أثاث ومستلزمات منزل تسوق in القاهرة الجديدة Cairo, Egypt

تسوق

زارا هوم: مستلزمات منزلية شيك فى كايرو فستيفال سيتى مول، القاهرة الجديدة
اصدرت في: 25/03/2014

مع التوسع السريع لأماكن التسوق على اختلافها فى القاهرة، "زارا هوم - Zara Home" أثبت أنه مكان هائل بـ يلبى احتياجاتك من الإكسسوارات المنزلية المعاصرة بجودة ممتازة. بعد افتتاح أوائل فروعهم فى سيتى ستارز هليوبوليس ومول العرب فى مدينة 6 أكتوبر، نجاحه الكبير وصله لافتتاح أحدث فروعه فى المول الضخم كايرو فيستيفال سيتى. بعرض منظم وأرفف وترابيزات عرض بيضاء، المحل الواسع بأضوائه المبهرة على ما يبدو بـ يعرض على حسب المجموعة بدلاً من تصنيف معين للمنتج، والطريقة دى أحيانًا بـ تصعب من عملية التسوق. صحيح كثير من المعروضات فيها إحساس بالرقى والشياكة، بدرجات من الرمادى الخفيف، البيجات والكريمى، معروضات ثانية مفرحة وغنية بالألوان، وكلهم فى نفس الوقت بـ يحافظوا على درجة من الرقى والجودة العالية. إكسسوارات منزلية جامدة بالشكل ده برضه أكيد مكلفة، أسعارها تتراوح بين المستوى المتوسط والغالى. بالنسبة لطاقم الموظفين كانوا غير ملحوظين بدرجة كبيرة، وبكده قدرنا نتفرج براحتنا. أى حاجة تخطر على بالك من أقمشة البيت هـ تلاقيها موجودة، من مفارش الترابيزات والمنسوجات، لغاية مستلزمات غرف المعيشة والحمامات. بطانيات ملفتة للنظر ناعمة وثقيلة كان سعرها 1299 جنيه، أما المخدات الطبية، وأغطيتها ومفارش السرير بـ يبيعوهم على حدة. سلال غسيل من الخوص متوفرة بمجموعة من الألوان، والأحجام والأشكال، أسعارها تبدأ من 500 جنيه، وكمان صناديق تخزين جذابة ودواليب على الموضة بأسعار أرخص. زارا هوم بـ يقدم كمان هدوم بيت رجالى وحريمى، مع مجموعة من فساتين سهرة قطن محتشمة (399 جنيه)، لكاليك (349 جنيه)، بيجامات كاملة وأرواب. شماعات ملابس مبتكرة بتصميمات كثيرة، منها شماعة من الساتان بألوان مبهجة، وأشكال ورد لطيفة شدوا انتباهنا (129 جنيه/ لعبوة من 3 قطع). مجموعة من أغطية المخدات برضه معروضة، وتعتبر إضافة ممتازة لغرف النوم أو المعيشة، وكمان يمكن شراء حشو المخدات (+50 جنيه). فوط للشاى من القطن الخالص عبوتها مكونة من قطعة، أو اثنين أو ثلاثة، بتصميمات كثيرة بلون واحد أو ألوان متعددة سعرها حوالى 129 جنيه. بالنسبة لمستلزمات الأكل والترابيزات مافيش أكثر منها. أطقم مفارش وأرضيات سفرة متوفرة، وكمان تشكيلة كبيرة من الكؤوس، الماجات وباقى أصناف الصينى. طقم عصيان فوندو جذاب من 6 قطع عليها فيلة ذهبية صغيرة كان سعره 129 جنيه. صوانى لا غنى عنها موجودة بمجموعة من الأحجام والتصميمات، منها الخوص (399 جنيه) أو شكل ثانى عتيق جذاب سعره 499 جنيه. متوفر كمان عليقات حائط جميلة على شكل فراشة (99 جنيه) ومقابض باب مميزة. حليات ديكور على الموضة منتشرة وسط تشكيلات إكسسواراتهم المختلفة، وتشمل رأس وحيد القرن بـ تتعلق على الحائط (500 جنيه)، سحلية ذهبية صغيرة (259 جنيه) وكبيرة (349 جنيه)، مع تماثيل لحيوانات ثانية وشموع ديكور. الأباجورات إما مبتكرة أو تخطف العين بتصميمها وفى نفس الوقت محتفظة بالبساطة؛ أباجورة مكتب على شكل حصان سعرها 1,200 جنيه، وكمان اختيارات من الأكريليك أكثر حداثة. منطقة كاملة مخصصة لمجموعة عطور زارا هوم، ومعاها شموع رائحتها روعة وأسعارها غالية شوية (200 جنيه/ 259 جنيه)، شمع على شكل ورد (79 جنيه/ 3 قطع)، معطر غرفة، وعلب من أعواد بخور (49 جنيه)، معطر عربية قوى الرائحة (129 جنيه) وفواحات رائعة الشكل، مع حاجات ثانية. منطقة صغيرة برضه مخصصة للأطفال، بعدد من المفروشات المناسبة لأى حضانة. فرع زارا هوم بـ يقدم مجموعة كبيرة من الإكسسوارات المنزلية الرائعة تمشى مع كل الأذواق، وإحنا معاك أن الأسعار جايز عالية شوية، بس الجودة عندهم أعلى من أماكن كثيرة فى القاهرة.

...

أيكيا: عملاق الأثاث السويدى حاليًا فى القاهرة
اصدرت في: 10/12/2013

عادة رحلة التسوق بحثًا عن إكسسوارات منزلية معاصرة فى القاهرة طويلة ومكلفة بشكل مبالغ فيه. دلوقت "أيكيا – IKEA" الاسم السويدى الشهير وصل القاهرة أخيرًا وتحديدًا فى كايرو فيستيفال سيتى بالقاهرة الجديدة، بهدف تقديم إكسسوارات منزلية جاهزة، أنيقة، وبأسعار بسيطة. تقدر تشوف اليافطة المميزة بألوانها الأزرق والأصفر من بعيد، أما ساحات وقوف السيارات -بجانب الجراج متعدد الطوابق– بـ تمتد لمنتهى بصرك. وقت زيارتنا، المدخل من الشارع كان فوضوى، مع حشود رهيبة مندفعة ناحية المصعد الوحيد. الموظف المسؤول كان بـ يسلم شنط تسوق كبيرة، مع أقلام وأوراق ملاحظات لكتابة اختياراتك من الأثاث. الأثاث الكبير معروض فى صالة عرض مريحة، وكل قطعة متوفرة بـ تتجمع، وتتفكك فى المخزن الكبير الموجود وراء كاونتر الحساب. كل شئ معروض للبيع، بداية من الدواليب والسراير، لغاية الكنب، المكتبات وأدوات الإضاءة. كثير من الأثاث المعروض يوفر إمكانية تغيير الأقمشة، على سبيل المثال كنبة KLIPPAN لفردين سعرها 1975 جنيه. شوفنا سرير مزدوج موديل MALM لونه أبيض بمكان أسفله للتخزين سعره 4285 جنيه، كراسى مطبخ قابلة للطى سعرها 125 جنيه ومكاتب بحوالى 800 جنيه. أثاث غرف الأطفال كمان متوفر، مع مجموعة محدودة من الأعمال الفنية ولعب الأطفال والإكسسوارات. كل قطعة موضح عليها اسم الموديل، رقمه ومكانه فى المخزن. تقدر تشوف منتجات أصغر حجمًا باتباعك للأسهم الموجودة على الأرض، اللى بـ توجهك وسط المتاهة الكبيرة. كل قسم محتوياته موضحة، من إكسسوارات المطبخ والأكل، مرورًا بغرف النوم والمفارش، تجهيزات الحمامات، قسم ضخم للإضاءة وأدوات الطعام، سجاجيد، مرايات، ساعات وأعمال فنية، ووصولاً لقسم كبير للشموع ونباتات الزينة. مجموعة من أثاث الحدائق كمان متوفرة قريب من المخرج. سجادة خامتها تشبه جلد الماعز سعرها 195 جنيه، ممسحة للأحذية متينة سعرها 225 جنيه، أما بطانية مخططة شكلها أنيق فكان سعرها 220 جنيه. أكواب زجاجية صغيرة تبدأ من 9 جنيه، وأقداح قهوة كبيرة سعر الواحد 10 جنيه، وطبعًا أساسيات المطبخ زى حامل مكعبات الثلج (+6 جنيه)، ألواح فرم اللحوم (+25 جنيه)، أدوات طبخ خشبية، طاولات تجفيف وأوانى بأحجام مختلفة كلها متوفرة؛ الغريب أننا لاحظنا نقص شديد فى أدوات المائدة. سعر سلال قمامة ورقية بسيطة كان 15 جنيه، أما سلة من الستانليس ستيل بضاغط للقدم كان سعرها 155 جنيه. صناديق ومستلزمات تخزين متوفرة بتنوع كبير، ونفس الكلام بالنسبة لخزائن الملابس وفواصل للأدراج. زهريات ضخمة أسطوانية سعرها 125 جنيه، ومجموعة زجاجية لحمل الشموع من ثلاثة قطع طويلة سعرها 195 جنيه. فى قسم دورات المياه، مش بس بـ يقدموا ماركتهم الخاصة بالأحواض، لكن كمان كل حاجة بداية من الفوط والبشاكير (125 جنيه)، لفرش التواليت وأطباق الصابون. أرفف جانبية للحمام متاحة بسعر 135 جنيه، مع حامل فوط بنفس الشكل (95 جنيه) وحوامل لبكر المناديل (25 جنيه). قسم الإضاءة يعتبر واحد من أكثر الأقسام إبهارًا، بمصابيح جانبية للفراش تبدأ من 39 جنيه، أباجورات قائمة على أحدث طراز (+125 جنيه) ومصابيح سقف روشة ونجف. حلول الإضاءة لكبائن المطابخ كمان متوفرة، عبارة عن إضاءة LED وكشافات. أباجورة زجاجية ثلجية صغيرة لغرف النوم سعرها 99 جنيه، أما الأحجام الأكبر بقاعدة زجاجية سادة أو بألوان خفيفة سعرها 145 جنيه. أباجورة ضخمة على الطراز القديم بدرجة لون كربونية سعرها 765 جنيه. للسهولة، كل المصابيح المطلوبة موجودة وتباع بمفردها. رغم أن بعض الأسعار شاذة شوية لما نقارنها بالبضاعة، معظم الموجود يستحق ثمنه، بتصميماته الراقية المعاصرة. مع حلول فرش تشمل كل حاجة لكل الغرف، "أيكيا" أكيد المكان الأمثل لكل احتياجاتك المنزلية.

...

مواضيع خاصة

دليل #كايرو_360 لأسعار حلاوة المولد في القاهرة

مولد النبي. أحلى وأجمل مناسبة بنستناها دايمًا من السنة للسنة. وكلنا بنلاحظ الفرحة والبهجة اللي بتنشرها المناسبة دي في القاهرة. طبعًا أولها فرحة حلاوة المولد اللي بن