راس الغول: إبداع جديد للساحر محمود عبد العزيز - تليفزيون Feature - كايرو 360
 







راس الغول: إبداع جديد للساحر محمود عبد العزيز
 راس الغول: إبداع جديد للساحر محمود عبد العزيز
اصدرت في: 05/06/2016

بيحكي القريبيين منه أنه لما بياخد شخصية ويقعد يقراها لازم يقتنع بها، وبعدين يقعد يجرب شكلها هيبقى عامل إزاي وبعدين يدرسها، ويصمم الملابس والاكسسوارات الخاصة بيها، ولازم يخلي لها (تيمة) كده زي مثلًا تدخين سيجار أو جملة بتتكرر، أو حاجة كده، وبعد كل ده بيفضل عايش بيها، يعني يخلي الناس تناديه باسمه في العمل الدرامي، ويعيش بنفس الشخصية، وبتبقى النتيجة أن الناس بتصدقه قوي.. بالضبط بنتكلم عن (الساحر) محمود عبد العزيز.

"رأس الغول" مسلسل حركة وإثارة من بطولة الساحر محمود عبد العزيز، وميرفت أمين وفاروق الفيشاوي، ومن إخراج أحمد سمير فرج، هنشوفه على قناة النهار وسي بي سي.

وإحنا بنرشح المسلسل ده أنه يكون واحد من المسلسلات الأكثر مشاهدة على التلفزيون، وده راجع لأسباب كتير.. أهمها أن الناس بتحب تمثيل محمود عبد العزيز، وبتصدقه، كمان وجود أسامي تقيلة زي فاروق الفيشاوي وميرفت أمين، هيزود نسبة نجاحه، المسلسل واضح من البرومو أنه متصور بتقنية جديدة وزوايا كتيرة ومصروف عليه كتير، والناس بتتشد قوي لكل ده.

ناس كتير منتظرة المسلسل ده لأنها الناس بتعتمد في اختيارتها على الذاكرة، يعني أنا شوفت السنة اللى فاتت مسلسل حلو لمحمود عبد العزيز، يبقى هتابع مسلسله السنة دي برضه، وخلونا نشوف معاكم.

مزيد من الصور
  •  راس الغول: إبداع جديد للساحر محمود عبد العزيز
التعليقات
تصويت

Loading...

اكسب! عشاء لفردين في المطعم الياباني توري
اكسب! عشاء لفردين في المطعم الياباني توري
عن الكاتب
أحمد عبد الجواد
حرر بواسطة:
أحمد عبد الجواد
تاريخ النشر:
05/06/2016
شاعر عامية وصحفى ومنسق مشروعات أدبية فى الساقية، كائن بـ يحب الحياة، أحيانًا بـ يتحول لشخصية أسطورية وهو بـ يكتب بـ يظهر له جناحين، أو بـ يختفى ويظهر فى أماكن مختلفة، بـ يفضل أكل البيت مع أسرته عن الأكلات السريعة، بـ يلعب لعبة يابانية اسمها "آيكيدو" وحصل على الحزام الأسود فيها بعد معاناة.