ستوديو صحة ولياقة in Cairo, Egypt

صحة ولياقة

أون ذا مات: يوجا وتأمل حركي في ستوديو في الزمالك
اصدرت في: 12/09/2011

مكان جديد فتح في الزمالك، مكان مريح نفسيًا لكن مستخبي شوية، يعني لو مش عارف هو فين بالضبط عمرك ما هـ توصل له، لو كنت كسلان وعايز تتمرن أو تلعب ﭽيم، أو لو كنت مش عاوز تبني عضلات ضخمة بتمرينات عنيفة، «أون ذا مات – On the Mat» ممكن يبقى المكان اللي بـ تدور عليه. ستوديو صغير متخصص في اليوجا والتأمل والعلاج الروحاني أو (الريكي) الياباني، هـ تحس وكأنك في بيتك ومافيش عليك أي ضغوط وهـ تحب المكان جدًا. على الناصية اللي بعد «ماندرين قويدر» في شارع شجرة الدر هـ تلاقي المكان غير واضح على الإطلاق، وهو في الدور الأرضي في عمارة قديمة ومن غير أي لافتات خارجية. وبعد استقبال حار وترحيب من العاملين بالمكان، هـ يطلبوا منك تقلع الحذاء وتحطه في أول غرفة على شمالك وأنت داخل، ودي كانت غرفة الريكي وكانت جدرانها مطلية بلون أرجواني فاتح مريح للأعصاب، زيها زي باقي جدران الستوديو. الغرفة الرئيسية ممكن تكفي لحد 14 فرد، وكل واحد يكون له مساحة كافية علشان يتحرك ويتنفس بشكل سليم، الغرفة الثانية على الشمال هي الاستقبال، مفروشة بالمخدات والمساند ومزينة بالشموع، وفي الناحية الثانية من الستوديو هـ تلاقي الحمامات وغرف تغيير الملابس للسيدات. بمجرد دخولك المكان فيه شوية قواعد لازم تتبعها، زي أن صوتك لازم يبقى منخفض على قد ما تقدر، وتقفل تليفونك أو أي جهاز معاك ممكن يسبب إزعاج، وما ينفعش تحط عطر قوي ورائحته نفاذة، ولازم تساعد في أي حاجة مطلوبة بعد انتهاء الجلسة. لازم كمان تقول للمدرب أو المرشد لو عندك أي إصابة تمنعك من أنك تعمل وضعيات معينة أثناء التمرين. كل المدربين حاصلين على شهادات معتمدة في المجال ده لما سافروا الهند، وبـ يتبعوا نمط حياة صحي مثالي. المدربين بـ يركزوا على وضعيات جسمك أثناء التمرين ولو ضروري هـ يعدلوا من وضع اليوجا اللي أنت عامله لو كان غلط، وهـ يحاولوا يخلوا جسمك في أحسن حالة استطالة للعضلات. لو مش بـ تحب اليوجا قوي، «أون ذا مات» بـ يقدم مجموعة متنوعة من الأنشطة الجسدية والذهنية زي الـ (تاي تشي Tai Chi) أو التأمل الحركي والـ (بيلاتس Pilates) هو نظام حركي لزيادة مرونة الجسم، والتأمل العادي. في شهر أكتوبر هـ يبدأ ورشتين عمل في الستوديو وهـ يتم الإعلان عن ورش ثانية في الأيام القادمة، الجدول بـ يتغير كل شهر لكن ساعات العمل تناسب أي حد في أي ظروف. أول جلسة دائمًا هـ تكون مجانية، بعد كده ممكن تدفع 50 جنيه في الساعة، أو تشترك لمدة 10 جلسات بـ 400 جنيه (40 جنيه في الساعة). كل ورشة غالبًا بـ تستمر لمدة 3 ساعات وممكن تُقسم لجزءين. الورشة مش بـ تزيد عن 10 أفراد وسعر الاشتراك بـ يكون 200 جنيه للفرد ولازم تحجز مكانك قبلها بفترة كافية. «أون ذا مات» له صفحة على الفيسبوك ممكن من خلالها تتابع كل الأحداث الخاصة به أول بأول.

...

توازن: حصص يوجا للذهن والجسم في وسط البلد
اصدرت في: 21/04/2011

في وسط دوشة وزحمة وسط البلد اتفاجئنا بوجود مهرب صغير هادي٬ الواحد يقدر يستمتع فيه بشوية سلام بعيد عن توتر الشغل والشارع. «توازن» ستوديو يوجا في شارع يوسف الجندي٬ وعلى فكرة من الصعب أننا نلاقي ستوديو لممارسة اليوجا في وسط البلد٬ غالبًا ما بـ يكونوا في أماكن متطرفة وهادئة. الستوديو جواه سلام وسكينة، بسيط ومستخبي من دوشة الشارع. موجود في الدور التاني من عمارة من عمائر وسط البلد المهملين، «توازن» لسه بـ يبدأ خطواته الأولى في المجال. فتحته مديرته ومالكته «سليمة بركات» من حوالي سنة، وهو دلوقتي بـ يقدم حصص «أشتانجا -ashtanga » و«سيفاناندا -sivananda » ودي أنواع من اليوجا و«تاي شي» (فن من الفنون القتالية الصينية). ومع أن أغلب الحصص بالليل، فيه كام حصة الصبح. وبالنسبة إلى مبتدئي اليوجا، ممكن يلاقوا أنهم مش قادرين يلاحقوا على تدريبات المدربة «نينا» اللي بـ تكون ساعة وربع من يوجا الـ«أشتانجا». غرفة اليوجا صغيرة، بس مليانة على آخرها بالإصرار والعزيمة. حصة الـ«أشتانجا» بـ يكون فيها أربع أو خمس متدربين أقصى حاجة، وده علشان بـ يبقى عندهم مساحة كافية للتدريب ويقدر المدرب يوزع وقته واهتمامه عليهم بطريقة متوازنة ومفيدة لهم. الحوائط مغطاة بمرايا علشان تساعد المتدربين يظبطوا وضعياتهم على الحصير (الرياضي) اللي بـ يوفره الستوديو. «أشتانجا» عبارة عن مجموعة متدرجة من الوضعيات مع تزامنها مع التنفس. العملية دي بـ تولد قدر كبير من الحرارة وده بـ يساعد على إفراز كمية كبيرة من العرق وده بدوره بـ يساعد على تطهير الجسم من سموم كثيرة. ومش محتاجين نقول أنك لو هـ تروح محتاج تكون مستعد أنك تعرق٬ فالبس اللبس المظبوط. المهم، النتيجة بـ تكون أنك تحس أنك أخف وأقوى٬ ده غير أن الدورة الدموية بـ تبقى أحسن وبالك بـ يروق. «نينا» على طول بـ تخلي جو الحصة لذيذ ومسترخي٬ علشان هي من الناس المليانة سلام وطاقة إيجابية. بـ نبتدي التدريب بمجموعة من «تحيات الشمس – Sun Salutations» والمتدربين بـ يكونوا على وعي ودراية تامة بمعدلات تنفسهم وهم بـ يتحركوا. «نينا» مش بس صبورة مع كل متدرب٬ دي كمان بـ تساعدهم يعملوا الوضعيات اللي ممكن تحس أنها مستحيلة٬ ومع ده بـ تسيب لهم الوقت اللي محتاجينه من غير صربعة مع بعض التأمل ما بين الوضعيات المختلفة اللى بـ يعطى مساحة للهدوء الداخلي وحافز أن الواحد يعمل الوضعية اللي بعدها. مع نهاية الحصة، الأنوار بـ تهدى وبـ يبقى فيه وقت كافي أننا نأخذ وضعية مستلقية تمامًا على الأرض٬ وفي اليوجا دي اسمها وضعية الجثة أو الـ«كوربس بوز – corpse pose» وده بـ يسمح للجسم والعقل أنهم يسترخوا ويبدأوا يجنوا ثمار التدريب. لو هـ تروح تحضر حصة في أي وقت من غير اشتراك هـ تدفع 80 جنيه٬ وللخمس حصص 300 جنيه٬ و600 للـ12 حصة.

...

مواضيع خاصة

دليل #كايرو_360 لأسعار حلاوة المولد في القاهرة

مولد النبي. أحلى وأجمل مناسبة بنستناها دايمًا من السنة للسنة. وكلنا بنلاحظ الفرحة والبهجة اللي بتنشرها المناسبة دي في القاهرة. طبعًا أولها فرحة حلاوة المولد اللي بن