائعة دي الثاوساند آيلاند كان شبه المياه ومالوش طعم.انتهينا بحجم عادي من الزبادي المثلج (20 جنيه) اللي على حسب ذوقنا كان لذيذ جدًا، كمان سالودبل بـ يسمح لكم من 1 لـ 3 من 5 مكونات تقدروا تضعوها على الزبادي من فوق (5: 10: 15 جنيه) لكن علشان وصلنا في نهاية اليوم ما كانش فيه حاجة موجودة ومع ذلك قدرنا نحصل على واحدة كان طعمها شبه زبادي التوت البري المثلج القادم مباشرةً من العلبة، كان طعمه لذيذ قوي وناعم.سالودبل حتى الآن واحد من المنافسين اللي بـ يقدموا مبدأ الأكل الصحي في شكل بار السلاطة اللي تقدروا تكونوا فيه اكلكم بنفسكم بمكونات طازجة لكن مع دريسنج مش مخلوط كويس ومع ذلك سالودبل هـ نعيد زيارته علشان غذاء صحي وشوية زبادي مجمد لذيذ.

...

مواضيع خاصة

النهارده في القاهرة: سهرة ميكس مع كل ألوان الفن

رغم البرد اللي مخلي كل الناس عايزة تفضل متدفية في السرير، بس برضه أجندتنا مابتخلاش من الحفلات اللي هتخليك تصحصح وتفرفش، علشان تخرج تقضي ليلة سعيدة بعد الشغل. تعالوا