دى- كاف 2013: إعادة الحياة للفنون المعاصرة في وسط البلد بالقاهرة - فن وثقافة Feature - كايرو 360
 







دى- كاف 2013: إعادة الحياة للفنون المعاصرة في وسط البلد بالقاهرة
دى- كاف 2013: إعادة الحياة للفنون المعاصرة في وسط البلد بالقاهرة
اصدرت في: 27/03/2013
دلوقتي فيه صوت بـ يعلو على صوت زحمة العربيات والكلاكسات فى القاهرة، الصوت ده طالع من وسط البلد وتحديدًا من مهرجان الفنون المعاصرة "دى-كاف" أو "D-CAF" اللى هـ يفتتح الشهر القادم. فى شهر أبريل الأماكن غير المستغلة فى وسط البلد بـ تستضيف مجموعة من الأحداث والعروض من مختلف أنحاء العالم بهدف تعزيز مكانة القاهرة الفنية العالمية. بدأت فكرة المهرجان لما تقابل الفنان أحمد العطار مع كريم شافعى مدير شركة الإسماعيلية للإنشاءات، وصمموا بعدها خطة ترجع بها العاصمة المصرية للخريطة الثقافية من جديد، وده عن طريق افتتاح أول مهرجان دولى معاصر للفنون فى القاهرة. أحمد العطار بـ يوصف أول نسخة من المهرجان السنة اللى فاتت بـ "النسخة التجريبية"، علشان المهرجان السنة دى بـ يقدم جدول متكامل ممتلئ بفنانين وعروض تؤكد أن السنة دى حلم المهرجان تحول إلى حقيقة.
يهدف المهرجان فى بدايته إلى تعديل حالة نقص العروض الفنية المعاصرة فى القاهرة وتصميم هيكل نظامى واضح يحقق الفكرة دى. أحمد قدر من خلال سفره واطلاعه على مهرجانات ثقافية من أنحاء العالم فى العقد الأخير أنه يجمع قائمة بأنشطة ممكن تنفذ فى القاهرة. من ضمن القائمة نماذج عالمية مستحدثة، ودى فى رأيه لازم كل جمهور القاهرة يشوفوها. من ضمن العروض الموجودة "الفندق الحديث" أو 'Hotel Modern' ودى قدر فريق دى- كاف أنه يحصل على مصدرها من هولندا واللى تعتبر علامة مميزة فى تاريخ المسرح الأوربى المعاصر. دى- كاف بـ يقدم فى شهر أبريل أول عروضهم فى العالم العربى وهو عبارة عن عرض مسرحى كرتونى مباشر اسمه "الحرب العظمى" أو 'The Great War'.
المهرجان كمان بـ يقدم عروض جديدة من فنانين قادمين من بره مصر علشان المهرجان يوصل لقمة المشهد الفنى المعاصر عالميًا. من بين كل العروض دى بـ يقدم فنان الراب السورى "ديكاى" أول ظهور له فى المهرجان. دى- كاف بـ يحاول أنه يعرض المشهد الفنى المحلى على العالم الخارجى عن طريق تقديم مواهب ناشئة من مصر، زى تقديم فرصة للشباب القاهرى اللى بـ يحب الرقص فى البرنامج المشترك 'Make a Move' مع شركة تعليم الرقص الدنماركية 'SVALHOLM'. المهرجان بـ يركز السنة دى على إبراز الأعمال الجماعية بين الفنانين الدوليين وقرنائهم من المصريين، زى المعرض الإبداعى "إنتر لاب" اللى بـ يجمع بين فنانين من مدينة درسدين الألمانية والقاهرة علشان يحصل بينهم تبادل أفكار، والنتيجة هى عمل فنى مدهش يجمع بين التقنيات الفنية والفكر المصرى فى صورة مشهد فنى معاصر.
النماذج التكنولوجية هى الفكرة الرئيسية لكثير من الأحداث المستمرة طوال الخمسة عشر يوم مدة المعرض. كثير من المعارض بـ تتم بشكل تفاعلى، بحيث يقدر الجمهور والفنانين يتواصلوا من خلال القطع الفنية بطريقة جديدة تمامًا، عمرها ما اتعملت فى القاهرة. خلى بالك من جهاز الدعاية الجديد SMSlingshot من تصميم المجموعة الألمانية VR/Urban، واللى بـ تخلى حتى أقوى خبراء التكنولوجيا مننا يتعجبوا من معجزات التكنولوجيا الحديثة.
بـ يحاول دى-كاف أنه يرجع التراث الفنى القاهرى لمكانته الطبيعية وسط المشهد الفنى المعاصر. قرار إقامة المهرجان فى وسط البلد قلب القاهرة النابض كان نتيجة طبيعية لوضوح التاريخ القديم للقاهرة فيها. المهرجان بـ يفخر أنه مش بس بـ ينعش الحركة الإبداعية فى القاهرة، لكنه كمان بـ يرجع الحياة من ثانى لعمائر قديمة منسية. خلال آخر سنتين دى-كاف بالاشتراك مع مجموعة الإسماعيلية كانوا مسؤولين عن تجديد عدد من المناطق الجميلة المخفية بين متاهات وسط البلد، وتحويلها لأماكن عالمية لاستضافة العروض الفنية. على سبيل المثال، ستوديو عماد الدين هـ يستضيف المسرحية العالمية "أرنب أبيض أرنب أحمر" أو WHITE RABBIT RED RABBIT للمخرج الإيرانى نسيم سليمان بور.
محاولة دى-كاف أنه يوصل رؤيته الجديدة مش مصادفة، خصوصًا بعد أحداث الثورة ومحاولات ترميم الثقافة المصرية اللى توقفت بعد الأحداث دى، ومن وسط كل ده يحاول ينشط المشهد الثقافى فى القاهرة من جديد من مكان أثبت أنه يملك مفاتيح مستقبل المدينة كلها.
المهرجان بـ يأمل أن عن طريق جمع عظماء الفن المعاصر العالميين فى القاهرة، يلهم الأجيال الجديدة من القاهريين أنهم يعززوا من قدراتهم التعبيرية الفنية وتشكيل صوت جديد لمصر يطلع من وسط البلد.
المهرجان مستمر من 4 إلى 28 أبريل، وبرنامجه موجود أونلاين دلوقتي. خليك متابع كايرو 360 علشان تعرف كل أخبار الفعاليات. لحجز التذاكر، أو معلومات ثانية تواصل مع tickets@d-caf.org.
مزيد من الصور
  • دى- كاف 2013: إعادة الحياة للفنون المعاصرة في وسط البلد بالقاهرة
التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
إيميلي رايت
حرر بواسطة:
إيميلي رايت
تاريخ النشر:
27/03/2013