مدينة نصر فن وثقافة in Cairo, Egypt

فن وثقافة

طلة فن: مركز تعليم رسم وزخرفة في مدينة نصر
اصدرت في: 31/05/2011

أوقات كتيرة بـ تبقى زهقان من وسائل الترفيه التقليدية، ومش لاقي حاجة تعملها في وقت الفراغ، وماعندكش هواية تمارسها، أو مادورتش قبل كده على هواية تناسب إمكانياتك، في الحالة دي ممكن تروح مركز «آرت ڤيچن Art Vision -» أو طلة فن، وهو عبارة عن شقة دور أرضي، في عمارات المقاولون العرب في آخر شارع مصطفى النحاس. أول ما تدخل هـ تلاقي لوحات رسم بالرصاص، وبورتريهات، ولوحات رسم بألوان الزيت، فخار وخزف، يعني بإختصار هو اسم على مسمى، لأنه بـ يطل على كل أنواع الفنون. «آرت فيجن» أو «طلة فن» مركز جديد بقاله خمس شهور، ورغم كده عليه إقبال كبير جداً وخاصة من سكان مدينة نصر والرحاب والتجمع الخامس اللي كان نفسهم في مركز بـ يوفر نفس الدورات ويكون قريب منهم، كمان زاد الإقبال عليه؛ لأن الدورات في كل أنواع الرسم؛ الرسم بالرصاص والفحم، الرسم بألوان الزيت، الرسم على الزجاج والفخار، البورتريه، ويوجد دورة رسم للمبتدئين، ودورة لتعليم الرسم للأطفال، والمدرسين بـ يبقوا إما أكاديميين متخصصين أو هواة متمكنين. آحياناً بـ يتدخل خالد البنا صاحب المركز في توجيه الطلاب ناحية الدورة المناسبة ليهم، يعني ماينفعش حد ما بـ يعرفش يرسم خالص ياخد دورة الرسم بألوان الزيت، وهنا بـ ينصحه خالد بأنه يبتدي بدورة الرسم للمبتدئين ومدتها 12 حصة وسعرها 400 جنيه، وفيه يتعلم الواحد رسم المجسمات الأول، وظلالها، والنسب الصحيحة للرسم وبعدين ياخد المنظور، وبعد كده يتعلم البورتريه، واللي بـ يشمل رسم العين بإتجاهاتها المختلفة، واللي ممكن تاخد حصة لوحدها. والدورة بـ يكون فيها حصص خارجية، يعني بـ يخرج المدرس مع مجموعته في المكان اللي بـ يتفقوا عليه، عشان يرسموا التفاصيل الموجودة فيه. «طلة فن» مش بـ يقدم دورات في الرسم وبس، إنما بـ يقدم دورات تانية زي النحت والخزف، الجرافيك، تنمية المهارات الشخصية، اليوجا، الإتيكيت، الموسيقى، الكوميكس والكاريكاتير، الخط العربى، الحلي والإكسسوارات والنحاس والفضة. وفيه دورة جديدة للمشغولات الجلدية لتعليم صناعة الحلي من الجلد، بالإضافة إلى صناعة الشنط والمحافظ واللوحات وتطبيق تصميمك الخاص على الجلد، وبـ تتعرف فيها على الخامات اللي بـ تستخدمها في المشغولات الجلدية، والأدوات زي ماكينة الحرق وماكينة التفريغ، كمان بـ تخرج في زيارة ميدانية عشان تعرف أماكن بيع الخامات دي. في نية خالد، أنه يفتح ورشة للمعادن بالمركز عشان الطلاب وكمان الناس اللي من برة المركز ونفسها تعمل إكسسوارات، عشان فيه بعض الهوايات اللي صعب تنفيذها في البيت، ومن ضمنها النحت والخزف. وأخيراً، ممكن تسوق منتجاتك وخاصة الحلي والمشغولات اليدوية والخزف عن طريق المركز اللي عاقد إتفاق مع بعض المعارض. أما اللوحات بـ يبقى صعب شوية لأنه مش كل الناس بـ تحب اللوحات المرسومة حسب كلام خالد. أغلب المواعيد بـ تبقى مسائية، ماعدا يوم الجمعة والسبت بـ يبقى فيهم مواعيد صباحية، والخامات والأدوات بـ تبقى عليك. ولو عايز تتعرف أكتر على «طلة فن» ممكن تشاهد فيديوهات خاصة بالمكان على اليوتيوب، وتعرف أكتر عن دورات الرسم والحلي.

...

مواضيع خاصة

دليل #كايرو_360 لأسعار حلاوة المولد في القاهرة

مولد النبي. أحلى وأجمل مناسبة بنستناها دايمًا من السنة للسنة. وكلنا بنلاحظ الفرحة والبهجة اللي بتنشرها المناسبة دي في القاهرة. طبعًا أولها فرحة حلاوة المولد اللي بن