«تحدي عبور مصر»: رحلة 1700 كيلومتر على دراجات فيسبا بخارية - معالم وسياحة Feature - كايرو 360
 







«تحدي عبور مصر»: رحلة 1700 كيلومتر على دراجات فيسبا بخارية
«تحدي عبور مصر»: رحلة 1700 كيلومتر على دراجات فيسبا بخارية
اصدرت في: 25/08/2011

تخطيط لرحلة على الطريق في أنحاء مصر كلها رحلة كثير من أصدقاءنا هـ يفكروا فيها وهـ يبقوا عايزين يعملوها في مرحلة ما من حياتهم، ولما تتخيل الموضوع هـ تلاقيها واحدة من أحسن الرحلات اللي ممكن تعملها.

الطرق في مصر غير ممهدة، ومافيش حاجة أحلى من أن مجموعة أصدقاء جامدين قوي يطلعوا الطريق ويستمتعوا باكتشاف الطبيعة والتراث في بلدهم وكمان ينتقلوا من مدينة لمدينة ثانية، وزيادة على كل ده كمان الرحلة دي بالدراجات البخارية.

فريق من 16 شخص قرروا أنهم يعملوا خطة ورسموها على الورق، فريق «تحدي عبور مصر - Cross challenge Egypt» هـ يقطعوا مسافة 1700 كيلومتر عبر صحاري وجبال مصر من المدينة الساحلية "الإسكندرية" في الشمال حتى "أسوان" في الجنوب.

المبادرة غير هادفة للربح عملها مجموعة من الأصحاب من الإسكندرية وغرضها حسب كلام «أحمد الزغبي» المتحدث باسم التحدي: "أنها هـ تساعد على تنشيط السياحة في مصر وكمان تشجيع استخدام وسائل موصلات أخرى".

من وقت 25 يناير والسياحة في مصر مش كويسة قوي لأن بعض الدول طلبت من سكانها أنهم ما يسافروش مصر بسبب الأحداث السياسية اللي بـ تحصل، وكمان الحملات الإعلامية اللي كانت ضد الأجانب وقت الثورة خوفتهم أنهم ما يزوروش مصر وده أثر على السياحة في البلد.

في أبريل 2011، وزارة السياحة في مصر أعلنت أن نسبة إيرادات السياحة في مصر قلت بـ نسبة 25% من السنة اللي فاتت، في نفس الوقت تقريبًا «الزغبي» وأصدقائه «أحمد الحسيني»، «محمد الشربيني»، «منى المداني» و«سارة تبانة» قرروا أنهم يقوموا بدورهم في المساعدة لتجاوز الأزمة الاقتصادية.

مجموعة من الناس المحترفة والمثقفة ولهم خبرات في قيادة دراجات الفيسبا البخارية وبـ يحبوا المغامرات والسفر قرروا أنهم يقضوا 9 أيام على الطريق ويوقفوا الدراجات بتاعتهم في أكثر مدن مصر بروزًا.

في 14 أكتوبر التحدي هـ يبدأ من مكتبة الإسكندرية، وبعدين للأهرمات، ثم أبو الهول، والنيل، وبعدها قناة السويس، وشرم الشيخ، ومعبد الكرنك في الأقصر، ورمسيس الثاني وأبو سمبل في أسوان.

إيه الرسالة اللي بـ يحاولوا يوصلوها؟

«زغبي» بـ يقول: "أن مصر بلد آمنة وتستحق الزيارة بعد الثورة المصرية العظيمة، الفريق كمان بـ يتمنى أن المصريين يستخدموا وسائل موصلات مختلفة وتكون سريعة علشان يحلوا مشكلة الزحمة في البلد".

16 راكب دراجة هـ يكملوا الرحلة كلها. بس ممكن ناس ثانية من بره يحبوا أنهم يكملوا معاهم وده حسب اللي قاله «زغبي» لـ كايرو 360، هـ يكون فيه استمارة قريب على الموقع بتاعهم، وفيها تفاصيل عن السن، ومعايير السلامة علشان تعرف تنضم للفريق. لمزيد من المعلومات زوروا صفحتهم على الفيس بوك.

الطرق المفتوحة للناس العادية هي من إسكندرية للقاهرة (210 كيلومتر) وهي يوم 14 أكتوبر، طريق ثاني من القاهرة للسويس (140 كيلومتر) اليوم اللي بعده، الناس اللي تحب تشارك في الموضوع ده ممكن تنضم لهم.

وأما سألنا لو فيه أي خطوة أن الفكرة والخطة دي ممكن تتعمل أكثر من مرة «زغبي» قال: "رغم أن المنظمين دعموا المبادرة بس هم خايفين من عمل أي التزمات في المستقبل". هو قال: "أي قرارات للمستقبل مش هـ يفكروا فيها لغاية لما الفكرة دي تنجح".

الفكرة دي تم تأييدها من وزارة السياحة في مصر وكمان فيه اهتمام إعلامي كبير بها. «تحدي عبور مصر» هـ تخلي ناس كثير يلتفتوا لأماكن مصر الرائعة في الشهور القادمة، إشارة إلي تاريخ مصر والجيل الجديد اللي بـ يدور على مستقبل أفضل.

مزيد من الصور
  • «تحدي عبور مصر»: رحلة 1700 كيلومتر على دراجات فيسبا بخارية
  • «تحدي عبور مصر»: رحلة 1700 كيلومتر على دراجات فيسبا بخارية
  • «تحدي عبور مصر»: رحلة 1700 كيلومتر على دراجات فيسبا بخارية
  • «تحدي عبور مصر»: رحلة 1700 كيلومتر على دراجات فيسبا بخارية
التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
هبة الشريف
حرر بواسطة:
هبة الشريف
تاريخ النشر:
25/08/2011
محررة، بـ تعشق الأخبار واشتغلت مراسلة محلية لمدة كام سنة بعد التخرج، بـ تحب الكتابة والكتب والقهوة والعمل التطوعي.