بالخطوات: إزاي تقدم شكوى لجهاز حماية المستهلك - الحياة في كايرو Feature - كايرو 360
 







بالخطوات: إزاي تقدم شكوى لجهاز حماية المستهلك
بالخطوات: إزاي تقدم شكوى لجهاز حماية المستهلك
اصدرت في: 04/10/2016

أحيانًا بنشتري سلعة ونكتشف أن فيها عيب، أو تم بيعها لنا بسعر غير سعرها الحقيقي، ولما بنتواصل مع خدمة العملاء بنلاقي عدم اهتمام، #كايرو_360 هتقول لكم بالخطوات إزاي تتواصلوا مع جهاز حماية المستهلك، اللي بيقدر يجيب لكم حقكم.

أول نصيحة نحب نقولها لكم، هي محاولة تهديد البائع بأنك هتعمل شكوى في جهاز حماية المستهلك لو ماحلش لك مشكلتك، أحيانًا التهديد ده بيجيب نتيجة وبيخليه يحس أنك فاهم حقك كويس ومش هتسكت، لكن لو الطريقة الودية مانفعتش يبقى لازم تقدم شكوى وماتسيبش حقك.

أول حاجة تتصل بالخط الساخن لجهاز حماية المستهلك (19588) من خلال أي خط أرضي. وتبلغ شكوتك، ممكن يطلب منك تبعت له بعض الأوراق على الفاكس الخاص بهم على رقم 35380384 زي الفاتورة مثلًا. أو ممكن تبعتها على الإيميل التالي:

info@cpa.gov.eg

وتقدر تروح أقرب مكتب بريد لبيتك في ساعات العمل الرسمية وتطلب من الموظف استمارى شكاوى جهاز حماية المستهلك، ودي بتكون مجانية، بتملاها وهما بيبعتوها بالنيابة عنك للجهاز.

ممكن كمان تروح بنفسك لمقر جهاز حماية المستهلك وعنوانهم سهل جدًا 96 شارع أحمد عرابي، المهندسين، وهناك بتقدم الشكوى وبتقول لهم كل التفاصيل ولازم طبعًا يكون معاك الفاتورة مختومة.

وعلشان تعرف تفاصيل أكثر ممكن تزور الموقع ده.

 

التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
كايرو 360
حرر بواسطة:
كايرو 360
تاريخ النشر:
04/10/2016
-