‏بالفيديو: 5 أفكار سهلة تعمل بيها زينة رمضان في بيتك - الحياة في كايرو Feature - كايرو 360
 







‏بالفيديو: 5 أفكار سهلة تعمل بيها زينة رمضان في بيتك
‏بالفيديو: 5 أفكار سهلة تعمل بيها زينة رمضان في بيتك
اصدرت في: 01/06/2016

من ضمن الحاجات اللي بتحلي رمضان وتفرقه عن أي سهر ثاني هي الزينة، ونعتقد أن مهما مر الوقت والواحد كبر في السن الزينة الرمضانية هتفضل من مبهجات الشهر الكريم. يمكن فيه ناس كثير بتشوف أن رمضان يعني فانوس وبس؛ يمكن لأنه أكثر حاجة مرتبطة برمضان، ويمكن لأن "كفاية الفلوس اللي ادفعت فيه... إيه لازمته الزينة يعني؟".

علشان الفانوس يلاقي حاجة جنبه في البيت، دي مجموعة فيديوهات بتعرض طرق مختلفة لعمل زينة رمضان، واللي فيه منها ممكن يتعمل بالأكياس النايلون اللي بنكومها تحت الحوض في البيت بالسنين من غير ما نستعملها، وده بالظبط اللي موجود في أول فيديو واللي موجود على صفحة "اصنع بنفسك" على اليوتيوب:

 

صحيح الصفحة دي أغلبها وصفات أكل متنوعة، إلا أن NiletoRockiesCuisine عليها ثاني فيديو خاماته بسيطة، لكن نتائج الزينة هايلة:

الفيديو ده من على صفحة اسمها "عندي فكرة"، يمكن الخامات اللي هتحتاجها علشان تعمل الزينة دي كثير شوية، بس فكر في المتعة اللي هتحس بيها وأنت قاعد تنفذ الفكرة المعروضة هنا –تلوين وحركات:

ولكل اللي شايف أن فوانيس الأيام دي أسعارها مبالغ فيها، أو أطرافها الحادة سواء بلاستيك أو معدن مش أمان للأطفال الصغيرة... خد عندك الفيديو ده من صفحة Noor Tawel:

ده بقى مخصوص لكل اللي بيحب فن الأوريجامي (طي الورق)، وفيه مريم مدحت بتوريك إزاي تصنع فانوس ورقي بطريقة الأوريجامي، الفانوس شكله بسيط جدًا ومبتكر. وبالنسبة لنا أي حاجة بنعملها بالأوريجامي وبتنجح بتحسسنا أننا أذكياء قوي:

التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
دينا مختار
حرر بواسطة:
دينا مختار
تاريخ النشر:
01/06/2016
منسق تحريري.. الشخص اللى تلاقيه قاعد لوحده على القهوة الصبح بدري بـ يتفرج على الخلق، سيب لها قلم وورقة فاضية هـ ترجع تلاقيها إما كاتبة قصة قصيرة أو راسمة باب شعبي قديم، تطلعها من وسط مليون بلبسها المنقوش فى منقوش.