جوائز اختيارات المحررين لعام 2014 لأفضل أماكن بـ تقدم أكلات صحية - مطاعم Feature - كايرو 360
 







جوائز اختيارات المحررين لعام 2014 لأفضل أماكن بـ تقدم أكلات صحية
جوائز اختيارات المحررين لعام 2014 لأفضل أماكن بـ تقدم أكلات صحية
اصدرت في: 15/06/2014

خلينا نواجه حقيقة أن القاهرة مش أحسن مدينة تعيش فيها وتعرف تأكل أكل صحي، فمطبخنا المصري الأصيل مليان دهون في كل الأكلات، وحبنا للأكل الغرقان في السمنة أكيد هـ يكون له أسوأ أثر على صحتنا وحياتنا في النهاية. لكن لو عاوز تهتم بصحتك وتأكل أكل مفيد، أو عاوز تكون نباتي أو تأكل أكل صيامي طوال الوقت، افرح؛ اختياراتك مش هـ تبقى محصورة في السلاطة والرابس وبس، هـ نقولك هنا على أحسن مطاعم بـ تقدم أكل صحي ظهرت في القاهرة مؤخرًا، وبـ نطلب منكم تشاركوا معانا برأيكم في الموضوع ده.

 

جود كالز – Goodcals

جود كالز بـ يقدم أطعمة "خالية من الشعور بالذنب"، فقط سلاطات وساندويتشات، المكان نفسه بسيط جدًا فى الزمالك، عدد السعرات مكتوب جنب كل اختيار، كمان تقدر تعمل السلاطة اللى على مزاجك بمكونات طازجة وبدون دهون.

 

ليتشي – Lychee

برضه فى الزمالك، تقدر تشرب فيه سموزى مليان فيتامينات أو عصير فواكة فريش، اختيارات كبيرة من كوكتيلات الفواكة والسموزى ممكن تجرب طعمها من ماكينة عصير الفاكهة، عندهم كمان مجموعة من المشروبات الساخنة زى الشاى والقهوة.

 

ليتوسيت – Lettuceat

ممكن تطلب السلاطة بتاعتك دليفري أو تأكل عندهم في فرع الزمالك، وعندهم كمان مشروبات فاكهة فريش، من ساعة ما جربناه وإحنا دائمًا بـ نطلبه عندنا فى المكتب، اختيار صحي ومبتكر لو عاوز تبعد عن الأكلات اللى ممكن ما تخليكش عارف تعدي من باب صغير.

 

ساتفا ستيبس – Sattva Steps

هنا أنت مش هـ تأكل عمياني زي أي مطعم عادي، ساتفا مش بس حاسبين عدد السعرات الحرارية في الوجبات، ده كمان بـ يحسب لك عدد الخطوات اللي لازم تمشيها علشان تحرق سعرات الوجبة، عندهم كمان عصائر فريش، وسموزي ومثلجات Frappes بكل الأنواع.

 

ذا فيجان كيتشن – The Vegan Kitchen

أول مطعم من نوعه يفتح في القاهرة للأكل العضوي النباتى الخالى من أى بروتين حيوانى، أصحابه عاوزين يدخلوا ثقافة الأكل النباتي فى القاهرة وكمان ينشروا فكرة المعيشة في بيئة خضراء صحية، وده باين من مكونات الديكور الصديقة للبيئة، حتى لو أنت مش شخص نباتى الأكل هنا هـ يعجبك جدًا.

 

ألف مبروك للفائزين!

التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
كايرو 360
حرر بواسطة:
كايرو 360
تاريخ النشر:
15/06/2014
-