كافيكس: معرض تجارى متكامل لصناعة الأكل فى مصر - مطاعم Feature - كايرو 360
 







كافيكس: معرض تجارى متكامل لصناعة الأكل فى مصر
كافيكس: معرض تجارى متكامل لصناعة الأكل فى مصر
اصدرت في: 15/04/2014

مافيش كلام أن الأكل هو الشغل الرائج دلوقت فى مصر: مطاعم، كافيهات، محلات عصير وأى حاجة ثانية لها علاقة بالسلع الاستهلاكية بـ يفتحوا كل يوم فى كل أنحاء القاهرة، وكل واحد فيهم بـ يحاول يبقى أكبر واحد. جزء قدر ينجح فعلاً، أما الأغلبية ما كانش لهم نصيب.

الواحد ممكن يقعد أيام وأيام يسأل نفسه إيه السبب، بس فى الآخر واحد من الأسباب الرئيسية هى أن صناعة الأكل فى مصر مش صناعة بالمعنى الحرفى، يمكن أقرب لهيكل مفكك من العرض والطلب. بمعنى ثانى، الدخول للمجال ده حاجة، وأنك تعرف أنت عاوز توصل لإيه ولإمتى قصة ثانية خالص.

هى دى الحاجة اللى "كافيكس - Caféx" بـ يحاول يعالجها. كونه الأول من نوعه، كافيكس بـ يقدم محترفين من كل عناصر إنتاج الأكل تحت سقف واحد فى واحد من أكبر فعاليات الأعمال اللى تشهدها مصر.

صحيح الفكرة صعب تثير حماس أهل القاهرة العاديين، كافيكس هدية لكل المطاعم وأصحاب مشروعات الأكل، خصوصًا للناس الجديدة على المجال.

أصحاب فكرة المعرض مش بعيدين عن النوع ده من الفعاليات. "إيفينتس ميديل إيست" Events Middle East أو EME عندها مكاتب ومشروعات فى أماكن كثير من العالم وقدرت تبنى سمعة من عمل معارض تجارية أفكارها مبتكرة.

المسؤلين فى EME بـ يوصفوا كافيكس أنه معرض تجارى للحلول المتكاملة، بـ يوفر الفرصة لكل رجال الأعمال أنهم يوصلوا لكل حاجة من موارد وخدمات لغاية المعدات والفرش، المعرض فعلاً بـ يغطى كل حاجة تخص أماكن الأكل والشرب.

المعرض بـ يضم حاجات كثير تشمل معدات الكافيهات والمطاعم، والفرش، والتصميمات الداخلية، والمكان والخدمات التقنية، وطبعًا، الموضوع كله متعلق بالأكل. الموضوع ده يعتبر فرصه لكل أصحاب مشروعات الأكل والشرب –سواء جدد على المجال أو عندهم خبرة– لتقديم اسمهم ومنتجاتهم لأسواق وزبائن جديدة، وفى نفس الوقت التعرف على موردين جدد، وعلاقات جديدة وأفكار مبتكرة.

كافيكس هـ يكون فى مركز القاهرة الدولى للمؤتمرات في مدينة نصر فى الفترة بين الخميس 24 والأحد 27 أبريل. تقدر تعرف إزاى تشارك فى المعرض وحاجات ثانية من موقع كافيكس الإلكترونى.

التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
كايرو 360
حرر بواسطة:
كايرو 360
تاريخ النشر:
15/04/2014
-