جديد في كايرو: 10 حاجات متحمسين لها في شهر أكتوبر - الحياة في كايرو Feature - كايرو 360
 







جديد في كايرو: 10 حاجات متحمسين لها في شهر أكتوبر
جديد في كايرو: 10 حاجات متحمسين لها في شهر أكتوبر
اصدرت في: 13/10/2011

شهر أكتوبر مليان افتتاحات مثيرة، ومهرجانات مشوقة، وحفلات وورش عمل شغالة في كل مكان في كايرو، وفي الموضوع ده هـ نقدم لكم أهم 10 أحداث هـ تحصل فى القاهرة خلال الشهر ده:

 

1- 33 شارع أبو الفدا عنوان بـ يضج بالمطاعم والكافيهات الجديدة، أول مكان عندنا هو "كوفي شوب كومباني/ تفاحة"، وبعدين "عبد الوهاب"، ومؤخرًا "لينوز" وكمان "جريزلي". ده غير أن "فيش مكان" فتح أبوابه نفس الناس القائمة على إدارة ونجاح "موري سوشي"، وقريب جدًا سلسلة TCBY اللي بـ تقدم الزبادى المجمد هـ تفتح أبوابها للجمهور، زى ما كمان قرب افتتاح المطعم المصري "المحروسة". يعني من الآخر كورنيش الزمالك مش هـ يهدأ لحظة الفترة القادمة.

 

2- لو اتكلمنا عن سيتي ستارز في هليوبوليس مش هـ يكون جديد أننا نقول أن المكان فيه جديد كل شوية، لكن الرتم أصبح أكبر وأسرع بمشروعات جديدة على الساحة، فمثلاً هـ تلاقي "ديرى كوين" في منطقة الأكل في المرحلة الثانية بـ يقدم منتجات مثلجة، وأنواع آيس كريم إلى جانب ساندويتشات الأكلات السريعة وغيرها. وفي نفس الوقت هـ تفتح محلات أسماء عالمية وماركات معروفة زي "سورس"، "بوس أورانج"، "ماركس & سبنسر" في المول.

 

3- كايرو ما بـ تخلاش من أفكار جديدة دائمًا لتقديم طرق جديدة ومبتكرة للحفاظ على صحتكم، "أدامز & بليند" في هليوبوليس محل ساندويتشات وعصائر، "أدامز" بـ يقدم تشكيلة من الورابس والساندويتشات في حين أن "بليند" بـ يعمل سموسيز وزبادي مجمد علشان الناس اللي بـ تحافظ على رشاقتها، لكن إحنا مش متأكدين أن الكريب عنده له سعرات قليلة.

 

4- المكان اللي هـ نتكلم عنه دلوقت مش جديد قوي، لكن كايرو360 اتكعبلت فيه، "قصر توينتي" مدرسة طبخ موجودة في قلب القاهرة في وسط البلد بـ توفر لكم دورات تدريبية للأكلات المصرية. على الرغم من أن الكورسات غالية شوية مقابل 85 دولار للفرد، لكن حميمية المكان وديكوره الستايل أكبر هدية الشهر ده.

 

5- وبما أننا كنا بـ نتكلم عن الكورسات، فرع مكتبة ديوان في مصر الجديدة بـ يقيم ورشة عمل للتأمل بـ تقدمها ماريانا كليرك وهي مدربة تأمل معتمدة هـ تساعدك أنك تجد السكينة وتحقق لك الهدوء اللي أنت محتاجه وسط حياتك اليومية المزدحمة بالأحداث. قيمة الورشة 350 جنيه وهـ تكون يوم 17 أكتوبر من الساعة 7 لحد 10 مساءً، ولو بـ تبحث عن دورات يوجا بشكل منتظم جرب كورسات "أشتانجا يوجا كايرو"، "أشتانجا يوجا إيجيبت"، "ذا بريزنج رووم"، "أومنى يوجا"، و"أون ذا مات".

 

6- مصممة الحلى غير التقليدية "عزة فهمى" أصدرت مجموعتها الفرعونية الجديدة لعام 2012 الشهر ده، أكثر حاجة هـ تلفت نظرك هو الاهتمام الفائق بالتفاصيل في المجموعة دي، أي نعم المجموعة دي هـ تخلي محفظتنا مهوية وتفلسنا لكن من ضمن المجموعة مثلاً عقد فيه لعب كثيرة على شكل ريش كل ريشة لها روح فرعونية مختلفة، وحلقان فيها تأثر بشكل الأجنحة.

 

7- أكتوبر شهر مليان بالمهرجانات المهمة زي ما قلنا اللي من ضمنها مهرجان "شخصيات مصرية" اللي هـ يقام السنة دي في أسوان يوم 26 أكتوبر. المهرجان بـ يستمر لمدة ثلاثة أيام بـ يكون فيه عروض حية لـ 33 قبيلة من قبائل مصر ومسابقات بهدف التبادل الثقافي.

 

8- وعلى سيرة العروض الحية فيه حدث مهم جدًا هـ يقام في جامعة MUST أيام 24، 25، 27، 28، 29 لأول مرة في مصر، هـ يقام عرض حي لعرائس "عالم سمسم" العالمية برعاية شركة Fun Factory Entertainment، أماكن بيع التذاكر موجودة على صفحة الحدث على الفيسبوك، الحق احجز علشان تستمتع بالعرض الرائع مع "إلمو"، و"أبى كادابى"، و"بيج بيرد" وأصدقائهم في عرض باسم "Elmo Makes Music".

 

9- مواقع إلكترونية كثيرة بـ تظهر كل شهر علشان تخلي حياتنا أسهل (وأكثر كسل!)، عدى علينا موقع Cherryblossom-Books وهو محل جديد على الإنترنت بـ يقدم توصيل للكتب العربي والأجنبى مجانًا للطلبات فوق الـ 200 جنيه، الموقع سهل التعامل معاه جدًا، زي بالضبط موقع "قُفة" اللي تقدر من خلاله تشتري فواكة وخضروات الموسم أو حتى في غير الموسم بتاعها، اللي عمل الموقع Pico and Makar المعروفين فى المجال بإنتاجهم عالى الجودة للخضروات والفواكة، كمان تقدر تطلب أكل نصف مطبوخ زى السمبوسك علشان يخلى الموقع تجربة التبضع لك أسهل.

 

10-وأخيرًا فندق النيل كمبينسكي افتتح سبا اسمه "كمبينسكي ذا سبا" للجميع بعد ما كان للأعضاء فقط، هناك في الفندق اللي فى جاردن سيتي هـ تلاقي خمس حجرات فردية إلى جانب جناح سبا للأزواج، وبعد كده ممكن تستخدم حجرة البخار والساونا وحجرة الاسترخاء، أي نعم الأسعار هناك مش رخيصة لكن الدلع والراحة لهم ثمنهم برضه.

 

لو عندكم نصائح أو ترشيحات لأماكن جديدة فتحت في قلب العاصمة ابعثوا لنا على: info@cairo360.com

مزيد من الصور
  • جديد في كايرو: 10 حاجات متحمسين لها في شهر أكتوبر
  • جديد في كايرو: 10 حاجات متحمسين لها في شهر أكتوبر
  • جديد في كايرو: 10 حاجات متحمسين لها في شهر أكتوبر
  • جديد في كايرو: 10 حاجات متحمسين لها في شهر أكتوبر
  • جديد في كايرو: 10 حاجات متحمسين لها في شهر أكتوبر
التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
كايرو 360
حرر بواسطة:
كايرو 360
تاريخ النشر:
13/10/2011
-