دليل كايرو 360 لتعليم العزف على آلة الكمان في القاهرة - مزيكا Feature - كايرو 360
 







دليل كايرو 360 لتعليم العزف على آلة الكمان في القاهرة
دليل كايرو 360 لتعليم العزف على آلة الكمان في القاهرة
اصدرت في: 17/06/2013

آلة النهارده اللي هـ نتكلم عنها تعتبر من الآلات الصعبة نسبيًا، ما تخافوش مش قصدنا نحبطكم، ده بس بهدف إعطاء فكرة علشان لو حد أخذ وقت شوية أثناء التعليم يعرف أن ده شيء طبيعي مش حاجة وحشة، لأن صعوبتها في أنها بـ تأخذ وقت شوية عن الآلات الثانية لغاية ما اللي بـ يتعلم يقدر يلعب حاجة مفيدة كمقطوعة أو أغنية مثلاً. لكن طبعًا القاعدة معروفة أن مع استمرار التمرين أكيد التقدم بـ يحصل.

كمعلومات سريعة ومختصرة عن آلة الكمان.. هي آلة وترية (4 أوتار) بجسم خشبي والعزف عليها بـ يكون باستخدام قوس مشدود عليه خصلة من شعر الخيل وده اللي بـ يلامس الأوتار أثناء اللعب، الكمان جذوره أوربية فى الشرق تحديدًا من القرن التاسع، إلا أننا نقدر نعتبرها عالمية الوجود والاستخدام وده نظرًا لتوظيفها فى أنواع كثيرة جدًا ومختلفة من الموسيقى من أول الكلاسيكية والفلكلورية لعدة بلاد لغاية الروك والموسيقى الإلكترونية.

فيه آلات كثيرة بـ تشبه الكمان من حيث الشكل وفكرة اللعب على الأوتار بالقوس زي الفيولا والتشيلو والكونترا باص والربابة، وعلى ذكر التشابه والاختلاف ناس كثير بـ يختلط عليهم الأمر بين الكمان اللي هو نفسه "الفايولين" وبين الفيولا، الفرق بـ يكون أن الفيولا أكبر حجمًا ولها ترتيب مختلف للأوتار وحِدة الصوت وغلظته، الكمان صوته أحدّ إلا أن شكلهم متقارب تمامًا.

أسعار الكمان بـ تبدأ من أول 200 لغاية 600، 800، 1500 و 2000 جنيه وممكن أكثر، السعر بـ يتزايد حسب جودة الخشب وبلد الصنع إلا أنه ينصح دائمًا بـ تجنب المنتجات رديئة الصنع وفي نفس الوقت الأسعار المرتفعة لشخص مبتدئ، الوسط هو المعقول.

 

فين ومع مين ممكن تتعلم العزف على الكمان؟  

ممكن مركز تنمية المواهب بدار الأوبرا المصرية خصوصًا للبدء مع الأطفال من سن 6 سنوات للتأسيس الصحيح بتعلم قراءة النوتة الموسيقية وده بـ يكون مقابل 500 جنيه كل 3 شهور في دار الأوبرا بالجزيرة، للاستعلام و الحجز: 0111109457-01005200906.

 

فيه مركز "فنون" لسكان مصر الجديدة ومدينة نصر بسعر 200 جنيه للـ 4 حصص، والمركز مكانه 7 شارع يوسف عباس الدور الأول شقة 104 بمدينة نصر أمام نادي الزهور، للتفاصيل والحجز ممكن تتصل بـ22623993 أو 01022630333.

 

كمان ممكن تتواصل مع أ/ جورج محسن لو عاوز دروس خاصة هـ يساعدك من الأول تبدأ من الأساسيات ورقمه 01221254538 والحصة مكانها وسعرها بـ يكونوا حسب الاتفاق.

 

فيه كمان أ/ أحمد حسن01003405133 ممكن تبدأ دروس فى ستوديو Vibe أو في مكان آخر حسب الاتفاق من سن 15 سنة فيما فوق مقابل 400 جنيه شهريًا بمعدل 4 حصص فى الشهر.

 

ومع أ/ نجلاء يونس 01001344707 ممكن تبدأ طريق العزف بأساليب احترافية، بـ يتم تحديد المقابل حسب المستوى وكمان مكان تلقي الحصة.

 

وأخيرًا ساقية عبد المنعم الصاوي فيها دروس تعليم كمان غربى بصورة أكاديمية من خلال نظريات موسيقية وتمارين من كتب أكاديمية، كل اللى مطلوب منك تجيبه آلة الكمان بتاعتك وجميع الإكسسورات الخاصة بها، وكراسة الموسيقى، الدورات هناك من سن 7 سنوات والاشتراك مفتوح حسب المستوى والاستيعاب، الكورسات أيام الخميس والجمعة مع أ/ خالد صالح وقيمة الاشتراك 300 جنيه.

مزيد من الصور
  • دليل كايرو 360 لتعليم العزف على آلة الكمان في القاهرة
التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
باسم أبو عرب
حرر بواسطة:
باسم أبو عرب
تاريخ النشر:
17/06/2013
بيسو.. الشهير بباسم أبو عرب، بتاع كتب ومزيكا.. وحاجات ثانية حسب الظروف، متوسط الذكاء لكن مستمر في المحاولة.. غاوي سفر من أول الدلتا والصعيد لحد شرق آسيا.. ومؤخرًا مقتنع أن "الهند هي أمي".