جوائز اختيارات المحررين لعام 2014 لأفضل المطابخ العالمية فى القاهرة - مطاعم Feature - كايرو 360
 







جوائز اختيارات المحررين لعام 2014 لأفضل المطابخ العالمية فى القاهرة
جوائز اختيارات المحررين لعام 2014 لأفضل المطابخ العالمية فى القاهرة
اصدرت في: 17/06/2014

فاكر لما كانت عائلتك ما كانتش عارفة تقرر تطلب بيتزا ولا فراخ؟ همبرجر ولا كباب ولا كفتة؟.. علشان ترضي جميع الأذواق لازم الواحد يروح لمكان بـ يقدم جميع أكلات المطابخ المتنوعة، ولأن الجائزة دي قائمة على التنوع والجودة، خد عائلتك وأخرجوا لواحد من اختيارات الأماكن اللى هـ نرشحها لك.. ونوعدك عمرك ما هـ تخيب آمالهم.


كيه لاونج

أكثر شيء بهرنا هناك هو الاهتمام بالكيف قبل الكم، بالرغم من التنوع الرهيب في المنيو، إلا أن كل طبق بـ يقدموه مصنوع بمزاج. ده بالإضافة للخدمة فوق الممتازة والديكور المودرن الرائع اللي ساهموا في جعل تجربتنا في كيه لاونج استثنائية.


ذا سموكري

من الأماكن اللي مجرد الجلوس فيها تجربة في حد ذاتها، وده لأن موقعه في مرتفعات القطامية، بجوها الساحر. المعادلة الصعبة بقى أنك تبقى قاعد القعدة الحلوة في المكان الرائع ده، وكمان تلاقي الأكل رائع... هي صعبة فعلًا، ونادرة التحقيق... لكن مش على ذا سموكري.


أوك جريل

لو كان فيه جائزة لأجود المكونات في قوائمنا، ما كناش ترددنا لحظة علشان تبقى من نصيب أوك جريل. المكونات في كل الأطباق –اللي هي نفسها مبتكرة ومتنوعة- كانت كلها فريش، وبالتالي كانت النتيجة النهائية ككل ممتازة.


فافوريتو

من الأماكن المميزة جدًا اللي جربناها، أنيق بدون التكلف اللي يخليك مش قاعد على بعضك، ده غير أن فيه أكثر من منطقة للجلوس، سواء الدور العلوي حيث الهدوء، أو منطقة العرض الترفيهي الحي... بالإضافة إلى أنك ممكن تشتري من عندهم أجود توابل ومكونات الطبخ.


لو شانتيلي

فيه مطاعم كده تدخلها تحس أنك رجعت لأيام الزمن الجميل، وأنك وارد جدًا تقابل باشا بطربوش وحرمه المصون بدون أي اندهاش... لو شانتيلي هو واحد من الأماكن دي، مش بس الخدمة والنظافة اللي فكرتنا بتلك الأيام الجميلة –اللي شكلها مش راجعة قريب- ده كمان جودة الأطباق السويسرية الجميلة، خاصة حلو الفريز كوب وايفر، واللي هـ يغيّر لك مفهومك عن أي حلو بنكهة الفراولة.

 

جيه دبليو ستيك هاوس

من أكثر الأماكن اللي تقدر تدلع فيها نفسك بقطعة ستيك مافيهاش غلطة، سواء جودة اللحم نفسه أو الطهي، صحيح محفظتك هـ تزعل شوية، بس كله يرخص في سبيل وجبة ممتعة في مكان أنيق زي جيه دبليو ستيك هاوس.


تشاروودز

ده المكان اللي لما زرناه تمنينا أننا نفضل قاعدين فيه على طول؛ الديكور الروستيكي الحميم يحسسك أن البيت بيتك... طبعًا مشويات وستيك تشاروودز غني عن التعريف... وبالتالي ما كانش فيه صعوبة أنه يبقى في قائمتنا.

 

ألف مبروك للفائزين!

مزيد من الصور
  • جوائز اختيارات المحررين لعام 2014 لأفضل المطابخ العالمية فى القاهرة
التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
كايرو 360
حرر بواسطة:
كايرو 360
تاريخ النشر:
17/06/2014
-