الكريسماس فى القاهرة: احتفال أكثر أناقة فى أرقى فنادق العاصمة - الحياة في كايرو Feature - كايرو 360
 







الكريسماس فى القاهرة: احتفال أكثر أناقة فى أرقى فنادق العاصمة
الكريسماس فى القاهرة: احتفال أكثر أناقة فى أرقى فنادق العاصمة
اصدرت في: 25/12/2012

الشئ الوحيد اللى بـ يريح أعصابنا وقلوبنا خلال شتاء القاهرة البارد هو وقت الكريسماس. الشرائط الملونة، وكرات الزينة، والأنوار والأشجار منتشرين فى كل أنحاء المدينة –أحيانًا فى أماكن ما تخطرش على بال أى حد- ومعاهم بـ تيجى المتعة الموسمية الأكيدة، على الأقل بالنسبة للبعض.

السنة دى، تفوقت أرقى فنادق القاهرة على نفسها، بمجموعة من أقوى خطط الاحتفال. البخلاء مالهمش مكان فى الكلام ده.

دوسيت ثانى ليك فيو

روح الكريسماس ظهرت للقاهريين هناك فى البرية اللى بـ تمثلها القاهرة الجديدة. دوسيت ثانى واحد من أحدث الفنادق فى المدينة، وكمان بدون شك من أفخمها، ومطعم روين تاى أكبر دليل. كايرو 360 قيمت المطعم ده بأربع نجوم علشان أكله المبهر والأجواء المثالية، بس يمكن الأماكن الثانية داخل الفندق اللى هى بـ تعزز طعم الكريسماس بشكل مميز. برانزينو بـ يقدم لزواره بوفيه احتفالى فى ليلة الكريسماس وأول أيام السنة، فى حين أن دوسيت جورميه بـ ينتج كل الحاجات الحلوة اللى بـ تجسد الكريسماس.

جراند نايل تاورز

بعد حركة التغييرات الكبيرة فى الإدارة السنة اللى فاتت، جراند نايل تاورز (فندق جراند حياة سابقًا) فى طريقه أنه يرجع لمكانته كواحد من أكبر فنادق القاهرة مرة ثانية. مطعم فونتانا اللى اشتهر بالمنيو الرمضانية المميزة بـ يقدم منيو مخصوصة للكريسماس فيها ديك رومى، وحشو وحاجات كثير. لسه فى عندهم حاجات ثانية.. بكاراه اللى على يخت ماركيز الخاص بالفندق، بـ يقدم بوفيه خاص للكريسماس، وتقدر تستمتع فيه بعزف موسيقى حى. لو صعب تستحمل النسمات النيلية الباردة فى ديسمبر، عندك اختيار كمان هو ريفولفينج ريستورانت. المطعم اللي كان الأكثر ارتفاعًا فى الشرق الأوسط فى يوم من الأيام بـ يقدم منظر بانورامى تحفة للمدينة واحتفالات خرافية مبهرة للكريسماس.


فيرمونت هليوبوليس أند تاورز

فيرمونت هليوبوليس عادة بـ يتظلم لما يُقارن مع فرعه المجاور للنيل، بس السنة دى أيًا كانت كمية رائحة وقود الطائرات إللى طالعة من مطار القاهرة الدولى فمش هـ تقدر تفسد روح الكريسماس. مطاعم ليوناردو، و نوبل هاوس وماريا بـ تقدم فى ليلة رأس السنة وأول أيامه منيو مخصصة للكريسماس، فى حين أن لو مارشيه هـ يقدم نفس الموضوع بالإضافة لمنيوA la Carte. فى نفس الوقت، فيوز جاهز باثنين من أقوى الدى جى للاحتفال باليومين المهمين دول على الطريقة البربرية، أما أكوا إى لوس فاختار لنفسه شكل أجازة تقليدية، مع منيو خاصة وعزف بيانو مباشر ليلة الكريسماس، وبعد كده إفطار متأخر أول يوم فى السنة الجديدة واللى بـ يقدم فيه مجموعة من الأنشطة اللطيفة الممتعة للأطفال.

فيرمونت نايل سيتى

دائمًا مكان أكثر مناسب للمجموعات، وأكيد الناس الطيبين فى فيرمونت نايل سيتى أكثر من مجرد فرقة بـ تغنى أغانى الكريسماس. الاحتفالات الرسمية بدأت يوم 15 ديسمبر مع شجرة الكريسماس المضيئة. الاحتفالات بـ تتم فى أونيكس لاونج الموجود داخل الفندق، وبـ تتضمن هدايا للأطفال تعبر عن الكريسماس وهدايا ثانية للبالغين لا تقل فى الإمتاع عنهم. لسه المفاجآت ما خلصتش، علشان فيه كمان مغنى الجاز أحمد حرفوش هـ يقدم فقرة غنائية. حرفوش محبب شوية لزوار فيرمونت وكمان عامل حفلة فى صالة ماجنيتا يوم الكريسماس مع ذا ريف باند، ويقدر فيها ضيوف فيرمونت الاستمتاع بعشاء كلاسيكى أول أيام السنة. نابا جريل بـ يقدم ليلة رأس السنة منيو مخصصة للذواقة، هو فيه أجمل من كده؟

فور سيزونز فيرست ريزيدنس

أى واحد حصل له أنه تاه فى ممرات فور سيزونز فيرست ريزيدنس الملتوية لازم هـ يشهد للأوتيل ده بستايله اللي يبدو كأنه فن مبهر جدًا لكن خالي من المضمون، وكمان تحسه فن معروض داخل متحف برضه خالي من المضمون. ومافيش حاجة مبهرة أكثر من الكريسماس. مئات من سكان القاهرة بـ يروحوا على المطعم الشهير الخاص بالفندق سيزونز علشان يستمتعوا بالبوفيه المتغير بشكل يومى، على سبيل المثال الأكلات البحرية وأكلات من المطبخ الفرنسى. المطعم قرر أنه يغير شوية حاجات علشان الكريسماس، وبـ يقدم بوفيه عملاق احتفالاً به. تى لاونج كمان بـ يقدم مجموعة من الحلويات الاحتفالية، تقدر تختار من بينها وتطلبها على حسب رغبتك؛ وبكده فور سيزونز بـ يوفر عليك المجهود. علشان تعرف معلومات أكثر اتصل بـ 0235671600.

إنتركونتينينتال سيتى ستارز

الناس فى إنتركونتينينتال سيتى ستارز شغالين على قدم وساق علشان احتفالات الكريسماس. الاحتفالات تبدأ ليلة الكريسماس مع وجبة موسيقية حية فى اللوبى. كمان يبدأإسبلاناد فى نفس اليوم تقديم البوفيه الخاص بالكريسماس، أما المطاعم الثانية:شوجان، والبستان ومايسترو فبـ يقدموا منيو خاصة للكريسماس. فى نفس الوقتبيلينى بـ يستضيف حفلات فى ليلة الكريسماس ويوم الكريسماس نفسه، أما فيروز فبـ يقدم رقصة تويست شرقى بـ تقدمها راقصة يمكن تبقى لابسه زى زوجة بابا نويل.

كمبنسكى النيل

كمبنسكى النيل غالبًا هو أفخم فنادق جاردن سيتى، وعلشان كده بـ يعرف كويس إزاى يحتفل بشكل أنيق. عادة شوكوليت لاونج المستضيف الدائم للمعارض الفنية بالتعاون مع جاليرى الزمالك للفنون بـ يقدم الحلويات الخاصة بالكريسماس، أما فلور تن المبالغ فيه، حول كل الخدمات الخاصة بالإفطار المتأخر لمظاهر الاحتفال بالكرسيماس. ولما الليل يهل علينا، فلور تن كمان بـ يقدم وجبة مكونة من أربعة عناصر، ونفس الكلام مع المطعم التركى عثمانلى. وعلشان هو واحد من أرقى مطاعم القاهرة، منيو الكريسماس من عثمانلى حسستنا بإثارة فظيعة.

فندق الماريوت وكازينو عمر الخيام

ببساطة هو موطن لمجموعة منتقاة من المطاعم، وعلشان كده الماريوت بـ يجهز احتفالية خاصة لفترة الكريسماس. المنيوهات المجمعة بـ تُقدم فىجيه دبليوز ستيك هاوس، ريستورانت توسكانى وسرايا كافيه، وكمان عند هاريز بوب، واللى فيه المزيكا الحية هـ تعالج أى ميل للبخل. رويز كونترى تشيكن مكان ثانى بـ يقدم بوفيه خاص للكريسماس للغذاء والعشاء، وبعدين الاحتفالات بـ تكمل مع أماكن ثانية فى الفندق زى ليالي مصرية و ذا بيكرى، والأخير بـ يقدم مجموعة فريدة من الحلويات الممتعة. ولو كنت محظوظ كفاية ومعاك جواز سفر أجنبى، تقدر تكمل سهرتك فى الكازينو.


هيلتون رمسيس

رمسيس هيلتون المطل على وسط البلد وميدان التحرير بـ يأخذ شكل خيالى احتفالاً بالكريسماس فى جاردن كورت كافيه. أكيد الأفكار دى ممتعة للأطفال، خصوصًا مع ديكورات محكمة، عبارة عن عيش بالجنزبيل على شكل بيت ممنوع أى حد يحاول يأكل منه. من أشهر الأسماء فى عالم مطاعم القاهرة ويندوز أون ذا وورلد اللى بـ يقع فوق روف الفندق بـ يقدم وجبة سخية خاصة بالكريسماس من خمسة أصناف مع الاستمتاع بالمنظر البانورامى الخرافى للنيل. تراس كافيه يعتبر أقل شوية كمكان بس بـ يعوض ده ببوفيه ضخم.

خليك متابعنا علشان تعرف أخبار أكثر عن أحداث الكريسماس من أصدقائك فى كايرو 360.

التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
كايرو 360
حرر بواسطة:
كايرو 360
تاريخ النشر:
25/12/2012
-