بشاير: تمكين المرأة من خلال المشغولات فى منطقة حلوان - تسوق Feature - كايرو 360
 







بشاير: تمكين المرأة من خلال المشغولات فى منطقة حلوان
بشاير: تمكين المرأة من خلال المشغولات فى منطقة حلوان
اصدرت في: 25/09/2014

"بشاير" واحد من أهم مشروعات مؤسسة حلوان لتنمية المجتمع بدأ عام 1986، بعد كده الفكرة تطورت فى 1996 بحوالى 10 سيدات لتعليمهم شغل الكروشيه، إلى أن وصل إلى 360 سيدة فى المشغل دلوقت، هدفه كان زيادة التمكين الاقتصادى والاجتماعى للمرأة فى منطقة حلوان وهو واحد من ضمن مشروعات متعددة للمؤسسة زي برنامج محو الأمية، وبرنامج مكافحة العنف ضد المرأة وبرنامج التمكين الاقتصادي للمرأة.

فريق بشاير بـ يعمل مشغولات راقية ناعمة على مستوى الحرفيين، بـ تتنوع منتجاتها ما بين المفروشات والإكسسوارات والملابس لكل من السوق المحلى والدولى، وبـ تعتبر المشغولات من أكثر العلامات التجارية الراقية لأن فيها جماليات فى الشكل والذوق العام.

بداية بشاير كانت فى منطقة عرب غنيم، لحد الخمس سنوات التالية كان صاحب الفكرة والمسؤول عن تنفيذ المنتجات فى المقام الأول مصممة الأزياء ناهد نصر الله، واللى ساهمت بجزء كبير فى التسويق من خلال مشاركتها فى فيلم "الآخر" ليوسف شاهين، بدأت تسوق المنتجات فى الوسط الفنى وده كان له دور كبير فى نجاح المشروع.

مديرة المشروع حاليًا م/ سناء، والمدير التنفيذى م/ زينب عبد اللطيف الراعى الرسمى للمشروع فنار، م/ سناء ووضحت لنا كفريق كايرو 360 كم المجهود المبذول مع السيدات العاملة فى المشغل للوصول لنتيجة مرضية، مرورًا بفصول محو الأمية أولاً ثم التدريب على الكروشية وعلى الإسطمبات، إلى المجهودات الذاتية المسئولة عن خروج منتج من الذاكرة للنور.المنتجات ممكن تُنفذ حسب ذوق العميل، أو الأشكال العامة المتداولة فى السوق كالستائر والمفروشات أو الفساتين... إلخ.

وضحت لنا م/ سناء كمان أن عدد الأصناف اللى بـ يقوم المشغل على تصميمها حوالى 57 صنف، وفى الغالب بـ يكون موجود فى المشغل مصممة تشرف وتصمم أغلب المنتجات.

"بشاير" منتجاتهم موجودة فى حوالى 15 مكان بعضهم بـ يطلب تصميمات خاصة ومنفردة، وبعضهم بـ يطلب المنتجات الموجودة فى السوق عامة، كل منهم بـ يختار المنتج المناسب له، مثلاً فيه أماكن متخصصة فى الستائر، فيه أماكن ثانية مفروشات، وفساتين... إلخ، بالإضافة أن فيه بعض العملاء بـ يطلبوا تصميمات خاصة بهم، التوزيع بـ يتم جملة أو قطاعى وكل منهم له سعر حسب الاتفاق وحسب المقاسات ونوع المنتج.

ممكن تلاقى منتجات بشايرفي 15 مكان، منها إكليجو ديزاين – Eklego Design فرع الزمالك ومصر الجديدة وجاليرى منايا فى الزمالك، وبيو شوب فى المعادي، وسونا ستايل فى المهندسين، ومودرن تاتش فى الزمالك، ده طبعًا بالإضافة للمعارض اللى المشغل بـ يشارك فيها ممكن تتابعوها من على صفحتهم على الفيسبوك أو الكتالوج أو من خلال التليفون، ويفضل الأخير
الخامات المستخدمة بـ تكون قطن 100%، بالنسبة للأسعارعرفنا من قسم التسويق أنهم بـ يسوقوا لحوالى 57 منتج مابين فوط ومفروشات وستاير وشنط ومحافظ... إلخ، أسعار المشغل مختلفة عن أسعار أماكن التوزيع السابق ذكرها رغم أن المصدر واحد لكن كل مكان بـ يختلف عن الثاني ويعتبر المشغل أقلهم سعر طبعًا، حد أدنى للأسعار فى المشغل حوالى 50 جنيه سعر المحفظة أو الكوستر Coaster، الشنطة حوالى 100 جنيه، مفرش السرير المقاس العادى هـ يبدأ من 1500 جنيه فيما فوق هـ يختلف حسب المقاس، فساتين الأطفال بـ تبدأ من 100 جنيه والمقاس الكبير من 200 جنيه، مفرش السفرة بـ يبدأ من 850 جنيه، الأسعار دى الخاصة بالمقاسات والتصميمات المتداولة وليس الخاصة، وأن أسعار الجملة بـ تختلفعن أسعار القطاعى، كمان عرفنا أن خططهم الجاية فتح قسم لتعليم التريكو وفيه تجهيزات له.

مزيد من الصور
  • بشاير: تمكين المرأة من خلال المشغولات فى منطقة حلوان
  • بشاير: تمكين المرأة من خلال المشغولات فى منطقة حلوان
  • بشاير: تمكين المرأة من خلال المشغولات فى منطقة حلوان
التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
منى أبو عامر
حرر بواسطة:
منى أبو عامر
تاريخ النشر:
25/09/2014
كاتبة، حماسية جدًا. حبت القراءة على كِبر، واكتشفت كمان أنها بـ تعرف ترسم وهي عندها 20 سنة، بـ تحب التصوير أوي لكن مش موهوبة، بـ تحس بمتعة رهيبة وهي بـ تشتغل إكسسوار Handemade بحب، بـ تحب الحياة وكوكي بنتها جدًا.