Healthy Living & Farmers’ Market: بازار شهري للمنتجات المحلية فى قطامية هايتس - الحياة في كايرو Feature - كايرو 360
 







Healthy Living & Farmers’ Market: بازار شهري للمنتجات المحلية فى قطامية هايتس
Healthy Living & Farmers’ Market: بازار شهري للمنتجات المحلية فى قطامية هايتس
اصدرت في: 23/12/2014

وسط عالم كله بـ يدور فى فلك المشروعات الضخمة، ودائمًا معتمد على استهلاك المنتجات ضخمة الإنتاج، حصل عندنا حنين ناحية المنتجات الطبيعية الأكثر بساطة، فى محاولة لتشجيع النوع ده من المنتجات وتقديم مبادرة محلية موجهّة لمجتمع مصر الراقى،Farmers' Market وصل قطامية هايتس.

السوق بـ يتعمل شهريًا فى الكلوب هاوس الراقى الخاص بالكومبوند، وإحنا باعتبارنا من عشاق الابتكارات، قررنا نروح سوق الشهر ده ونشوف عندهم إيه. تجربة الوصول للسوق عمومًا كانت منظّمة، على البوابة قالوا لنا على مكان انتظار السيارات، وركبنا عربية جولف وصّلتنا لمدخل الكلوب هاوس.

واضح أن السوق بـ يقدَّم عدد من الأعمال التجارية الصغيرة اللى بـ يعرضوا فيه ابتكاراتهم، بأسماء أكثر مما كنا نتخيل. تقدر تلاقى كثير من مستلزمات البيوت وأدوات الزينة المنزلية، من زجاجات ملّونة للديكور من إنتاج "Glass Styles" لإكسسوارات يدوية من الخشب وحامل ماكياج من تقديم "علياء الوكيل"، وكمان هـ تشوف قطع كثيرة تقدر تغير شكل بيتك. من ضمن المعروضات كمان أغطية مخدّات، وحوامل بليكسي ومفارش.

طبعًا مافيش Farmers' Market ينفع من غير منتجات طبيعية لذيذة. كان معروض مجموعة من المافينز الصّحية من تقديم "Cookies n' More"، كيك بوبس بأشكال الهالويين من "S'mores n' More"، مع عدد من المنتجات اللذيذة هـ تشوفها فى كل مكان. الرائحة المثيرة للباجيت الطازجة شدّتنا لكشك "Sweets and Treats"؛ حلوانى المعادى الإيطالى واللى بـ يقدم عيش، ومخبوزات وشوكولاتات.

كان موجود كمان مستحضرات تجميل طبيعية خالية من الكيماويات من ضمن منتجات السوق الجذابة. كشك "Body Bakes" كان عمران بالصابون الأورجانيك، مراهم للشفاه، منظفات ومعطرات للجسم، وكلهم من زيوت طبيعية وجلسرين. وقعنا فورًا فى عشق صابون إزالة الماكياج المعروض عندهم ومنعنا نفسنا من الانقضاض على منتجاتهم بأشكالها الجميلة ورائحتها الرائعة.

لو كنت بـ تفكر تغيّر لنمط حياة صحّي، سوق Farmers Market أكيد مكان هائل لبداية التسوق وتجهيز احتياجاتك. من حلويات نباتية من تقديم "Pot De Crème" لمقوىّ المناعة جنين القمح من إنتاج "Nature's Selection" لغاية كينوا وبذور الكتّان يعرضها Nature's Gift Store""، قدرنا نلاقى كل الأغذية الصحية عالية الجودة واللى لا يمكن تتوجد فى مكان ثانى فى مصر.

عشاق البهارات والتوابل هـ يلاقوا هناك أى حاجة تخطر على بالهم. يعرض "Fino's" أنواع زبدة الفول السودانى بنكهات وأحجام متنوعة ويقدروا هناك يجربوا طعمها كمان، أما "Reefy" فكان بـ يعرض كل أنواع برطمانات العسل الطبيعى. لاحظنا كمان مربى فواكة طبيعية بيتى من "بالهنا والشفا".

محبى الأعمال الخيرية لازم يروحوا السوق لزيارة عدد من الجمعيات الخيرية المشاركة هناك وبـ تبيع منتجاتها. جمعية "الزهراء" الشهيرة، كانت عارضة مجموعة كبيرة من البطاطين اليدوية، بشاكير وأغطية سرير خامتها ناعمة. كانوا بـ يعرضوا كمان أكلات لذيذة منها كبيبة سورى.

الشيء الغريب شوية كان نقص محلات الفاكهة والخضروات الأورجانيك. يمكن الاستثناء كان "طبيعى" اللى بـ يقدم منتجات أورجانيك، طازجة وبدون مبيدات حشرية. طالما بـ نتكلم عن المنتجات الطبيعية، تقدر تشوف زهور ونباتات فى السوق للباحثين عن تزيين بيوتهم أو مكاتبهم باللون النباتى الأخضر.

المدهش واللطيف فى الموضوع هو الروح الوديّة للبائعين فى كل المحلات والأكشاك، وكلهم كانوا متحمسين لعرض منتجاتهم وجاهزين للرد على أى استفسار عنها، من الأسعار للمكونات وحتى الخطط المستقبلية لتطوير منتجاتهم. التواصل مع ناس لهم تفكير مبدع قدروا يعملوا منتجات بالشكل كان شيء لطيف وأضاف لنا رؤية مختلفة.

ظهور مفهوم Farmers' Market كان فعلاً ضرورى للمجتمع المصرى؛ إحنا بجد محتاجين نشجع المشروعات الصغيرة، ونكسر من وقت للثانى ميلنا ناحية الأسماء والماركات. الاستمتاع بمنتجات طبيعية 100% بدون أى كيماويات أو آلات أكيد بـ يحمل إحساس بالراحة.

تقدر تزور صفحة Healthy Living and Famers' Market's على الفيسبوك علشان تعرف موعد سوق الشهر القادم ومعلومات أكثر عن العارضين.

التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
علياء سري
حرر بواسطة:
علياء سري
تاريخ النشر:
23/12/2014
Writer -